ఆండ్రాయిడ్ మొబైల్స్ ప్రస్తుతం యూత్‌లో మాంచి క్రేజ్ సంపాదించుకున్న మొబైల్ పోన్స్. మార్కెట్ లోకి ఇబ్బడి ముబ్బడిగా విడుదలవుతున్నటువంటి ఆండ్రాయిడ్ పోన్స్‌లలో మంచి ఫీచర్స్ ఉన్నటువంటి ఆండ్రాయిడ్ ఫోన్‌ని సోంతం చేసుకోవడం ఎలా అనేది ఇప్పుడు మార్కెట్‌లో ఓ పెద్ద సమస్యగా మారింది. మొబైల్ కొన్న తర్వాత రూట్ యాక్సెస్ ద్వారా కొత్త కొత్త అప్లికేషన్స్ మన మొబైల్ ఫోన్‌లో ఇన్‌స్టాల్ చేసుకోవడం ఎలా అనేది కూడా తెలిసుండాలి. చాలా మందికి ఆండ్రాయిడ్ ఫోన్స్‌లలో ఈ రూటింగ్ గురించి తెలిసి ఉండకపోవచ్చు.

రూటింగ్ అంటే ఏమి లేదండీ విండోస్ ఆపరేటింగ్ సిస్టమ్‌లో అడ్మినిస్ట్రేటర్స్, లైనక్స్ ఆపరేటింగ్ సిస్టమ్‌లో సూడో లాగా అన్నమాట. ఆండ్రాయిడ్ ఆపరేటింగ్ సిస్టమ్‌లో రూట్ యాక్సెస్ ఉపయోగించి మనకు కావాల్సినటువంటి అప్లికేషన్స్‌ని, కస్టమ్ సర్వీసెస్‌ని ఇనిస్టాల్ చేసుకోవచ్చు అన్నమాట. ఇక్కడ మనం కస్టమ్ రామ్‌ని ఆండ్రాయిడ్ ఆపరేటింగ్ సిస్టమ్‌లో ఇనిస్టాల్ చేయడం కన్నా, దానిని రూటింగ్ చేయడం చాలా సులభం. కస్టమ్ రామ్‌ని ఇనిస్టాల్ చేసుకోవడం వల్ల మనకు చాలా ఫీచర్స్‌‌‌ని అందుబాటులోకి తెచ్చుకోవచ్చు. ఏమేమి ఫీచర్స్ అందుబాటులోకి వస్తాయో ఒకసారి చూద్దాం...

* బిజి బాక్స్ యాడ్స్ ట్రూ లైనక్స్ కమాండ్స్

బిజి బాక్స్ కి మరోపేరు స్విస్ ఆర్మీ ఎంబెడెడ్ లైనక్స్. ఇది ఓరిజినల్ లైనక్స్ కమాండ్ కాకపోయినప్పటికీ దీని ద్వారా మనం అన్ని లైనక్స్, యునిక్స్ కమాండ్స్‌ని రన్ చేసుకోవచ్చు. కమాండ్స్‌ని ఇనిస్టాల్ చేయకుండానే ఆండ్రాయిడ్‌లో లైనక్స్‌ని రన్ చేయవచ్చు.