యూట్యూబ్ మరచిపోండి, అమెజాన్ ట్యూబ్ వస్తోంది !

యూట్యూబ్‌కు పోటీగా..

యూట్యూబ్‌కు పోటీగా అమెజాన్ త్వరలో తన సొంత వీడియో షేరింగ్‌ సైటును అందుబాటులోకి తీసుకొచ్చేందుకు సిద్దమవుతోంది. యూట్యూబ్ తరహాలో అమెజాన్ ట్యూబ్ సైట్‌ను అమెజాన్ డెవలప్ చేస్తున్నట్లు సమాచారం.

వీడియో షేరింగ్‌తోపాటు..

ఈ సైట్‌లో వీడియో షేరింగ్‌తోపాటు యూజర్లు ఫొటోలు, టెక్ట్స్ మెసేజ్‌లు, డేటా, ఇతర సమాచారం కూడా షేర్ చేసుకునేందుకు వీలు కల్పించనున్నారని టెక్‌ వర్గాల ద్వారా తెలిసింది.

Image source : phonandroid

ట్రేడింగ్‌ మార్కుల కోసం..

ఈ నెల మొదట్లో ట్రేడింగ్‌ మార్కుల కోసం యూఎస్‌ పేటెంట్‌, ట్రేడ్‌మార్కు ఆఫీసు వద్ద దరఖాస్తు కూడా చేసుకుంది.

అమెజాన్ ట్యూబ్ అని మాత్రమే కాకుండా..

ఈ వీడియో షేరింగ్ సైట్‌కు కేవలం అమెజాన్ ట్యూబ్ అని మాత్రమే కాకుండా ఓపెన్ ట్యూబ్, అలెక్సా ఓపెన్ ట్యూబ్, అమెజాన్ అలెక్సా ట్యూబ్, అమెజాన్ ఓపెన్ ట్యూబ్ అని పలు డొమెయిన్ నేమ్స్‌ను అమెజాన్ పరిశీలిస్తున్నట్లు సమాచారం.

గూగుల్ దెబ్బ

గూగుల్ సంస్థ ఇటీవలే అమెజాన్‌కు చెందిన టచ్‌స్క్రీన్ ఎకో డివైస్, ఫైర్ టీవీల నుంచి తన యూట్యూబ్ యాప్‌ను తొలగించింది. దీన్ని అమెజాన్ చాలా సీరియస్ గా తీసుకున్నట్లు తెలుస్తోంది.

అకస్మాత్తు నిర్ణయంతో..

గూగుల్ తీసుకున్న ఈ అకస్మాత్తు నిర్ణయంతో ఆగ్రహానికి గురైన అమెజాన్ సొంతంగా యూట్యూబ్ తరహాలో ఓ సైట్‌ను తేవాలని నిశ్చయించుకుందని తెలిసింది.

అమెజాన్ ఎలాంటి ప్రకటన..

అయితే దీనిపై ఇంకా అమెజాన్ ఎలాంటి ప్రకటన చేయలేదు. త్వరలో వివరాలు తెలిసే అవకాశం ఉంది..!