41 ఏళ్ల తరువాత ఆకాశంలో అద్భుతం

దాదాపు 41 ఏళ్ల తరువాత అంతరిక్షంలో మరో అద్భుతం చోటు చేసుకుంది.

Updated: Tuesday, October 9, 2018, 12:01 [IST]

దాదాపు 41 ఏళ్ల తరువాత అంతరిక్షంలో మరో అద్భుతం చోటు చేసుకుంది. మానవ నిర్మిత వాయేజర్ 2 అంతరిక్ష నౌక 41 ఏళ్ల సుదీర్ఘ ప్రయాణం తర్వాత సౌరకుటుంబ అంచులు దాటి నక్షత్రాంతర రోదసి ప్రాంతం (Interstellar Space)లోకి ప్రవేశించింది. కాగా వాయేజర్ 1 తర్వాత ఈ ఘనత సాధించిన చేరిన రెండో మానవ నిర్మిత అంతరిక్ష నౌక ఇదేనని నాసా వెల్లడించింది. Interstellar Space అనగా భూమి, చంద్రుడు, సూర్యుడు తదితర గ్రహాలను కలిపి సౌరకుటుంబంగా పిలుస్తారు.

సౌర వ్యవస్థకు, నక్షత రోదసి ప్రాంతానికి..

సౌరకుటుంబం అంచులు దాటిన వెంటనే ఇంటర్స్టెల్లార్ స్పేస్ వస్తుంది. అంటే సౌర వ్యవస్థకు, నక్షత రోదసి ప్రాంతానికి మధ్య ఉండే ప్రాంతమని అర్థం.ఈ సౌరకుటుంబానికి అవతల కూడా కొన్ని వేల గ్రహాలు, నక్షత్రాలు ఉన్నాయని శాస్త్రవేత్తలు భావిస్తున్నారు.

సంకేతాల ప్రకారం

వాయేజర్ అందించే సంకేతాల ప్రకారం సౌర కుటుంబం ఆవల ఉండే నక్షత్రాంతర రోదసిలో ఉండే కాస్మిక్ రేస్ లేదా ప్లాస్మా తరంగాలు లేదా అయోనైజ్డ్ వాయువుల గుండా ప్రయాణిస్తున్నట్లు అంచనా వేసినట్లు వాయేజర్ ప్రాజెక్ట్ శాస్త్రవేత్త ఎడ్ స్టోన్ తెలిపారు.

వాయేజర్-1

వాయేజర్-1 కూడా నక్షత్ర రోదసిలోకి ప్రవేశించగానే కాస్మిక్ తరంగాల ప్రభావానికి గురైందని, ఇప్పుడు వాయేజర్-2పై కూడా ఐదు శాతం కాస్మిక్ తరంగాల ప్రభావాన్ని గుర్తించామని వివరించారు.

మూడు నెలల కిందటే..

వాయేజర్-1 మూడు నెలల కిందటే సౌర వ్యవస్థకు నక్షత్ర రోదసికి మధ్యలో ఉండే ఇంటర్స్టెల్లార్ స్పేస్‌ను పూర్తిగా దాటి నక్షత్ర రోదసిలోకి చేరుకుందని, వాయేజర్-2 కూడా త్వరలోనే దాన్ని అనుసరించనుందని శాస్త్రవేత్తలు తెలిపారు.

విశ్వరహస్యాలు, గ్రహాంతరవాసుల ఉనికి..

సౌరవ్యవస్థకు ఆవల ఉండే విశ్వరహస్యాలు, గ్రహాంతరవాసుల ఉనికి తెలుసుకునే ఉద్దేశంతో జెట్ ప్రొపల్షన్ లేబొరేటరీ సంస్థ ‘ప్లానెటరీ గ్రాండ్ టూర్' అనే కార్యక్రమానికి 1964లో శ్రీకారం చుట్టారు.

గురు, శని, ఫ్లూటో గ్రహాల అధ్యయనానికి..

ఇందులో భాగంగా నాలుగు అంతరిక్ష నౌకలు రూపొందించాలని భావించారు. గురు, శని, ఫ్లూటో గ్రహాల అధ్యయనానికి రెండు నౌకలు, యురేనస్, నెప్యూన్ గ్రహాల అధ్యయనానికి 1979లో మరో రెండు అంతరిక్ష నౌకలను ప్రయోగించాలని భావించినా 1972లో ఆర్థిక సమస్యల వద్ద ప్రయోగాలు ముందుకు సాగలేదు.