వాట్సప్ మెసేజ్‌లో జియో టీవీని చూడటం ఎలా ?

Picture-in-Picture (PiP) mode

లేటెస్ట్ అప్ డేట్ ప్రకారం జియో టీవీ యాప్ Picture-in-Picture (PiP) modeని ప్రవేశపెట్టింది. ఈ ఫీచర్ ద్వారా జియో టీవీ నుంచి ఏదైనా కార్యక్రమాన్ని జియో సబ్ స్క్రైబర్లు వాట్సప్ కు మెసేజ్ చేస్తే వారు దాన్ని ధర్డ్ పార్టీ యాప్ లోకి వెళ్లకుండా తిలకించవచ్చు. నేరుగా జియో టీవీ యాప్ లోకి వెళ్లకుండా వాట్సప్ నుంచే తిలకించవచ్చు.

Android 8.0 పైన వర్షన్ ఉన్నవారు

ఈ ఫీచర్ అందరికీ అందుబాటులో లేదు. Android 8.0 పైన వర్షన్ ఉన్నవారు ఈ అప్ డేట్ ని ఉపయోగించుకోవచ్చు. ఆండ్రాయిడ్ ఓరియో ఆపైన ఆపరేటింగ్ సిస్టం ఉన్న వారికి మాత్రమే ఈ ఫీచర్ అందుబాటులో ఉంటుంది.

రియల్ టైమ్‌లో 600కుపైగా టీవీ చానళ్లను

ఇకపోతే జియో టీవీ అనేది లైవ్ టీవీ యాప్. రియల్ టైమ్‌లో 600కుపైగా టీవీ చానళ్లను వీక్షించొచ్చు. రికార్డింగ్ సపోర్ట్, పుష్ సపోర్ట్, 7 డే క్యాచప్ టీవీ వంటి ప్రత్యేకతలున్నాయి. ఈ యాప్ ఆండ్రాయిడ్, ఐఓఎస్ ఫోన్లలోనే పనిచేస్తుంది.

ఇతర పనులు

కాగా స్మార్ట్‌ఫోన్ యూజర్లు చాలా మంది ఇప్పుడు మీడియా యాప్స్‌లో పిక్చర్ ఇన్ పిక్చర్ ఫీచర్ కోరుకుంటున్నారు. పిక్చర్ ఇన్ పిక్చర్ ఫీచర్ వల్ల స్మార్ట్‌ఫోన్‌లో జియో టీవీ యాప్‌లో వీడియో చూస్తూనే ఇతర పనులు కూడా చేసుకోవచ్చు.

అప్‌డేటెడ్ జియో టీవీ యాప్‌

గూగుల్ ప్లేస్టోర్ నుంచి ఉచితంగానే అప్‌డేటెడ్ జియో టీవీ యాప్‌ను డౌన్‌లోడ్ చేసుకోవచ్చు. యూజర్ల వ్యూయింగ్ ఎక్స్‌పీరియన్స్‌ను మరింత మెరుగుపరిచేందుకు కొత్త అప్‌డేట్ తీసుకువచ్చామని జియో టీవీ టీమ్ పేర్కొంది. ఇకపై చాట్ లేదా బ్రౌజింగ్ చేస్తూనే జియో టీవీ చూడొచ్చు.