షియోమీ నుంచి మొట్టమొదటి Flip ఫోల్డ్ ఫోన్! వివరాలు

ప్రస్తుతం స్మార్ట్ ఫోన్ మార్కెట్లో ఫోల్డబుల్ స్మార్ట్‌ఫోన్‌లు కస్టమర్‌లలో బాగా ప్రాచుర్యం పొందాయని తెలిసిన విషయమే. దీని కారణంగా, మరిన్ని OEMలు ఈ ఫోల్డబుల్ సెగ్మెంట్‌లోకి ప్రవేశిస్తున్నాయని నివేదికలు సూచించాయి. వీటిలో Oppo, Vivo మరియు Tecno వంటి చైనీస్ స్మార్ట్‌ఫోన్ కంపెనీలు కూడా కొత్త ఫోల్డబుల్ మోడళ్లతో సెగ్మెంట్‌లోకి ప్రవేశిస్తున్నాయి.

కానీ, ఇప్పటికే ఫోల్డబుల్ స్మార్ట్ ఫోన్ మార్కెట్లో శాంసంగ్ సంస్థదే పై చేయి ఉంది. శాంసంగ్ గెలాక్సీ జెడ్ ఫ్లిప్ ఫోన్లకు పోటీగా Oppo మరియు Vivo సంస్థ లు ఇటీవలే తమ క్లామ్‌షెల్ ఫోల్డబుల్ స్మార్ట్‌ఫోన్‌లను విడుదల చేశాయి. వీటిలో Oppo Find N2 ఫ్లిప్ భారతదేశంలో అందుబాటులో ఉండగా, Vivo X ఫ్లిప్ ఫోన్ ప్రస్తుతం చైనాలో మాత్రమే అందుబాటులో ఉంది. ఇక ప్రస్తుతం ఆన్లైన్ నివేదికల ప్రకారం Xiaomi కూడా ఇప్పుడు క్లామ్‌షెల్ ఫోల్డబుల్ స్మార్ట్‌ఫోన్‌లను విడుదల చేయాలని ప్రణాళిక చేస్తోంది.

Xiaomi తన మొట్టమొదటి క్లామ్‌షెల్ ఫోల్డబుల్ ఫోన్‌ తయారీ పై పని చేస్తోంది
షియోమి ఫ్లిప్ ఫోల్డబుల్ స్మార్ట్‌ఫోన్ తో మార్కెట్‌లోకి ప్రవేశించాలని యోచిస్తోందని పుకార్లు సూచిస్తున్నాయి. ప్రముఖ చైనా సోషల్ మీడియా అయిన Weibo లో టిప్‌స్టర్ డిజిటల్ చాట్ స్టేషన్ షేర్ చేసిన పోస్ట్ ప్రకారం, షియోమీ తన ఫోన్లను శాంసంగ్ గెలాక్సీ Z ఫ్లిప్ సిరీస్ ఫోన్లకు పోటీగా తీసుకురావాలని చూస్తున్నట్లు తెలుస్తోంది.

అయితే, షియోమీ సంస్థ యొక్క మొట్టమొదటి క్లామ్‌షెల్ ఫోల్డబుల్ ఫోన్ చైనా వెలుపలి మార్కెట్‌లలో అందుబాటులో ఉంటుందా లేదా అనే విషయం పై టిప్‌స్టర్ ఏమీ చెప్పలేదు. కంపెనీ నుండి ఇది మొదటి ఫోల్డబుల్ ఫోన్ కాదని కూడా గమనించడం ముఖ్యం. Xiaomi ఇప్పటికే తన మూడవ తరం బుక్ స్టైల్ ఫోల్డింగ్ ఫోన్‌పై పని చేయడం ప్రారంభించిందని నివేదిక పేర్కొంది.

షియోమీ యొక్క మొట్టమొదటి క్లామ్‌షెల్ ఫోల్డబుల్ ఫోన్ నుంచి ఏమి ఆశించవచ్చు
షియోమీ యొక్క ఫ్లిప్ ఫోల్డబుల్ ఫోన్ దాని ప్రత్యర్థి శాంసంగ్ గెలాక్సీ Z ఫ్లిప్ 4 లేదా మోటోరోలా Razr 2022 లాగా మందంగా ఉండదని నివేదిక పేర్కొంది. పుకార్ల పరికరం ఈ ఫోన్ "అత్యంత తేలికగా మరియు సన్నగా" ఉంటుందని భావిస్తున్నారు.

ఇక, టిప్‌స్టర్ అంచనాల ప్రకారం కూడా Xiaomi ఫోల్డబుల్ ఫోన్ స్నాప్‌డ్రాగన్ 8 జెన్ 2 చిప్‌సెట్ ద్వారా శక్తిని పొందే అవకాశం ఉందని పేర్కొన్నారు. అంతే కాకుండా, ఈ క్లామ్‌షెల్ ఫోన్ 50W వైర్‌లెస్ ఛార్జింగ్‌కు కూడా మద్దతు ఇవ్వవచ్చు మరియు మల్టీ యాంగిల్ హోవర్‌తో పాటు 5X పెరిస్కోప్ టెలిఫోటో లెన్స్‌ను కలిగి ఉండవచ్చు. ఇంకా ఈ Xiaomi యొక్క మొదటి ఫ్లిప్ ఫోల్డబుల్ ఫోన్ గురించిన ఇతర ఏ వివరాలు ప్రస్తుతం అందుబాటులో లేవు.

ఇంకా, Xiaomi 13 అల్ట్రా స్మార్ట్ ఫోన్ ఫోన్ యొక్క గ్లోబల్ లాంచ్ తేదీని అధికారికంగా ధృవీకరించింది.ఈ రోజు జూన్ 7న హాంకాంగ్‌లో ఈ స్మార్ట్‌ఫోన్ లాంచ్ కానుంది. అధికారిక వెబ్‌సైట్ లో ల్యాండింగ్ పేజీ ద్వారా ఈ ఫోన్ లాంచ్ కోసం కౌంట్‌డౌన్ టైమర్‌ను చూపుతుంది. Xiaomi 13 అల్ట్రా రాబోయే వారాల్లో యూరప్ మరియు భారతదేశంతో సహా ఇతర మార్కెట్లలో కూడా లాంచ్ చేయబడుతుందని భావిస్తున్నారు.

Image Source: LETSGO Digital