చైనా కంపెనీలతో కుమ్మక్కయిన ఫేస్‌బుక్,మళ్లీ డేటా షేరింగ్ రచ్చ !

చైనీస్‌ డివైజ్‌ మేకర్లతో..

చైనీస్‌ డివైజ్‌ మేకర్లతో కూడా ఫేస్‌బుక్ డేటా షేరింగ్‌ ఒప్పందాన్ని కలిగి ఉన్నట్టు తెలిసింది. ఈ విషయాన్ని స్వయంగా ఆ కంపెనీనే అంగీకరించినట్లుగా సోషల్ మీడియాలో వార్తలు వస్తున్నాయి.

కంపెనీలు ఇవే..

హువాయి టెక్నాలజీస్‌ కో, లెనోవో, ఒప్పో, టీసీఎల్‌ వంటి చైనీస్‌ డివైజ్‌ తయారీదారులకు ఫేస్‌బుక్‌ తన డేటాను షేర్‌ చేసినట్టు వెల్లడించింది. ఇదీ కూడా యూజర్లకు తెలియకుండానే చేసినట్టు తెలిసింది.

ఫేస్‌బుక్‌ డేటా షేర్‌ కావడం..

చైనీస్‌ డివైజ్‌ తయారీదారులతో ఫేస్‌బుక్‌ డేటా షేర్‌ కావడం అనేది అత్యంత ప్రమాదకరమని సెనేట్‌ ఇంటెలిజెన్స్‌ కమిటీ టాప్‌ డెమొక్రాట్‌ మార్క్‌ వార్నర్‌ అన్నారు.

భాగస్వామ్య విషయంలో..

అయితే తాము ఈ భాగస్వామ్య విషయంలో చాలా జాగ్రత్తగా ఉన్నామని, ఫేస్‌బుక్‌ యాప్‌ కస్టమ్‌ వెర్షన్స్‌ను అభివృద్ధి చేయడానికి స్మార్ట్‌ఫోన్‌ కంపెనీలకు తాము సహకరిస్తున్నామని ఫేస్‌బుక్ చెబుతోంది. మెంబర్ల సమాచారాన్ని వారు ఎలాంటి వాటికి ఉపయోగిస్తున్నారనే విషయంపై చాలా విశ్లేషణ చేశామని పేర్కొంటోంది.

2009 నుంచి చైనాలో ఫేస్‌బుక్‌ యాప్‌ బ్లాక్‌

అయితే 2009 నుంచి చైనాలో ఫేస్‌బుక్‌ యాప్‌ బ్లాక్‌ అయి ఉంది. అయినప్పటికీ ఆ దేశ కంపెనీలకు మాత్రం ఈ కంపెనీ యూజర్ల డేటా ఇవ్వడంపైనే ఇప్పుడు వివాదం రేగుతోంది. ప్రస్తుతం ఫేస్‌బుక్‌ షేర్‌చేసిన చైనీస్‌ కంపెనీలు, ఆ దేశ కమ్యూనిస్ట్‌ పార్టీ, వారి మిలటరీకి సంబంధించినివేనా లేక వేరే కంపెనీలా.. అనేదానిపై స్పష్టత లేదు.

కేంబ్రిడ్జ్‌ అనలిటికా

ఇప్పటికే ఫేస్‌బుక్‌ కేంబ్రిడ్జ్‌ అనలిటికా అనే కన్సల్టెన్సీ కంపెనీతో యూజర్ల డేటాను పంచుకుందని తీవ్ర ఆరోపణలు ఎదుర్కొంటోంది. ఈ ఆరోపణలపై ఆ కంపెనీ సీఈవో మార్క్‌ జుకర్‌బర్గ్‌ కాంగ్రెస్‌ సభ్యుల మందుకు వచ్చి కూడా క్షమాపణ చెప్పారు.

న్యూయార్క్‌ టైమ్స్‌ బహిర్గతం చేసిన రిపోర్టులు..

తాజాగా న్యూయార్క్‌ టైమ్స్‌ బహిర్గతం చేసిన రిపోర్టులు, వెలుగులోకి వచ్చిన చైనీస్‌ కంపెనీలతో భాగస్వామ్యం అన్ని విషయాల్లోనూ ఫేస్‌బుక్‌ ఎంత ఘోర తప్పిందం చేసిందో వెల్లడవుతుందని టెక్‌ వర్గాలంటున్నాయి.