మెరుగైన గ్రూప్ వీడియో కాలింగ్ కోసం వోడాఫోన్ ఐడియా(Vi) ఉత్తమమైనది...

ఇండియాలో మొబైల్ నెట్‌వర్క్ అనుభవంపై మార్చి 2021 న విడుదలైన ఓపెన్‌సిగ్నల్ నివేదిక ప్రకారం ఉత్తమమైన అప్‌లోడ్ వేగాన్ని అందించడంలో Vi మిగిలిన ఆపరేటర్ల కంటే ముందుంది. Vi యొక్క నెట్‌వర్క్‌లు వినియోగదారులకు ఉత్తమ గ్రూప్ వీడియో కాలింగ్ అనుభవాన్ని అందించడానికి ఇది స్పష్టమైన కారణం. ఇది మాత్రమే కాకుండా Vi గత మూడు త్రైమాసికాలలో భారతదేశం అంతటా ఉత్తమ డౌన్‌లోడ్ వేగాన్ని అందించింది.

ఇవన్నీ భారతదేశం అంతటా 4G సేవలకు ఉపయోగించాల్సిన 3G స్పెక్ట్రం యొక్క రీఫార్మింగ్ యొక్క ఫలితం. ఓపెన్‌సిగ్నల్ ప్రకారం ఉత్తమ గ్రూప్ వీడియో కాలింగ్ అనుభవాన్ని అందించడానికి భారతదేశం యొక్క టెలికాం ఆపరేటర్ల యొక్క పాయింట్ల రేట్ ను విడుదల చేసారు. వీటిలో వోడాఫోన్ ఐడియా అధిక పాయింట్లతో ముందువరుసలో ఉంది. వొడాఫోన్ ఐడియా - 59.2, భారతి ఎయిర్‌టెల్ - 55.1, రిలయన్స్ జియో - 41.4, చివరిగా బిఎస్‌ఎన్‌ఎల్ - 22.5 పాయింట్లతో వరుసగా ఉన్నాయి.

ఓపెన్సిగ్నల్ విడుదల చేసిన నివేదిక అధికంగా ఆసియా పసిఫిక్ ప్రాంతంపై దృష్టి పెట్టింది. ఇందుకోసం ఎంపిక చేసిన 21 మార్కెట్లలో, వినియోగదారులకు ఉత్తమ గ్రూప్ వీడియో కాలింగ్ అనుభవాన్ని అందించడంలో భారత్ 12వ స్థానంలో నిలిచింది. అదే జాబితాలో జపాన్ మొదటి స్థానంలో మరియు సింగపూర్ రెండవ స్థానాల్లో ఉన్నాయి.

గ్రూప్ వీడియో కాల్‌లో ఒక యూజర్ యొక్క అనుభవం చెదిరిపోతే కనుక అది కాల్‌లో భాగమైన ప్రతి ఒక్కరికీ పేలవమైన అనుభవాన్ని ఇస్తుందని నివేదిక హైలైట్ చేసింది. ఇతర రెండు ప్రైవేట్ ఆపరేటర్లతో పోలిస్తే పరీక్షలో జియో స్కోరు గణనీయంగా తక్కువగా ఉంది, ఇది రాబోయే రోజుల్లో టెల్కో పరిగణించాల్సిన విషయం. జియో భారతదేశం అంతటా ఇటీవల జరిగిన వేలంలో కొనుగోలు చేసిన అదనపు స్పెక్ట్రంను అమలు చేస్తోంది. ఇది రాబోయే రోజుల్లో వినియోగదారులకు డౌన్‌లోడ్ మరియు అప్‌లోడ్ వేగం అనుభవాన్ని మెరుగుపరుస్తుంది. Vi కూడా తన యొక్క నెట్‌వర్క్ కవరేజీని మెరుగుపరచగలిగితే కనుక అది అజేయంగా మారుతుంది. వినియోగదారులకు ఉత్తమ నెట్‌వర్క్ అనుభవాన్ని అందించడంలో జియో మరియు ఎయిర్‌టెల్ విజయవంతమవుతుంది.