భూమికి నాశనం తప్పదు,కొత్తది వెతుక్కోవాల్సిందే !

ఎలన్‌ మస్క్‌

ఎలన్‌ మస్క్‌ గుర్తున్నాడా? అదేనండి.. పేపాల్, టెస్లా, స్పేస్‌ ఎక్స్‌ కంపెనీల వ్యవస్థాపకుడు. ఇంకో వందేళ్లలో మనుషులకు అంగారకుడిపై కాలనీ కట్టేస్తానని ప్రకటించిన వ్యక్తి ఈయన.

ఇంకో రెండేళ్లలో

మస్క్‌ తానిచ్చిన మాటకు తగ్గట్టుగానే ముందుకెళుతున్నాడు. మొత్తం పది లక్షల మందితో ఏర్పాటు చేయాలనుకుంటున్న మార్స్‌ కాలనీకి ఇంకో రెండేళ్లలో తన ప్రణాళికకు శ్రీకారం చుట్టనున్నారు.

అరుణ గ్రహం భూమికి దగ్గరగా వచ్చినప్పుడు

అరుణ గ్రహం భూమికి దగ్గరగా వచ్చినప్పుడు డ్రాగన్‌ -2 అంతరిక్ష నౌక ద్వారా ముందుగా కొంత సామగ్రిని అక్కడికి పంపిస్తామని.. ఆ తరువాత దశలవారీగా తన ప్రణాళికను అమలు చేస్తానని అంటున్నాడు మస్క్‌.

ఇటీవలే ఒక డాక్యుమెంట్‌

ఈ వివరాలతో ఆయన ఇటీవలే ఒక డాక్యుమెంట్‌ను విడుదల చేశాడు.

మార్స్‌ కాలనీలో

మార్స్‌ కాలనీలో నివాసానికి ఒక్కొక్కరికీ ఎంత ఖర్చవుతుంది? అక్కడికి చేరుకోవడం ఎలా? ఎదురయ్యే ఇంజినీరింగ్‌ సవాళ్లు ఎలాంటివి? వాటిని ఎలా ఎదుర్కోవాలి? వంటి అనేక అంశాలను ఇందులో చర్చించారు.

తొలి అంతరిక్ష నౌకను

రెండేళ్లలో సామగ్రితో తొలి అంతరిక్ష నౌకను ప్రయోగించిన తరువాత దాదాపు వందమంది ప్రయాణించగల అంతరిక్ష నౌకను అభివృద్ధి చేయాలన్నది మస్క్‌ ప్లాన్‌.

భూమిపై మనిషి మనుగడ

అణుయుద్ధాలు మొదలుకొని.. వాతావరణ మార్పుల వరకూ అనేక సమస్యలతో కొట్టుమిట్టాడుతున్న భూమిపై మనిషి మనుగడ అసాధ్యమని.. ఈ శతాబ్దం అంతానికల్లా ఇంకో గ్రహాన్ని వెతుక్కోకపోతే కష్టమేనని మస్క్, ప్రఖాత శాస్త్రవేత్త దివంగత స్టీఫెన్‌ హాకింగ్‌లు ఈ మధ్యే ప్రకటించిన విషయం తెలిసిందే.

మనుషులు చంద్ర గ్రహానికి

ఇదిలా ఉంటే ఈ భూమ్మీది నుంచి మనుషులు చంద్ర గ్రహానికి వెళ్ళాల్సిందేనని ప్రముఖ ఖగోళ భౌగోళిక శాస్త్రజ్ఞుడు స్టీఫెన్ హాకింగ్స్ తన మరణానికి ముందు తెలిపారు. 

ఇతర ప్రపంచాల్లోకి

ఈ భూగ్రహం మీద మానవులకు నూకలు చెల్లిపోతున్నాయని, ఇతర ప్రపంచాల్లోకి మనం వెళ్ళాల్సిందేనని, సౌర వ్యవస్థలను అన్వేషించాల్సిన సమయం సమీపించిందని ఆయన ఓ సందర్భంలో పేర్కొన్నాడు.

200 ఏళ్ళ నుంచి 500 ఏళ్ళలోగా

గతేడాది నార్వేలోని ట్రాండెంలో జరిగిన ఓ కార్యక్రమంలో ప్రజలు, ప్రముఖులతో వీడియో లింక్ ద్వారా మాట్లాడిన ఆయన.. రానున్న 200 ఏళ్ళ నుంచి 500 ఏళ్ళలోగా మన భూనిష్క్రమణ తథ్యమని ప్రకటించి అప్పట్లో సంచలనం రేకెత్తించారు. 

30 సంవత్సరాల్లోగా అన్ని దేశాలు

30 సంవత్సరాల్లోగా అన్ని దేశాలు ఓ మూన్ కాలనీని ఏర్పాటు చేయడానికి పూనుకోవాలని స్టీఫెన్ హాకింగ్స్ ఆ సందర్భంంలో పిలుపునిచ్చారు.