Walkman to smartphones: మ్యూజిక్ ప్లేయర్‌ల అభివృద్ధి మార్పులలో ఊహించని నిజాలు

వాక్‌మ్యాన్ - స్మార్ట్‌ఫోన్‌

సోనీ వాక్‌మ్యాన్ అనేది చాలా సంవత్సరాలు పోర్టబుల్ మ్యూజిక్ యొక్క టార్చ్ బేరర్ గా ఒక వెలుగు వెలిగింది. తరువాత వేగంగా అభివృద్ధి చెందడంతో వాక్‌మ్యాన్ తరువాత డిస్‌క్మాన్ వచ్చింది. ఇది MP3 ప్లేయర్‌లను తయారుచేయడానికి దారి తీసింది. దీని తరువాత ఇది ఐపాడ్ తయారీకి తరువాత అనేక ఎక్కువ మార్గాల తరువాత ఐఫోన్ యొక్క తయారికి దారితీసింది. పోర్టబుల్ మ్యూజిక్ ప్లేయర్స్ అనేది అనేక రూపాలతో నాలుగు దశాబ్దాలకు పైగా జనాదరణ పొందిన సంస్కృతిలో భాగంగా ఉంది.

వాక్‌మ్యాన్ ఎక్కడ ప్రారంభమైంది

సోనీ వాక్‌మ్యాన్ జూలై 1, 1979 న ప్రపంచానికి మొదటిసారి పరిచయం అయింది. మనిషి జీవనశైలిలో భాగంగా విడుదల అయిన గాడ్జెట్‌లో మొదటిది ఇది ఒకటి. మిలీనియర్స్ ఈ దృగ్విషయంతో అధికంగా సంబంధం కలిగి ఉండకపోవచ్చు కానీ ఇది నిజంగా రెండు దశాబ్దాలుగా మంచి ఆదరణను పొందింది. సోనీ వాక్‌మ్యాన్ ప్రపంచం మొత్తం మీద సుమారు 400 మిలియన్ యూనిట్లకు పైగా విక్రయించింది మరియు దీనిని 2010 లో అధికారికంగా విరమించుకుంది. అనేక బ్రాండ్లు పోర్టబుల్ ఆడియో క్యాసెట్ ప్లేయర్‌లను తయారుచేసినప్పటికీ వాటిని కూడా వాక్‌మ్యాన్ అని పిలుస్తారు.

ది డిస్క్‌మ్యాన్‌ ఆవిర్భావం

వాక్‌మ్యాన్‌ను ప్రారంభించిన ఐదు సంవత్సరాల తరువాత సోనీ సంస్థ డిస్క్‌మ్యాన్‌ను పరిచయం చేసింది. ఇది పోర్టబుల్ సిడి ప్లేయర్ గా పరిచయం అయింది. సిడిలు కొనడానికి ఖరీదైనవి మరియు అధిక దూరం తీసుకెళ్లడానికి గజిబిజిగా ఉన్నందున డిస్క్‌మాన్ వాక్‌మ్యాన్ ప్రజాదరణను పొందలేదు. CD లు కొంతకాలంగా ఉన్నప్పటికీ అవి నిజంగా ఆడియో క్యాసెట్ల యొక్క ప్రజాదరణను సాధించలేదు.

MP3 ప్లేయర్స్ యుగం ప్రారంభం

1997 లో దక్షిణ కొరియా సంస్థ సాహాన్ ఇన్ఫర్మేషన్ సిస్టమ్స్ ప్రపంచంలో మొట్టమొదటి MP3 ప్లేయర్‌ను ప్రారంభించింది. ఫ్లాష్-ఆధారిత MP3 ప్లేయర్ 32MB మరియు 64MB సామర్థ్యంతో విడుదల చేసింది. ఇది అప్పుడు 6 లేదా 12 పాటలను స్టోర్ చేయడనికి అనుమతిని ఇచ్చేది. ఇది ఎల్‌సిడి స్క్రీన్‌ను కలిగి ఉన్నందున వినియోగదారులకు ఏ పాట ప్లే అవుతుందో సులభంగా తెలియజేసేది. శామ్సంగ్ కూడా 1999 లో MP3 రంగంలోకి ప్రవేశించింది. ఇది దాని పోర్టబుల్ మ్యూజిక్ ప్లేయర్‌ల సిరీస్ ను ప్రారంభించింది. క్రియేటివ్ వంటి ఇతర బ్రాండ్లు కూడా MP3 బ్యాండ్‌వాగన్‌లో చేరాయి. ప్రజలు డిజిటల్ ప్రపంచంలోకి మరింతగా మారడంతో డిస్క్‌మ్యాన్స్ మరియు వాక్‌మ్యాన్‌లు కనుమరుగు అయ్యాయి. MP3 ప్లేయర్‌లు 2001 వరకు తమ హవాను కొనసాగించారు. మైక్రోసాఫ్ట్ కూడా 2006 లో జూన్ అనే ఐపాడ్-క్లోన్‌ను ప్రారంభించింది. కాని ఇది ఎక్కువ మందిని ఆకట్టుకోలేకపోయింది.

ఆపిల్ ఐపాడ్: పోర్టబుల్ మ్యూజిక్ ప్లేయర్స్ యొక్క గేమ్-ఛేంజర్

2001 లో ఐపాడ్‌ను పరిచయం చేస్తున్నప్పుడు స్టీవ్ జాబ్స్ మాట్లాడుతూ "మీ మొత్తం మ్యూజిక్ లైబ్రరీని మీ జేబులో అమర్చవచ్చు అని స్టేట్ మెంట్ ఇచ్చాడు. స్టోరేజ్ సామర్థ్యం ఐపాడ్ మాట్లాడే విషయం కాదు. ఇది సొగసైన డిజైన్ ను కలిగిన ఐపాడ్‌ బాగా ప్రాచుర్యం పొందింది. ప్రారంభించిన మొదటి 14 నెలల్లో ఆపిల్ 600,000 ఐపాడ్‌లను విక్రయించింది. 2003 లో ఐట్యూన్స్ మ్యూజిక్ స్టోర్ ఆన్‌లైన్ అయింది. ఆపిల్ ఐపాడ్‌లో అనేక డిజైన్ లలో అనేక పునరావృతాలను చేసింది. దాదాపు ప్రతి సంవత్సరం కొత్త మోడల్‌ను విడుదల చేస్తూ వచ్చింది. 2004 లో మాత్రమే ఆపిల్ ఐపాడ్ యొక్క 8.2 మిలియన్ యూనిట్లను విక్రయించింది. ఐపాడ్ పోర్టబుల్ మ్యూజిక్ ప్లేయర్‌లను విప్లవాత్మకంగా మార్చింది. అంతర్నిర్మిత MP3 ప్లేయర్‌తో 2000 లో శామ్‌సంగ్ మొదటి ఫోన్ - SPHM100 ను ప్రారంభించింది. కానీ ఇందులో కూడా ఐపాడ్ స్టేటస్ చిహ్నంగా ఉంది.

మ్యూజిక్ ప్లేయర్ స్ట్రీమింగ్లో స్మార్ట్‌ఫోన్ విప్లవం

ఫోన్లు చాలా సంవత్సరాల నుంచి అంతర్నిర్మిత MP3 ప్లేయర్‌లను కలిగి ఉన్నాయి. అయితే 2007 లో ఐఫోన్ వచ్చిన తరువాత అవి సంగీతానికి సాధనంగా కూడా మారాయి. ఫోన్‌లలో పాటలను బదిలీ చేసే మొత్తం ప్రక్రియ గజిబిజిగా తయారైంది. అయితే MP3 ప్రేరేపిత ఫోన్‌లు బాగానే ప్రాచుర్యం పొందాయి. శామ్సంగ్ కూడా సంగీతం ఆధారిత ఫోన్లను అధికంగానే విడుదల చేసింది. ప్రస్తుతం అనేక మ్యూజిక్ యాప్ లు అందుబాటులోకి రావడంతో ఇవన్నీ మారిపోయాయి. అలాగే వేగవంతమైన ఇంటర్నెట్ కూడా అందుబాటులోకి రావడంతో పాటలను డౌన్‌లోడ్ చేయాల్సిన అవసరం లేకుండా నేరుగా ఆన్ లైన్ ద్వారా వినగలిగే సదుపాయాన్ని కలిగిస్తున్నాయి. మ్యూజిక్ స్ట్రీమింగ్ యాప్ లు సంగీత ప్రయాణంలో ప్రజలు సంగీతాన్ని వినే విధానాన్ని పూర్తిగా మార్చివేసింది.