2021 జూన్-జూలైలో 3 మిలియన్ల ఇండియా అకౌంట్లను బ్యాన్ చేసిన వాట్సాప్

వినియోగదారుల ఫిర్యాదులు, ఇండియా గ్రీవెన్స్ ఆఫీసర్ నుండి అందుకున్న మెయిల్‌లు మరియు తమ ప్లాట్‌ఫారమ్‌లోని హానికరమైన ప్రవర్తనను నిర్దేశించుకొని దాని స్వంత ఆటోమేటెడ్ టూల్స్‌ని ఉపయోగించి అకౌంటులను నిషేధించింది. పైన పేర్కొన్న సమయ వ్యవధిలో వినియోగదారులు మరియు ఇండియా గ్రీవెన్స్ ఆఫీసర్ ద్వారా మొత్తంగా 316 అప్పీళ్లు చేయబడ్డాయి. వీటిలో 73 అకౌంటులు వాస్తవానికి నిషేధించబడ్డాయి అని నివేదిక వెల్లడించింది.

2021 సంవత్సరానికి కొత్తగా ప్రకటించిన ఐటి రూల్స్ కి అనుగుణంగా వాట్సాప్ తన యొక్క తాజా యూజర్ సేఫ్టీ మంత్లీ రిపోర్ట్ ను ప్రచురించింది. జూన్ 16 మరియు జూలై 31 మధ్య 46 రోజుల వ్యవధిలో ఫిర్యాదులు మరియు దుర్వినియోగ నివారణ టూల్స్ ఆధారంగా వాట్సాప్ తీసుకున్న చర్యల నివేదిక వివరాలు ప్రకటించింది. పేర్కొన్న ఈ కాలంలో మొత్తంగా 3.027 మిలియన్ భారతీయ అకౌంటులను నిషేధించినట్లు వాట్సాప్ తెలిపింది. వీటిలో వినియోగదారుల ఫిర్యాదులు మరియు ఇండియా గ్రీవెన్స్ ఆఫీసర్ నుండి లభించిన పోస్ట్‌లు కేవలం 73 మాత్రమే. మిగిలినవి వాట్సాప్ ప్లాట్‌ఫారమ్‌లో హానికరమైన ప్రవర్తనను ఆపడానికి వాట్సాప్ యొక్క స్వంత టూల్స్ మరియు వనరుల ద్వారా కనుగొనబడ్డాయి.

46 రోజుల వ్యవధిలో భారతీయ వినియోగదారుల నుండి మొత్తం 594 ఫిర్యాదులు స్వీకరించబడ్డాయి. వాటిలో 316 నిషేధ అప్పీళ్లు అని నివేదిక పేర్కొంది. ఇంకా ఈ ఫిర్యాదులలో 137 అకౌంట్ మద్దతుకు సంబంధించినవి. మిగిలినవి భద్రత మరియు ఉత్పత్తి మద్దతుకు సంబంధించినవి.

వాట్సాప్ తన సొంత ఆటోమేటెడ్ టూల్స్ ఉపయోగించి దుర్వినియోగాన్ని గుర్తించడం అనేది అకౌంట్ యొక్క జీవనశైలికి సంబంధించి రిజిస్ట్రేషన్, మెసేజింగ్ సమయంలో మరియు యూజర్ రిపోర్టులు మరియు బ్లాక్‌ల రూపంలో అందుకునే నెగటివ్ ఫీడ్‌బ్యాక్‌కు ప్రతిస్పందనగా వంటి మూడు దశల్లో పనిచేస్తుంది. ఎడ్జ్ కేసులను విశ్లేషించడానికి మరియు కాలక్రమేణా ప్రభావాన్ని మెరుగుపరచడంలో సహాయపడటానికి విశ్లేషకుల బృందం ఈ వ్యవస్థలను పెంచుతుందని వాట్సాప్ మెసేజ్ వేదిక చెబుతోంది. వాట్సప్‌లో ఏదైనా ఫిర్యాదును నివేదించడానికి వినియోగదారులు [email protected] కి ఇమెయిల్ చేయవచ్చు లేదా యాప్‌లో అందుబాటులో ఉన్న బటన్‌లను ఉపయోగించి అనుమానాస్పద అకౌంటులను నివేదించవచ్చు మరియు బ్లాక్ చేయవచ్చు.