వివో Y33s స్మార్ట్‌ఫోన్ ధరలు పెరిగాయి!! ఎంతనో తెలుసా??

| Published: Tuesday, October 19, 2021, 9:45 [IST]

వివో బ్రాండ్ యొక్క Y33 సిరీస్‌ స్మార్ట్‌ఫోన్‌లలో ఇటీవల ఆగస్టులో బడ్జెట్ విభాగంలో స్నేహపూర్వక ఆఫర్‌గా విడుదలైన వివో Y33s ఇప్పుడు ధరల పెరుగుదలను అందుకున్నది. వివో Y33s హ్యాండ్‌సెట్ ధర రూ.1000 వరకు పెరిగింది. ఆక్టా-కోర్ మీడియాటెక్ హెలియో SoC ద్వారా శక్తిని పొందుతూ 6.58-అంగుళాల ఫుల్-హెచ్‌డి+ ఎల్‌సిడి డిస్‌ప్లే, ట్రిపుల్ రియర్ కెమెరా సెటప్‌తో పాటుగా డిస్‌ప్లే చుట్టూ మందపాటి బెజెల్స్ నిర్మాణం మరియు 50 మెగాపిక్సెల్ ప్రైమరీ సెన్సార్ మరియు 5,000 ఎంఏహెచ్ బ్యాటరీ వంటి ఫీచర్స్ కలిగి ఉండి రెండు కలర్ ఎంపికలలో మరియు ఒకే కాన్ఫిగరేషన్‌లో లభించే ఈ ఫోన్ గురించి మరిన్ని వివరాలు తెలుసుకోవడానికి ముందుకు చదవండి.

వివో Y33s స్మార్ట్‌ఫోన్ పెరిగిన కొత్త ధరల వివరాలు

వివో Y33s స్మార్ట్‌ఫోన్ ఇండియాలో 8GB RAM + 128GB స్టోరేజ్ ఒకే ఒక వేరియంట్ లో రూ.17,990 ధర వద్ద మిడ్ డే డ్రీమ్ మరియు మిర్రర్ బ్లాక్ కలర్ లలో లాంచ్ అయింది. ధరల పెంపు తరువాత తాజా సవరణ ఫలితంగా ఇప్పుడు ఈ 8GB ర్యామ్ + 128GB స్టోరేజ్ మోడల్ రూ.18,990 ధర వద్ద లభిస్తుంది. ఈ పెరిగిన కొత్త ధర ఇప్పుడు వివో ఇండియా వెబ్‌సైట్‌లో ప్రతిబింబిస్తోంది. ఫ్లిప్‌కార్ట్ మరియు అమెజాన్ ఇండియా వంటి ఇ-కామర్స్ మార్కెట్‌లలో కూడా సవరించిన ధరల జాబితాతో ఈ ఫోన్‌ను కొనుగోలు చేయడానికి అందుబాటులో ఉంది. గత నెలలో వివో యొక్క ప్రధాన ప్రత్యర్థులలో ఒకరైన ఒప్పో బ్రాండ్ ఒప్పో A54 మరియు ఒప్పో F19 స్మార్ట్‌ఫోన్‌ల ధరలను కూడా రూ.1,000 వరకు పెంచింది.

Flipkart దీపావళి సేల్ మొదలైంది ! స్మార్ట్ ఫోన్లు ,ల్యాప్ టాప్ లపై భారీ ఆఫర్లు Flipkart దీపావళి సేల్ మొదలైంది ! స్మార్ట్ ఫోన్లు ,ల్యాప్ టాప్ లపై భారీ ఆఫర్లు

వివో Y33s స్మార్ట్‌ఫోన్ స్పెసిఫికేషన్స్

వివో Y33s స్మార్ట్‌ఫోన్ యొక్క స్పెసిఫికేషన్స్ విషయానికి వస్తే ఇది డ్యూయల్ సిమ్ (నానో) స్లాట్ కలిగి ఉండి ఆండ్రాయిడ్ 11 ఆధారంగా మరియు ఫన్‌టచ్ ఓఎస్ 11.1 తో రన్ అవుతుంది. అలాగే ఇది 6.58-అంగుళాల ఫుల్-హెచ్‌డి+ ఎల్‌సిడి డిస్‌ప్లేను 1,080x2,408 పిక్సెల్స్ తో కలిగి ఉంటుంది. ఇది హుడ్ కింద మీడియాటెక్ హెలియో G80 SoC ద్వారా శక్తిని పొందుతూ 8GB RAM మరియు 4GB విస్తరించిన ర్యామ్‌తో పాటుగా 128GB స్టోరేజ్‌తో జతచేయబడి వస్తుంది. అలాగే ఇందులో గల ప్రత్యేకమైన మైక్రో SD కార్డ్ స్లాట్ ద్వారా మెమొరీని 1TB వరకు విస్తరించడానికి అవకాశం ఉంది.

వివో Y33s స్మార్ట్‌ఫోన్ యొక్క ఆప్టిక్స్ విషయానికి వస్తే ఫోటోలు మరియు వీడియోల కోసం ఫోన్ వెనుక భాగంలో ట్రిపుల్ రియర్ కెమెరా సెటప్‌ని కలిగి ఉంది. ఇందులో f/1.8 లెన్స్‌తో 50 మెగాపిక్సెల్ ప్రైమరీ సెన్సార్, ఒక f/2.4 ఎపర్చర్‌తో 2-మెగాపిక్సెల్ మాక్రో షూటర్ మరియు f/2.4 లెన్స్ తో 2-మెగాపిక్సెల్ డెప్త్ సెన్సార్ కెమెరాలు ఉన్నాయి. సెల్ఫీలు మరియు వీడియో కాలింగ్ కోసం ముందు భాగంలో f/2.0 ఎపర్చరుతో 16-మెగాపిక్సెల్ సెల్ఫీ షూటర్ కెమెరాను కలిగి ఉంది.

కనెక్టివిటీ ఎంపికలలో డ్యూయల్-బ్యాండ్ Wi-Fi, 4G, బ్లూటూత్ v5, NFC, GPS మరియు USB టైప్-సి పోర్ట్ ఉన్నాయి. ఆన్‌బోర్డ్ సెన్సార్‌లలో యాక్సిలెరోమీటర్, యాంబియంట్ లైట్ సెన్సార్, సామీప్య సెన్సార్, ఇ-కంపాస్ మరియు గైరోస్కోప్ వంటివి ఉన్నాయి. వివో వై 33 లలో సైడ్ మౌంటెడ్ ఫింగర్ ప్రింట్ స్కానర్ అలాగే ఫేస్ అన్‌లాక్ ఉంది. ఫోన్ 5,000mAh బ్యాటరీతో 18W ఫాస్ట్ ఛార్జింగ్‌కు మద్దతు ఇస్తుంది. కొలతల పరంగా ఇది 164.26x76.08x8 మిమీ లతో 182 గ్రాముల బరువును కలిగి ఉంటుంది.