BSNL వానిటీ నంబర్‌ అంటే ఏమిటి? దీనిని పొందడం ఎలా?

BSNL వానిటీ నంబర్‌ని పొందే విధానం

BSNL ప్రభుత్వ టెల్కో ఇ-వేలం ద్వారా వినియోగదారులకు వానిటీ నంబర్లు లేదా ఫ్యాన్సీ నంబర్లను అందిస్తుంది. ఈ నంబర్‌లు భారతదేశంలోని ప్రతి పౌరుడికి అందుబాటులో ఉంటాయని గమనించండి. ప్రభుత్వ ఆధ్వర్యంలో నడిచే టెల్కో యొక్క ప్రీపెయిడ్ లేదా పోస్ట్‌పెయిడ్ కస్టమర్లతో సంబంధం లేకుండా వీటిని పొందవచ్చు. మీరు BSNL ప్రీమియం నంబర్‌ను పొందాలనుకుంటే కనుక మీరు టెల్కో యొక్క ఇ-వేలం పేజీలో ముందుగా నమోదు చేసుకోవాలి. BSNL ఇ-వేలం అనేది టెల్కో యొక్క వెబ్ పేజీలోని వేలం ప్రక్రియ ద్వారా వినియోగదారులకు యూనిట్ నంబర్‌లను అందించడాన్ని చూడవచ్చు. కొన్ని సందర్భాల్లో బిడ్డింగ్ చాలా భారీగా ఉంటుంది మరియు అందరికీ ఉద్దేశించినది కాకుండా కూడా ఉంటుంది. BSNL ఇ-వేలం పేజీలో విభిన్న నమూనాలు మరియు రకాల నెంబర్లు అందుబాటులో ఉన్నందున వినియోగదారులు పుష్కలంగా ఎంపికలను పొందుతారు. ఈ నంబర్‌లు ఎప్పటికప్పుడు అప్‌డేట్ అవుతూనే ఉంటాయి. కాబట్టి మీకు ఆసక్తి ఉన్న BSNL వ్యానిటీ నంబర్‌ని మీరు కనుగొనలేకపోతే మీరు కొత్త వాటి కోసం తనిఖీ చేయవచ్చు.

BSNL వానిటీ నంబర్‌ని పొందాలనుకునే వినియోగదారులు BSNL ఇ-వేలం వెబ్‌సైట్‌లో ఉచితంగా సైన్-అప్ చేయవచ్చు. ఇది కస్టమర్‌లకు ఉచిత సైన్ అప్ అందిస్తుంది. కానీ నంబర్ పొందడానికి వినియోగదారులు బిడ్ చేసి BSNLకి చెల్లించాలి. BSNL యొక్క వానిటీ నంబర్‌ల గొప్ప విషయం ఏమిటంటే కస్టమర్‌లు వారి స్వంత నంబర్‌లను ఎంచుకోవడానికి ఇది అనుమతిస్తుంది. ప్రైవేట్ టెల్కోలు కూడా ఈ నంబర్‌లను అందిస్తున్నాయి. వీటికోసం మీరు వారి వెబ్‌సైట్‌కి వెళ్లడం ద్వారా వాటిని తనిఖీ చేయవచ్చు. ప్రతి నంబర్ యొక్క బేస్ ధర ప్రభుత్వ నిర్వహణలోని టెల్కోచే నిర్ణయించబడుతుంది.

BSNL 90 రోజుల అదనపు వ్యాలిడిటీ ప్రీపెయిడ్ ప్లాన్

భారత్ సంచార్ నిగమ్ లిమిటెడ్ (BSNL) టెల్కో రూ.2399 ధర వద్ద అందించే లాంగ్ టర్మ్ ప్రీపెయిడ్ ప్లాన్‌ను కొనుగోలు చేసే వినియోగదారులకు 90 రోజుల అదనపు వాలిడిటీని అందిస్తోంది. ఈ ప్లాన్ వినియోగదారులకు అపరిమిత వాయిస్ కాలింగ్, 100 SMS/రోజు మరియు 3GB రోజువారీ డేటా వంటి ప్రయోజనాలతో అందిస్తుంది. సాధారణంగా ఈ ప్లాన్ 365 రోజుల వాలిడిటీతో వస్తుంది. కానీ ప్రస్తుత ఆఫర్ విభాగంలో వినియోగదారులు ఈ ప్లాన్‌తో 90 రోజుల అదనపు వాలిడిటీని కూడా పొందుతారు. మొత్తంగా దీని యొక్క సర్వీస్ వాలిడిటీని 455 రోజులుగా ఉంది. నెలల విభాగంలో చూస్తే ఇది దాదాపు 15 నెలలుగా ఉంటుంది.

BSNL యొక్క రూ.2399 ప్రీపెయిడ్ ప్లాన్ యొక్క గొప్పదనం ఏమిటంటే మీరు డేటా గురించి పెద్దగా చింతించాల్సిన అవసరం లేదు. ఇది 3GB రోజువారీ డేటాతో వస్తుంది. దేశంలో 4G నెట్‌వర్క్‌లు లేనప్పటికీ ఇది కంపెనీ నుండి లభించే పెద్ద సర్వీస్ చెల్లుబాటుతో లభించే బలవంతపు ఆఫర్ కూడా అవుతుంది. BSNL ప్రీపెయిడ్ ప్లాన్‌లు ప్రస్తుతం దేశంలో అత్యంత సరసమైనవి మరియు ఇలాంటి ఆఫర్‌లతో మరింత ఆకర్షణీయంగా మారాయని గమనించండి. ప్రభుత్వ ఆధీనంలోని టెల్కో కూడా తన ఇంట్లో తయారు చేసిన 4G నెట్‌వర్క్‌లను దేశవ్యాప్తంగా విస్తరించేందుకు పని చేస్తోంది. BSNL నుండి మీరు అధిక చెల్లుబాటుతో మరియు చాలా సరసమైన ధరలో లభించే ప్రీపెయిడ్ ప్లాన్ కోసం చూస్తున్నట్లయితే మీరు ఎంచుకోగలగడానికి రూ.1499 ప్లాన్ కూడా ఉంది. ఈ ప్లాన్‌తో వినియోగదారులు మొత్తం వాలిడిటీలో 24GB డేటా, అపరిమిత వాయిస్ కాలింగ్ మరియు 100 SMS/రోజు ప్రయోజనాలను పొందుతారు. BSNL యొక్క రూ.1499 ప్లాన్ మొత్తం 365 రోజుల చెల్లుబాటుతో వస్తుంది.