WhatsApp కొత్త అప్‌డేట్‌!! వాయిస్ మెసేజ్ ప్లేబ్యాక్ స్పీడ్ నియంత్రణకు అనుమతి..

ఫేస్బుక్ యాజమాన్యంలోని అప్లికేషన్ నుండి బీటా అప్‌డేట్‌ స్కీమ్ లో భాగమైన ఏ యూజర్ అయినా ఈ కొత్త ఫీచర్ ను ఉపయోగించుకోగలుగుతారు. ఒకవేళ మీరు దీనిని డౌన్‌లోడ్ చేసుకోవాలనుకుంటే కనుక మీరు గూగుల్ ప్లేస్టోర్ ద్వారా బీటా పరీక్ష సామర్థ్యం కోసం నమోదు చేసుకోవచ్చు. iOS వినియోగదారులు కూడా యాప్ స్టోర్ ద్వారా యాప్ యొక్క బీటా వెర్షన్‌ను డౌన్‌లోడ్ చేసుకోవచ్చు.

సంస్థ యొక్క నివేదిక ప్రకారం ఈ కొత్త ఫీచర్ ను మొట్టమొదట WABetaInfo గుర్తించింది. వాట్సాప్ ఇప్పుడు కొత్త UI అప్‌డేట్‌తో ఆడియో ప్లేబ్యాక్ కోసం మూడు వేరియబుల్ స్పీడ్‌లను జోడించింది. అందులో భాగంగా బీటా వినియోగదారులు అందుకున్న వాయిస్ మెసేజ్ తో వచ్చే ప్లేబ్యాక్ గుర్తు ద్వారా దీనిని పరీక్షించగలరు. ఆఫర్‌లో ప్లేబ్యాక్ 1x, 2x మరియు 1.5x వంటి మూడు స్పీడ్ లతో లభిస్తుంది.

ప్రారంభంలో వాయిస్ మెసేజ్ యథావిధిగా 1x వద్ద ప్లే అవుతుంది. అయితే వినియోగదారుడికి కొత్తగా అందుబాటులోకి వచ్చిన వేగ నియంత్రణ చిహ్నాన్ని నొక్కినప్పుడు స్పీడ్ మార్చడం ప్రారంభమవుతుంది. ఇది ట్యాప్‌లపై ఆధారపడి ఉంటుంది. ఒక ట్యాప్ వద్ద 1x, రెండవ ట్యాప్ వద్ద వేగం 1.5x కు పెంచుతుంది. అలాగే చివరి మరియు మూడవ ట్యాప్ వద్ద వేగం 2xకు చేరుతుంది. వాట్సాప్ నెమ్మదిగా ఆడియో మెసేజ్ ప్లేబ్యాక్‌ల కోసం ఈ ఎంపికను అందించలేదు అని గమనించండి. iOS వినియోగదారులు ఈ ఫీచర్‌ను ప్రస్తుతానికి పొందలేరు ఎందుకంటే ఈ నిర్దిష్ట అప్‌డేట్‌తో బీటా దశ ఇప్పటికి ఆండ్రాయిడ్ కి పరిమితం చేయబడింది. iOS లభ్యతపై ఎటువంటి వివరణ రాలేదు.