ఫేస్‌బుక్ మాయలో పిట్టల్లా రాలుతున్న ప్రాణాలెన్నో, జాగ్రత్తగా లేకుంటే అంతే !

ఆన్‌లైన్ స్నేహం ..

పరిచయం లేనివారితో ఆన్‌లైన్ స్నేహం చేయకపోవడమే మంచిది. అలాంటి వారికి దూరంగా ఉండటం చాలా మంచిది. తర్వాత ఏదైనా జరగరానిది జరిగితే మంచిచెడు తెలుసుకోవడానికి ఎలాంటి సమాచారం దొరకదు. దీంతో పాటు ఐడీ కార్డులు, మీ వివరాలు, కనిపించే ఫొటోలు ఫేస్‌బుక్‌లో పెట్టకపోవడమే శ్రేయస్కరం. వాటివల్ల అనర్థాలే ఎక్కువ వస్తాయి.

ఇబ్బంది పెట్టే కామెంట్లు..

మీరు ఫ్రెండ్స్ ఫొటోలు వారికి తెలియకుండా ఫేస్‌బుక్‌లో ఎట్టి పరిస్థితుల్లో పెట్టవద్దు. అది వేరేవాళ్ల చేతికి చిక్కితే ఇద్దరూ ఇబ్బందులు ఎదుర్కోవాల్సి వస్తుంది. అలాగే స్నేహితుల పోస్టుల మీద తీవ్రంగా స్పందించడం, వారిని ఇబ్బంది పెట్టే కామెంట్లు పెట్టడం వంటివి కూడా చేయకండి. అవి పెను ప్రమాదాన్ని మోసుకొచ్చే అవకాశం ఉంది.

ఫేక్ అకౌంట్లతో..

ఎక్కువమంది స్నేహితుల కోసం వచ్చిన ప్రతీ ఫ్రెండ్ రిక్వెస్టును యాక్సెప్ట్ చేయడం కూడా మంచిది కాదు. రిక్వెస్ట్ పెట్టినవాళ్లు మీకు తెలిసిన వాళ్లయితేనే ఓకే చేయండి. లేకుంటే వారి అకౌంట్లలో పోస్ట్ చేసిన విషయాలను క్షుణ్ణంగా పరిశీలించి తెలుసుకోవడం మంచింది. ముఖ్యంగా ఫేక్ అకౌంట్లతో చాలా జాగ్రత్తగా ఉండండి.

అప్‌డేటెడ్‌..

మీరు మీ ఫేస్‌బుక్‌ని ఫ్రెండ్స్‌తో టచ్‌లో ఉండడం కోసం, సోషల్ మీడియాలో అప్‌డేటెడ్‌గా ఉండడానికి మాత్రమే ఫేస్‌బుక్ ఉపయోగించండి. ఇతరులను అవమానపరిచే పోస్టులకు లైకులు, కామెంట్లు కొట్టకండి. అలాగే అందరికీ తెలిసేలా ఫోన్ నెంబర్లు, చిరునామా, ఫొటోలు ఫేస్‌బుక్‌లో పెట్టొద్దు. అది చాలా ప్రమాదం.

లావాదేవీలు ..

ఫేస్‌బుక్ ద్వారా పరిచయమైన వ్యక్తులతో లావాదేవీలు జరుపడం, విందులు, వినోదాలకు వెళ్లడం చేయకండి.ఫేస్‌బుక్‌లో ఉండే సెట్టింగులను వాడండి. అవి మీ ప్రైవసీని కాపాడుతాయి. తరచుగా మీ పాస్‌వర్డ్ మారుస్తూ ఉండండి. హ్యాకర్లకు చిక్కకుండా ఉంటారు.

టైం..

ఫేస్‌బుక్ చూడడానికి, కామెంట్లకు, మెసేజ్‌లకు రిైప్లె ఇవ్వడానికి ఒక టైం నిర్ణయించుకోండి. ఎక్కువ టైం ఫేస్‌బుక్ వాడడం వల్ల మీ సమయమే కాదు, ఆరోగ్యం కూడా పాడవుతుంది. వీలయినంతవరకు దూరంగా ఉండేందుకే ప్రయత్నించండి.

ఎంత జాగ్రత్తగా ఉంటే అంత మంచిది..

ఆడ, మగ ఇద్దరూ ఇప్పుడు సోషల్ మీడియాలో చాలా బిజీ అయిపోయారు. ఆ బిజీలో వారు ఏం చేస్తున్నారో తెలుసుకోకుండా ఆ మాయలో చిక్కుకుని అనుకోని సంఘటనల ఫలాన్ని అనుభవిస్తున్నారు. వీటివల్ల అమ్మాయిలు ఎంత నష్టపోతున్నారో, అబ్బాయిలు కూడా అంతే నష్టపోతున్నారు.వారు ఎంత జాగ్రత్తగా ఉంటే అంత మంచిది.