Vi యూజర్లకు అదిరిపోయే న్యూస్! రూ. 599, రూ. 899 ప్లాన్లతో అపరిమిత డేటా, ఆఫర్లు ఇవే!

వోడాఫోన్ ఐడియా (Vi) భారత్‌లో సైలెంట్‌గా రెండు కొత్త మిడ్-టర్మ్ ప్రీపెయిడ్ రీఛార్జ్ ప్లాన్‌లను అందుబాటులోకి తెచ్చింది. అక్టోబర్ 27, 2026 నాటికి ఇవి రీఛార్జ్ లిస్టింగ్‌లలో దర్శనమిస్తున్నాయి. వీటిలో రూ. 599 ప్లాన్ 56 రోజుల వాలిడిటీని ఇస్తుండగా, రూ. 899 ప్లాన్ 84 రోజుల దాకా పనిచేస్తుంది. ఈ రెండింటిలోనూ అన్‌లిమిటెడ్ కాలింగ్, రోజుకు 100 SMSలు, రాత్రి 12 గంటల నుంచి ఉదయం 6 గంటల వరకు అపరిమిత నైట్ డేటా, వీకెండ్ రోల్‌ఓవర్ ఆఫర్లు లభిస్తాయి. అయితే కొన్ని టెలికాం సర్కిళ్లలో రోజువారీ డేటా 1.5GB నుంచి 2GB వరకు మారుతోంది. కొన్ని ప్రాంతాల్లో రూ. 859 ప్లాన్ కనిపించడం లేదు.

ప్రయోజనాల విషయానికి వస్తే, ఈ రెండు ప్లాన్‌లు కూడా Vi 'హీరో అన్‌లిమిటెడ్' ఆఫర్లతోనే వస్తున్నాయి. 'బింజ్ ఆల్ నైట్' ద్వారా అర్ధరాత్రి 12 నుంచి ఉదయం 6 గంటల వరకు ఎలాంటి లిమిట్ లేకుండా డేటా వాడుకోవచ్చు. వారంలో మిగిలిపోయిన డేటాను శని, ఆదివారాల్లో ఉపయోగించుకునేందుకు 'వీకెండ్ డేటా రోల్‌ఓవర్' ఉపయోగపడుతుంది. అంతేకాకుండా 'డేటా డిలైట్స్' కింద నెలకు 2GB ఎక్స్‌ట్రా బ్యాకప్ డేటా, వినోదం కోసం 'Vi మూవీస్ అండ్ టీవీ' యాక్సెస్ లభిస్తాయి. ఇవి స్టూడెంట్స్, ఓటీటీ ప్రియులకు బాగా ఉపయోగపడతాయి. దీనివల్ల పగటిపూట డేటా అయిపోతుందనే టెన్షన్ లేకుండా రాత్రి వేళల్లో నెట్‌వర్క్ రద్దీ తక్కువగా ఉన్నప్పుడు కావాల్సినంత స్ట్రీమింగ్ చేసుకోవచ్చు.

Vi రూ. 599, రూ. 899 ప్లాన్‌లు: ఎవరు రీఛార్జ్ చేసుకోవచ్చు?

మీ డేటా వాడకం రోజూ ఒకేలా క్రమబద్ధంగా ఉంటే, ఈ లెక్కలు బాగా ఉపయోగపడతాయి. రోజుకు సుమారు రూ. 10.7 ఖర్చుతో ఈ రెండు ప్లాన్‌లలోనూ రోజువారీ డేటా ఛార్జీలు దాదాపు ఒకేలా ఉన్నాయి. కాబట్టి 56 రోజులా లేదా 84 రోజుల వాలిడిటీ కావాలో మీరే నిర్ణయించుకోవాలి. అయితే రూ. 899 ప్లాన్‌లో కొన్ని రీజియన్లలో రోజుకు 1.5GB ఇస్తుంటే, మరికొన్ని చోట్ల 2GB వరకు ఆఫర్ చేస్తున్నారు. అందుకే రీఛార్జ్ చేసుకునే ముందు మీ నంబర్‌పై ఉన్న ప్లాన్ వివరాలను Vi యాప్‌లో ఒకసారి చెక్ చేసుకోండి. కావలంతే మీరు అడ్వాన్స్‌గా కూడా రీఛార్జ్ చేసి పెట్టుకోవచ్చు, ప్రస్తుత ప్లాన్ వాలిడిటీ ముగిసిన తర్వాతే ఈ కొత్త ప్లాన్ యాక్టివేట్ అవుతుంది.

ఎయిర్‌టెల్ vs జియో vs వి (Vi) రూ. 899 ప్లాన్ల పోలిక

హెవీగా 5G స్ట్రీమింగ్, గేమింగ్ చేసేవారికి జియో రూ. 899 ప్లాన్ మెరుగైన ఆప్షన్. ఇది 90 రోజుల వాలిడిటీతో పాటు అదనంగా 20GB డేటాను అందిస్తోంది. వైడ్ 5G నెట్‌వర్క్ కవరేజ్‌తో పాటు ఈ అదనపు డేటా ఎప్పుడూ ఆన్‌లైన్‌లో ఉండే వినియోగదారులకు బాగా కలిసొస్తుంది. ఇక ఎయిర్‌టెల్ యూజర్ల విషయానికొస్తే.. దేశవ్యాప్తంగా పాత రూ. 859 ప్లాన్ కాస్త రూ. 899కి మారింది, రోజుకు 1.5GB డేటాతో 84 రోజుల వాలిడిటీ యథావిధిగా కొనసాగుతోంది. ఇక వి (Vi) విషయానికి వస్తే, రాత్రిపూట సినిమాలు చూసే ఓటీటీ ప్రియులకు, విద్యార్థులకు 'అన్‌లిమిటెడ్ నైట్ డేటా', 'రోల్‌ఓవర్' ఆఫర్లు బాగా ఉపయోగపడతాయి.

కాబట్టి రీఛార్జ్ చేసుకునే ముందు ఈ మూడు విషయాలను కచ్చితంగా సరిచూసుకోండి. మొదటిది.. మీ సర్కిల్‌లో రోజుకు 1.5GB డేటా ఉందో లేక 2GB ఇస్తున్నారో చూసుకోండి. రెండోది.. ‘బింజ్ ఆల్ నైట్’, ‘రోల్‌ఓవర్’ ప్రయోజనాలు ఆఫర్ జాబితాలో ఉన్నాయో లేదో నిర్ధారించుకోండి. మూడోది.. మీ ప్రాంతంలో అన్‌లిమిటెడ్ 5G సేవలు అందుబాటులో ఉన్నాయా లేదా అనేది చెక్ చేయండి. ఎందుకంటే జియో, ఎయిర్‌టెల్‌లు విస్తృత స్థాయిలో 5G సేవలు అందిస్తుండగా, Vi 5G సేవలు ప్రస్తుతం కొన్ని నిర్దిష్ట నగరాలకే పరిమితమయ్యాయి.