నవంబర్ 30న రెడ్‌మి 5ఏ

సంచలన బ్రాండ్ షావోమి నుంచి మరో బడ్జెట్ ఫ్రెండ్లీ స్మార్ట్‌ఫోన్ భారత్‌లో లాంచ్ కాబోతోంది. రెడ్‌మి 5ఏ (Redmi 5A) పేరుతో ఈ ఫోన్ అందుబాటులో ఉంటుంది. ఈ ప్రొడక్ట్‌కు సంబంధించిన వివరాలను షావోమి గ్లోబల్ వైస్ ప్రెసిడెంట్ మను కుమార్ జైన్ తన అఫీషియట్ ట్విట్టర్ హ్యాండిల్ ద్వారా రివీల్ చేసారు. ముఖ్యంగా రూరల్ ఇండియాకు కనెక్ట్ అయ్యే విధంగా ఈ ప్రొడక్ట్ ఉంటుందని ఆయన తెలియజేసారు.

తాజాగా రెడ్‌మి ఇండియా, ఈ ఫోన్‌కు సంబంధించి అఫీషియల్ ట్వీట్‌ను పోస్ట్ చేసింది. ఈ ట్వీట్ ప్రకారం నవంబర్ 30న ఈ ప్రొడక్ట్ అఫీషియల్‌గా లాంచ్ కాబోతోంది. #DeshKaSmartphone అనే హ్యాష్‌ట్యాగ్‌తో ఈ ఫోన్‌ను షావోమి ప్రమోట్ చేస్తోంది. రూ.6000 ప్రైస్ పాయింట్‌లో అందుబాటులో ఉండొచ్చని భావిస్తోన్న రెడ్‌మి 5ఏ ఇప్పటికే చైనా మార్కెట్లో లభ్యమవుతోంది. అక్కడి మార్కెట్లో ఈ డివైస్ ధర 599 Yuanలు (మన కరెన్సీలో ఈ విలువ షుమారుగా రూ.5,884).

రెడ్‌మి 5ఏ (Redmi 5A) స్పెసిఫికేషన్స్..

5 అంగుళాల హైడెఫినిషన్ 720 పిక్సల్ డిస్‌ప్లే, ఆండ్రాయిడ్ నౌగట్ ఆపరేటింగ్ సిస్టం, క్వాడ్-కోర్ 64 బిట్ స్నాప్‌డ్రాగన్ 425 సాక్, 2జీబి ర్యామ్, 16జీబి ఇంటర్నల్ స్టోరేజ్, మైక్రోఎస్డీ స్లాట్ ద్వారా ఫోన్ స్టోరేజ్ కెపాసిటీని 128జీబి వరకు విస్తరించుకునే అవకాశం, 13 మెగా పిక్సల్ రేర్ ఫేసింగ్ కెమెరా, 5 మెగా పిక్సల్ ఫ్రంట్ ఫేసింగ్ కెమెరా, 3,000ఎమ్ఏహెచ్ బ్యాటరీ, డ్యుయల్ సిమ్ కార్డ్స్ విత్ హైబ్రీడ్ సిమ్ స్లాట్, 4జీ ఎల్టీఈ, వై-ఫై, బ్లుటూత్, మెటల్ బాడీ.