Xiaomi యొక్క 75-ఇంచ్ పెద్ద QLED స్మార్ట్‌టీవీ లాంచ్ అయింది!!! ధర, ఫీచర్లు ఇవే

Published: Friday, April 23, 2021, 16:52 [IST]

ప్రముఖ స్మార్ట్‌ఫోన్ తయారీ సంస్థ షియోమి స్మార్ట్‌టీవీల రంగంలోకి ప్రవేశించిన తరువాత తన మొదటి QLED స్మార్ట్ టివిని గత ఏడాది చివర్లో భారతదేశంలో విడుదల చేసింది. అయితే ఇప్పుడు షియోమి సంస్థ తన పెద్ద వెర్షన్‌ను విడుదల చేసింది. Mi టివి QLED 75 పేరుతో విడుదలైన ఈ స్మార్ట్‌టీవీ యొక్క ధర అక్షరాలా రూ.1,19,999. ఇది Mi QLED టివి-55 మాదిరిగానే డిజైన్ థీమ్‌ని కలిగి ఉంటుంది. అయితే వీక్షణ అనుభవంతో పాటు మెరుగైన ఆడియో అప్ డేట్ లతో లభిస్తుంది. షియోమి సంస్థ భారతదేశంలో ప్రస్తుతానికి విక్రయించే అతిపెద్ద మరియు అత్యంత ఖరీదైన ఈ స్మార్ట్ టీవీ గురించి మరిన్ని వివరాలు పూర్తిగా తెలుసుకోవడానికి ముందుకు చదవండి.

Mi టివి QLED 75 ధరల వివరాలు

షియోమి బ్రాండ్ యొక్క కొత్త 75-inch స్మార్ట్‌టీవీ Mi టివి QLED 75 భారతదేశంలో రూ.1,19,900 ధర వద్ద విడుదలైంది. అంతకుముందు విడుదలైన 55 అంగుళాల QLED టివి మరియు 65 అంగుళాల QLED టివి ధరల కంటే అధిక ధరలను కలిగి ఉంది. ఏప్రిల్ 27 నుంచి ఫ్లిప్‌కార్ట్, Mi హోమ్ స్టోర్స్ మరియు షియోమి వెబ్‌సైట్‌ ద్వారా కొనుగోలు చేయడానికి వినియోగదారులకు అందుబాటులో ఉంటుంది. లాంచ్ ఆఫర్‌లో భాగంగా హెచ్‌డిఎఫ్‌సి బ్యాంక్ క్రెడిట్ కార్డ్ వినియోగదారులకు EMI లావాదేవీల మీద షియోమి 7,500 రూపాయల తగ్గింపును ఇస్తుంది.

Mi టివి QLED 75 స్పెసిఫికేషన్స్

షియోమి బ్రాండ్ యొక్క కొత్త Mi టీవీ QLED 75 స్మార్ట్‌టీవీ 97 శాతం స్క్రీన్-టు-బాడీ రేషియోతో 75 అంగుళాల పెద్ద డిస్ప్లేని కలిగి ఉంది. ఇది గరిష్టంగా 4K రిజల్యూషన్‌కు మద్దతును ఇస్తుంది. 120Hz రిఫ్రెష్ రేటును కలిగి ఉన్న మొట్టమొదటి షియోమి స్మార్ట్ టీవీ ఇది. షియోమి యొక్క రియాలిటీ ఫ్లో (MEMC) టెక్నాలజీని కూడా ఇది కలిగి ఉంది. ఇది డాల్బీ విజన్, హెచ్‌డిఆర్ 10 +, హెచ్‌డిఆర్ 10 మరియు హెచ్‌ఎల్‌జి ఫార్మాట్‌లకు అనుగుణంగా ఉంటుంది.

దీని యొక్క డిస్ప్లే 100 శాతం ఎన్‌టిఎస్‌సి కలర్లకు మద్దతును ఇస్తుంది. ఆడియో విభాగం విషయానికి వస్తే ఇది 30W రేటింగ్ మద్దతుతో స్టీరియో స్పీకర్ సెటప్ ఉత్పత్తితులను కలిగి ఉంటుంది. Mi టివి క్యూఎల్‌ఇడి 55 మాదిరిగానే 75 అంగుళాల మోడల్‌లో ఆరు డ్రైవర్ల సెటప్ ను కలిగి ఉంది. టీవీ డాల్బీ ఆడియో మరియు డిటిఎస్-హెచ్‌డి వంటి బహుళ ఆడియో ఫార్మాట్‌లకు మద్దతు ఇస్తుంది.

స్మార్ట్ టీవీ ప్యాకేజీలో భాగంగా Mi టీవీ క్యూఎల్‌ఇడి 75 ఆండ్రాయిడ్ టివి 10తో రన్ అవుతుంది. దీని అర్థం గూగుల్ ప్లే మరియు క్రోమ్‌కాస్ట్ స్ట్రీమింగ్‌కు మద్దతును ఇస్తుంది. మునుపటి Mi టివి మోడళ్లలో మనం చూసిన ప్యాచ్‌వాల్‌కు ప్రత్యామ్నాయ ఇంటర్‌ఫేస్‌గా షియోమి బేక్ చేస్తుంది. ఇటీవల ప్రారంభించిన రెడ్‌మి టీవీ X55 మాదిరిగానే Mi టీవీ క్యూఎల్‌ఈడీ 75 స్మార్ట్ పరికరాలను నియంత్రించడానికి Mi హోమ్ యాప్‌ను ఉపయోగించవచ్చు.

అలాగే ఇది హ్యాండ్స్ ఫ్రీ గూగుల్ అసిస్టెంట్‌తో వస్తుంది. రిమోట్ కంట్రోలర్‌లో మాట్లాడవలసిన అవసరాన్ని నివారించడానికి దూర-ఫీల్డ్ మైక్‌లను ఉపయోగించడం ద్వారా ఇది సాధించబడుతుంది. వినియోగదారులు అలెక్సాను డిఫాల్ట్ వాయిస్ అసిస్టెంట్‌గా కూడా ఎంచుకోవచ్చు. ఈ టీవీ 2GB ర్యామ్, 32GB ఇంటర్నల్ స్టోరేజ్‌తో 64-బిట్ ఎ 55 క్వాడ్ కోర్ చిప్‌పై ఆధారపడుతుంది. అలాగే కనెక్టివిటీ ఎంపికల విషయానికి వస్తే ఇందులో మూడు HDMI 2.1 పోర్ట్‌లు సాధారణ వైర్‌లెస్ కనెక్షన్లు మరియు I/O పోర్ట్‌లతో పాటు ALLM మరియు eARC లకు మద్దతు ఇస్తాయి. షియోమి ఒక టేబుల్‌టాప్‌లో ఇన్‌స్టాల్ చేయడానికి ప్యాకేజీలో భాగంగా కొత్త మెటల్ స్టాండ్‌ను కలుపుతుంది.