వాట్సాప్ కొత్త అప్డేట్ లో రానున్న కొత్త ఫీచర్లు! ఎలా పనిచేస్తాయో తెలుసుకోండి!

మెటా సంస్థ అధీనంలో పనిచేస్తున్న వాట్సాప్ ఎప్పటికప్పుడు కొత్త ఫీచర్లను అందిస్తూ ఉంటుంది. అలాగే ఇప్పుడు ఈ కొత్త సంవత్సరం 2023 లో కూడా కొత్త ఫీచర్లతో వాట్సాప్ కొత్త వెర్షన్‌ను త్వరలో విడుదల చేయనుంది. కొత్త వాట్సాప్ వెర్షన్ ను విడుదల చేసిన ప్రతిసారీ ఈ ప్లాట్‌ఫారమ్ యొక్క వినియోగదారు ఇంటర్‌ఫేస్ మరియు ప్రైవసీ ని మెరుగుపరచడానికి ఉద్దేశించిన కొన్ని ఆసక్తికరమైన కొత్త ఫీచర్లు అందుబాటులోకి వస్తాయి. కొత్త అప్డేట్ లతో పాటు, కెమెరా స్విచ్, అధిక రిజల్యూషన్‌లో ఫోటోలు పంపే అవకాశం, గ్రూప్ సబ్జెక్ట్‌ల కోసం టెక్స్ట్ పరిమితి పెంపు వంటి అనేక కొత్త ఫీచర్‌లను వాట్సాప్ అందిస్తుందని భావిస్తున్నారు.

ఆండ్రాయిడ్, iOS మరియు వెబ్‌ వెర్షన్లో లలో వాట్సాప్ తన కస్టమర్‌ల కోసం ఈ కొత్త ఫీచర్‌లను సృష్టిస్తోందని WAbetainfo పేర్కొంది. ఈ ఫీచర్‌లు ప్రస్తుతం అభివృద్ధి దశలో ఉన్నాయి లేదా ఇవి పరీక్షించబడుతున్నాయి.ఇంకా త్వరలోనే, కొత్త అప్డేట్ లో ఇవి వినియోగదారులందరికీ అందుబాటులోకి వస్తాయని అంచనా వేయబడింది.పూర్తి వివరాలు ఇక్కడ తెలుసుకుందాం.

వాట్సాప్ కొత్త అప్డేట్ లో రాబోయే కొత్త ఫీచర్ల వివరాలు

అధిక క్వాలిటీ తో ఫోటోలను పంపే ఫీచర్

వాట్సాప్ లోని డ్రాయింగ్ టూల్ హెడర్ లో త్వరలోనే కొత్త సెట్టింగ్ ఐకాన్‌ను తీసుకురాబోతున్నారు. ఇది ఫోటో నాణ్యతను మార్చడానికి వినియోగదారులను అనుమతిస్తుంది.ఈ కొత్త ఫీచర్ కారణంగా వినియోగదారులు తమ ఒరిజినల్ క్వాలిటీ తో ఫోటోలను పంపవచ్చు.ప్రస్తుతం ఉన్న ఫీచర్ వాట్సాప్ ఫోటో నాణ్యతను ఆటోమేటిక్‌గా తగ్గిస్తుంది. ఈ కొత్త ఫీచర్ వినియోగదారులు ఫోటో సెట్టింగ్‌లలో కొత్త చిహ్నాన్ని ఒకసారి అమలు చేసిన తర్వాత గమనిస్తారు, పంపే ముందు షాట్ నాణ్యతను మార్చడానికి వారిని అనుమతిస్తుంది.

గ్రూప్ యొక్క సబ్జెక్టు వివరాలను ఉంచడానికి ఎక్కువ అక్షర పరిమితి ఇవ్వబడింది.

వాట్సాప్ తన ఇటీవలి ఆండ్రాయిడ్ బీటా విడుదలలో గ్రూప్ సబ్జెక్ట్‌లు మరియు వివరణల కోసం అక్షర పరిమితిని పెంచింది. వాట్సాప్ గ్రూప్ సబ్జెక్ట్ కోసం గరిష్టంగా 25 అక్షరాలు అనుమతించబడతాయి. అయితే, వినియోగదారులు త్వరలో 100 పదాల వరకు అనుమతించబడతారు. ఇందులో క్యారెక్టర్ పరిమితిని 512 నుండి 2048కి కూడా పెంచుతుంది, గ్రూప్ పేరు మరియు లక్ష్యాన్ని నిర్వచించడాన్ని సులభతరం చేస్తుంది. ఈ ఫీచర్ ఇప్పటికే ఆండ్రాయిడ్ బీటా టెస్టర్‌లకు అందుబాటులో ఉందని మరియు రాబోయే వెర్షన్‌లలో మరింత మంది వినియోగదారులకు విస్తరిస్తుందని గమనించాలి.

'టెక్స్ట్ ఎడిటర్' ఫీచర్

అదనంగా, వాట్సాప్ స్కెచింగ్ టూల్ కోసం సరికొత్త టెక్స్ట్ ఎడిటర్‌ను అభివృద్ధి చేస్తోంది. Wabetainfo సమాచారం ప్రకారం, మెటా యాజమాన్యంలోని ఈ ప్లాట్‌ఫారమ్ దాని టెక్స్ట్ ఎడిటర్‌ను ఫీచర్ ను మల్లి తీసుకువస్తోంది. ఇంకా, వినియోగదారులు మెసేజ్ లు పంపే ముందు వారి వ్రాతలను మార్చుకునేలా కొత్త ఫీచర్లను త్వరలో పరిచయం చేస్తుంది. ఈ కొత్త టెక్స్ట్ ఎడిటర్‌తో పాటు మూడు కొత్త సామర్థ్యాలతో స్కెచింగ్ టూల్‌ను అప్‌గ్రేడ్ చేయాలని WhatsApp భావిస్తోంది. అవి ఎలా పని చేస్తాయో చూడండి.

* కీబోర్డ్ పైన ఉన్న ఫాంట్ ఆప్షన్ లను వాడటం ద్వారా వివిధ ఫాంట్‌ల మధ్య త్వరగా మారగల సామర్థ్యం ఉంటుంది.
* టెక్స్ట్ అమరికను (ఎడమ, మధ్య, కుడి) కు మార్చగల సామర్థ్యం ఉంది .
* మీ టెక్స్ట్ యొక్క బ్యాక్ గ్రౌండ్ కలర్ ను మార్చే ఆప్షన్ ఉంది.
* ఈ కొత్త టెక్స్ట్ ఎడిటర్ ప్రస్తుతం అభివృద్ధి దశలో ఉంది మరియు ఈ యాప్ యొక్క కొత్త అప్డేట్ లలో ఇవి విడుదల్ చేయబడతాయని భావిస్తున్నారు.

కొత్త ఫాంట్లు స్టైల్ ఫీచర్

బ్యాక్‌డ్రాప్‌లు మరియు అలైన్‌మెంట్‌లతో పాటు, వాట్సాప్ కొత్త టెక్స్ట్ ఎడిటర్ కోసం కొత్త ఫాంట్‌లపై కూడా పనిచేస్తోందని రిపోర్టులు తెలియచేస్తున్నాయి. వినియోగదారులు వివిధ కొత్త ఫాంట్‌లతో వాఖ్యాలను జోడించగలరు మరియు చిత్రాలు, వీడియోలు మరియు GIFలలో ఉన్న వ్యాఖ్యలను మార్చగలరు.

కాలిస్టోగా, కొరియర్ ప్రైమ్, డామియన్, ఎక్సో 2 మరియు మార్నింగ్ బ్రీజ్ ఫాంట్‌ల స్టైల్ లు వాట్సాప్ టెక్స్ట్ ఎడిటర్‌కు జోడించబడుతున్నట్లు అంచనాలున్నాయి.

iOS లో గ్రూప్ మెసేజ్ లకు రియాక్షన్ ఫీచర్

ఈ అప్డేట్ iOS వినియోగదారుల కోసం. కమ్యూనిటీ అనౌన్స్‌మెంట్ గ్రూప్‌లోని మెసేజ్ రియాక్షన్‌లపై వాట్సాప్ పనిచేస్తోందని సమాచారం. ప్రస్తుతం, వాట్సాప్ కమ్యూనిటీ ప్రకటన గ్రూప్ లో పంపిన మెసెజ్ లకు రియాక్షన్ సాధ్యం కాదు. అయితే ఈ కొత్త ఫీచర్ తో WhatsApp త్వరలో వినియోగదారులను అనుమతించవచ్చు. ఫీచర్ ప్రస్తుతం అభివృద్ధి దశలో ఉంది.రాబోయే కొత్త అప్డేట్ వెర్షన్ లో లాంచ్ చేయవచ్చు.