WhatsApp వాడటం కొనసాగించాలంటే ఈ అప్‌డేట్ నిబంధనలు అంగీకరించాలి!!

| Published: Saturday, December 5, 2020, 9:45 [IST]

ప్రపంచం మొత్తం మీద అధిక మంది వినియోగించే సోషల్ మీడియా యాప్ లలో ఒకటైన వాట్సాప్ ఈ సంవత్సరం తన వినియోగదారుల కోసం అనేక కొత్త ఫీచర్లను విడుదల చేసింది. ఈ మెసేజింగ్ ప్లాట్‌ఫాం ఇప్పుడు దాని నిబంధనలు మరియు గోప్యతా విధానాన్ని అప్ డేట్ చేసే పనిలో ఉంది. వాట్సాప్ వినియోగదారులు తమ వాట్సాప్ అకౌంటును ముందు ముందు ఉపయోగించడం కొనసాగించడానికి కొత్త నిబంధనలను అంగీకరించాలి అని ప్రకటించింది.

వాట్సాప్ 2021 అప్‌డేట్ నిబంధనలు

వాట్సాప్ యొక్క క్రొత్త అప్ డేట్ నిబంధనలను అంగీకరించడంలో విఫలమైతే కనుక వినియోగదారులు వచ్చే ఏడాది నుంచి వారి వాట్సాప్ అకౌంటుకు యాక్సిస్ ను కోల్పోతారు. ఈ మెసేజింగ్ ప్లాట్‌ఫామ్ తన యొక్క కొత్త సర్వీస్ నిబంధనలను 2021 లో అప్‌డేట్ చేయనున్నది. ఇవి ఫిబ్రవరి 8 నుంచి అమల్లోకి వస్తున్నట్లు కొన్ని నివేదికలు సూచిస్తున్నాయి. వీటి గురించి మరిన్ని వివరాలు తెలుసుకోవడానికి ముందుకు చదవండి.

వాట్సాప్ మెసేజింగ్ ప్లాట్‌ఫాం కొత్త నిబంధనలు

వాట్సాప్ 2021లో విడుదల చేసే అప్‌డేట్ గురించి కొన్ని నివేదికలు షేర్ చేసిన స్క్రీన్ షాట్ ప్రకారం మెసేజింగ్ ప్లాట్‌ఫాం యొక్క కొత్త నిబంధనలు మరియు గోప్యతా విధానం వాట్సాప్ సర్వీస్ గురించి మరియు యూజర్ డేటా ఎలా ప్రాసెస్ చేయబడుతుందనే దాని గురించి మరింత సమాచారాన్ని కలిగి ఉంటుంది. చాట్‌లు మరియు ఇతర సమాచారాన్ని స్టోర్ చేయడానికి మరియు నిర్వహించడానికి ఫేస్‌బుక్ సర్వీసులను ఎలా ఉపయోగించవచ్చో కూడా కొత్త సర్వీస్ నిబంధనలు పేర్కొంటాయి.

వాట్సాప్ 2021 అప్‌డేట్ నిబంధనల అమలు తేదీ

వాట్సాప్ కొత్త నిబంధనలు ఫిబ్రవరి 8, 2021 నుండి అమల్లోకి వస్తాయని నివేదిక పేర్కొంది. "ఈ తేదీ తరువాత మీరు వాట్సాప్ ఉపయోగించడం కొనసాగించడానికి కొత్త నిబంధనలను ఖచ్చితంగా అంగీకరించాలి. లేకపోతే మీ అకౌంటును తొలగించవచ్చు. ఫిబ్రవరి 8 తేదీ మారే అవకాశాలు ఉన్నాయి. రాబోయే కొద్ది వారాల్లో అప్‌డేట్ సేవల నిబంధనలను ప్రకటించవచ్చని నివేదికలు పేర్కొంది.