ఫేస్‌బుక్‌లో ఉన్న లోపం గురించి తెలుసా..?

18 ఏళ్ల వ్య‌క్తి పేరు జేమ్స్ మార్టిన్‌డేల్‌

ఈ బ‌గ్‌ను గుర్తించిన ఆ 18 ఏళ్ల వ్య‌క్తి పేరు జేమ్స్ మార్టిన్‌డేల్‌. త‌న ఫోన్‌లో కొత్త సిమ్ కార్డ్ వేసిన‌ప్పుడు అత‌ను ఈ బ‌గ్‌ను గుర్తించాడు.

కొత్త సిమ్ వేయ‌గానే

కొత్త సిమ్ వేయ‌గానే ఫేస్‌బుక్ నుంచి అత‌నికి ఓ మెసేజ్ వ‌చ్చింది. కొంత సేప‌టి వ‌ర‌కు మీ అకౌంట్‌లో లాగ్ అవ‌లేదు అన్న‌ది ఆ మెసేజ్ సారాంశం. అయితే ఈ కొత్త నంబ‌ర్‌ను అకౌంట్‌కు యాడ్ చేయ‌క‌పోయినా.. ఈ మెసేజ్ రావ‌డం అత‌న్ని ఆశ్చ‌ర్య‌ప‌రిచింది.

ఫేస్‌బుక్‌లో సెర్చ్ చేయ‌గా

దీంతో అత‌ను త‌న పాత‌ నంబ‌ర్‌పై ఫేస్‌బుక్‌లో సెర్చ్ చేయ‌గా.. ఒక అకౌంట్ వ‌చ్చింది. ఈ నంబ‌ర్‌ను యూజ‌ర్‌నేమ్‌గా చేసి.. ఓ రాండ‌మ్ పాస్‌వ‌ర్డ్‌తో లాగిన్ అవ‌డానికి ప్ర‌య‌త్నించినా.. అది సాధ్యం కాలేదు.

ఫ‌ర్‌గాట్ పాస్‌వ‌ర్డ్ ఆప్ష‌న్ సాయంతో

ఫ‌ర్‌గాట్ పాస్‌వ‌ర్డ్ ఆప్ష‌న్ సాయంతో త‌న అకౌంట్‌ను రిక‌వ‌ర్ చేయ‌డానికి ప్ర‌య‌త్నించినా అందులోనూ ఫెయిల‌య్యాడు. అప్పుడు కొత్త నంబ‌ర్‌తో అత‌ను సెర్చ్ చేయ‌గా ఓ ఈమెయిల్ అడ్రెస్‌, ఆరు ఫోన్ నంబ‌ర్ల‌తో రిక‌వ‌రీ ఆప్ష‌న్స్ వ‌చ్చాయి.

పాస్‌వ‌ర్డ్ రీసెట్ కోడ్ కోసం

అయితే ఇందులో ఒక‌టి పాస్‌వ‌ర్డ్ రీసెట్ కోడ్ కోసం ఫేస్‌బుక్‌కు ఇచ్చిన నంబ‌ర్ ఉంది. అంత‌కుముందు ఆ నంబ‌ర్ నుంచే మార్టిన్‌డేల్ త‌న అకౌంట్‌లోకి లాగిన్ అవ‌డానికి ప్ర‌య‌త్నించాడు.

ఆ వ్య‌క్తి అకౌంట్‌లోకి

ఆ ఆప్ష‌న్ సెల‌క్ట్ చేసిన త‌ర్వాత అత‌ను ఆ వ్య‌క్తి అకౌంట్‌లోకి విజ‌య‌వంతంగా లాగిన్ అయ్యాడు. అప్పుడు ఫేస్‌బుక్ అత‌నికి పాస్‌వ‌ర్డ్ చేంజ్ ఆప్ష‌న్ ఇచ్చింది.

అస‌లు యూజ‌ర్

దీనివ‌ల్ల ఆ అస‌లు యూజ‌ర్ ఇక ఎప్ప‌టికీ త‌న అకౌంట్‌లోకి లాగిన అవ‌లేడు. ఆ త‌ర్వాత మార్టిన్‌డేల్ మ‌రో కొత్త నంబ‌ర్‌తో ఇలాగే ప్ర‌య‌త్నించ‌గా.. మ‌ళ్లీ అదే ఫ‌లితం ఎదురైంది.