చైనా సంచలనం, ఒకరి తల మరొకరి శరీరానికి!

ఎవరెన్ని హెచ్చరికలు చేసినప్పటికి తాను ఈ ఆపరేషన్‌ను విజయవంతంగా పూర్తి చేసి తీరుతానని చైనాలోని హార్బిన్‌ మెడికల్‌ యూనివర్శిటీకి చెందిన డాక్టర్‌ రెని జియావోపింగ్‌ అంటున్నారు.

ఆపరేషన్‌కు అవసరమైన నిపుణుల బృందాన్ని తాను ఏర్పాటు చేసుకుంటున్నానని, అన్నీ సిద్ధమయ్యాక ఆపరేషన్‌ జరిగి తీరుతుందని ఆయన ఇటీవల ఓ ఇంటర్వ్యూలో తెలిపారు.

అమెరికాలో వైద్యునిగా పని చేసిన రెన్ 1999లో అమెరికాలో జరిగిన ప్రపంచ తొలి చేతి మార్పిడి ఆపరేషన్‌లో అసిస్టెంట్‌గా వ్యవహరించారు.

రెండు శరీరాల తలలను వేరుచేసి ఒకదానికొకటి మెడ వద్ద కలిపి ఆపరేషన్‌ చేస్తానని, తల నిలబడేందుకు ఓ ఐరన్‌ ప్లేట్‌ను అమరుస్తానని డాక్టర్‌ రెన్‌ చెబుతున్నారు.

ఈ ఆపరేషన్ పై ప్రపంచవ్యాప్తంగా విమర్శలు వెల్లువెత్తుతున్నప్పటికి డాక్టర్ రెన్ మాత్రం వెనక్కి తగ్గేది లేదంటున్నారు. యన ఇప్పటికే ఎలుకలపై ఈ ప్రయోగం నిర్వహించారు. అవి ఒక్కరోజు మాత్రమే బతికాయిని తెలుస్తోంది.

డాక్టర్ రెన్ చేస్తున్న ప్రాణాంతక శస్త్ర చికిత్స కోసం స్వచ్ఛందంగా ముందుకొచ్చిన వ్యక్తులో వాంగ్‌ ఒకరు. హార్బిన్‌ ఆస్పత్రిలో ఈ అద్భుత ఆపరేషన్‌ కోసం వాంగ్‌ వేయి కన్నులతో వాంగ్ ఎదురు చూస్తున్నారు.

మల్లయుద్ధం చేస్తూ తీవ్రంగా గాయపడని వాంగ్ కు పక్షవాతం వచ్చి మెడ నుంచి కాలి బొటన వేలి వరకు శరీరమంతా చచ్చుపడిపోయింది.

ఈ ఆపరేషన్ విజయవంతగా పూర్తి అయితే తాను తిరిగి ఎప్పటిలాగే లేచి నడవగలనని వాంగ్ ఆశిస్తున్నాడు.

చైనా చేపడుతోన్న ఈ బాడీ ట్రాన్స్‌ప్లాంట్‌ ఆపరేషన్‌ మాట వినగానే ఇదేమిటంటూ యావత్‌ ప్రపంచం ఒక్కసారిగా ఉలిక్కి పడింది. ఇలాంటి ఆపరేషన్‌కు సిద్ధ పడడం ఎంతో ప్రమాదకరమని అమెరికాలోని ప్రముఖ వైద్యులు వ్యాఖ్యానిస్తున్నారు.