ప‌బ్‌జి అభిమానులకు షాకింగ్ న్యూస్, ఇకపై లిమిట్

6 గంట‌ల‌కు పైగా నిరంత‌రాయంగా ఆడుతుంటే

ఇక‌పై ఎవ‌రైనా ఈ గేమ్‌ను 6 గంట‌ల‌కు పైగా నిరంత‌రాయంగా ఆడుతుంటే గ‌న‌క వారికి హెల్త్ రిమైండ‌ర్ పంప‌నుంది. 6 గంట‌లు దాటితే గేమ్ ప్లే దానంత‌ట అదే ఆగిపోతుంది.ఇక మ‌రుస‌టి రోజు వ‌ర‌కు గేమ్ ఆడ‌డం కుద‌ర‌దు. అయితే ఈ ఫీచ‌ర్ ఇప్ప‌టికే ప‌లువురు యూజ‌ర్ల‌కు అందుబాటులోకి వ‌చ్చింద‌ని స‌మాచారం. అయితే కొంద‌రికి కేవ‌లం 2 గంట‌ల పాటు ఆడితేనే ఈ రిమైండ‌ర్ వ‌స్తుంద‌ని సమాచారం.

18 సంవ‌త్స‌రాల వ‌య‌స్సు లోపు వారు

18 సంవ‌త్స‌రాల వ‌య‌స్సు లోపు వారు ప‌బ్‌జి మొబైల్ గేమ్‌ను 6 గంట‌ల క‌న్నా ఎక్కువ సేపు ఆడితే వారికి హెల్త్ రిమైండ‌ర్ వ‌స్తోంది. దీంతో వారు ఆ రోజుకు ఇంక గేమ్ ఆడ‌డం కుద‌ర‌డం లేద‌టని. మ‌రుస‌టి రోజే గేమ్ ఆడుకోవాలని రిమైండ‌ర్‌లో చెబుతోంది.మ‌రికొంద‌రికి 18 సంవ‌త్సరాల క‌న్నా ఎక్కువ వ‌యస్సు ఉన్న‌ప్ప‌టికీ వారికి కూడా గేమ్‌లో హెల్త్ రిమైండ‌ర్ వ‌స్తుంద‌ని, దీంతో గేమ్‌ను ఆడ‌లేక‌పోతున్నామ‌ని ప‌లువురు చెబుతున్నారు. దీనిపై టెన్సెంట్ గేమ్స్ ప‌బ్‌జి ప్రియుల ఆరోగ్యాన్ని దృష్టిలో ఉంచుకుని గేమ్‌ను బ్యాన్ చేయాల్సిన అవ‌స‌రం రాకుండా ఇలాంటి అలర్ట్ ఇస్తున్నామని చెబుతోంది.

సృష్టిక‌ర్త టెన్సెంట్ గేమ్స్

మ‌రో వైపు ప‌బ్‌జి మొబైల్ గేమ్ సృష్టిక‌ర్త టెన్సెంట్ గేమ్స్ మాత్రం ఈ గేమ్‌ను ఆరోగ్య‌క‌రమైన రీతిలో అనుభూతి చెందేలా నూత‌న ఫీచ‌ర్‌ను ఇందులో అందుబాటులోకి తెచ్చేందుకు య‌త్నిస్తున్న‌ది.

జగిత్యాల‌కు చెందిన ఓ యువ‌కుడు

ఇటీవలే జగిత్యాల‌కు చెందిన ఓ యువ‌కుడు అదే ప‌నిగా గంటల త‌ర‌బ‌డి ప‌బ్‌జి గేమ్ ఆడుతూ మెడ కండ‌రాలు ప‌ట్టేసి అనంత‌రం ఆస్ప‌త్రిలో చికిత్స పొందుతూ మృతి చెందాడు. కాగా గ‌తంలోనూ ఈ గేమ్ వ‌ల్ల మాన‌సిక స‌మ‌స్య‌ల‌ను ఎదుర్కొన్న వారు చాలా మందే ఉన్నారు. ఇప్పుడీ గేమ్‌ను మ‌న దేశంలో నిషేధించాల‌ని పెద్ద ఎత్తున డిమాండ్లు వినిపిస్తున్నాయి.