పసికందును ఉరివేసి చంపేసాడు, ఫేస్‌బుక్‌లో వీడియో హల్‌చల్

సామూహిక అత్యాచారాన్ని ప్రత్యక్ష ప్రసారం చేసారు..

ఇటీవల స్విడెన్ రాజధాని స్టాక్‌హోమ్‌లో ముగ్గురు యువకులు ఒక మహిళ పై సామూహిక అత్యాచారానికి పాల్పడ్డారు. అత్యాచార దృశ్యాలను వారు ఒక ఫేస్‌బుక్ గ్రూప్ పేజీలో కూడా లైవ్‌స్ట్రీమ్ చేసారు. ఈ ఘటన కూడా సోషల్ మీడియా ప్రపంచాన్ని షాక్‌కు గురిచేసింది.

అతికిరాతకంగా చంపుతూ..

అమెరికాకు చెందిన ఓ నరరూప రాక్షసుడు ఓ వృద్ధుడ్ని అతికిరాతకంగా చంపుతూ ఆ దృశ్యాలను ఫేస్‌బుక్‌లో ప్రత్యక్ష ప్రసారం చేసాడు. అంతేకాకుండా, తాను పోలీసులకు పట్టబడేందుకు వరకు ఇలాంటి హత్యలు చేస్తూనే ఉంటానని హెచ్చరిక కూడా చేసాడు. ఇవన్నీ చూస్తుంటే సోషల్ మీడియాను ఏవిధంగా వాడుకుంటున్నారో కూడా మనకు అర్థమవుతుంది.

మితిమీరిన సోషల్ మీడియా వినియోగం..

మితిమీరిన సోషల్ మీడియా వినియోగం మానవ బంధాలను తుంచేస్తోంది. ఇద్దరు మిత్రుల మధ్య మనస్పర్థలు తలెత్తి ఒకరినొకరు చంపుకోటానికి సోషల్ మీడియా కారణమయ్యిందంటే, నేటి జీవితాల్లో సామాజిక మాధ్యమాలు ఏ మేరకు ప్రభావం చూపుతుందో అర్ధం చేసుకోవచ్చు.

ప్రియురాలు పెడుతున్న పోస్ట్‌లకు మనస్థాపానికి గురై...

ఫేస్‌బుక్‌లో తన ప్రియురాలు పెడుతున్న పోస్ట్‌లకు మనస్థాపానికి గురైన ప్రియుడు అమెను హతమర్చాడు. కామెరియోలోని సెంట్రల్ మౌంటెన్ టౌన్‌లో ఈ ఘటన చోటు చేసుకుంది.

తల్లిదండ్రులు మందలించినందుకు ఆత్మహత్య చేసుకుంది...

ఫేస్‌బుక్ వినియోగించరాదని తల్లిదండ్రులు హుకం జారీచేయటంతో మనస్తాపానికి గురైన మహారాష్ట్రాకు చెందిన 17 సంవత్సరాల యువతి ఆత్మహత్యకు పాల్పడింది.

ఫ్రెండ్ రిక్వెస్ట్ పెట్టినందుకు 10 రోజులు జైలు

2007లో డైలాన్ ఒస్బోర్న్ అనే వ్యక్తి భార్య పై వేధింపులకు పాల్పడిన నేపధ్యంలో మేజిస్ట్రేట్ అతనిని మందలించి ఆమెతో మాట్లాడరాదంటూ ఆదేశాలు జారీ చేసింది. ఈ నేపధ్యంలో డైలాన్ ఒస్బోర్న్ యాధృచికంగా తన భార్యకు ‘ఫేస్‌బుక్ ఫ్రెండ్ రిక్వెస్ట్' పెట్టాడు. ఈ చర్యకు భయపడిన ఆమె పోలీసులను ఆశ్రయించటంతో డైలాన్ ఒస్బోర్న్‌ను 10 రోజులు జైల్లో ఉంచారు.

కన్నం వేసిన ఇంట్లోనే ఫేస్‌బుక్ ఓపెన్ చేసి..

జోనాథన్ జి.పార్కర్ అనే నేరస్థుడు, తాను నేరానికి పాల్పిన ఇంట్లోని వ్యక్తికి సంబంధించిన కంప్యూటర్‌లో ఫేస్‌బుక్ అకౌంట్‌లో లాగినై, లాగ్ అవుట్ చేయటం మర్చిపోయాడు. పోలీసులకు ఇదే పెద్ద ఆధారమై నేరస్థుడిని పట్టించింది.

జంతువులను హింసించిన దృశ్యాలను ఫేస్‌బుక్ పోస్ట్ చేసినందుకు

అమెరికాకు చెందిన వనీసా స్టార్ ఇంకా అలెగ్జాండర్ డేనియల్ దంపతులు జంతు సంరక్షణా చట్టాన్నిఉల్లంగిస్తూ జంతువులను హింసించిన దృశ్యాలను ఫేస్‌బుక్ పోస్ట్ చేసినందుకు గాను జైలు ఊచలు లెక్కపెట్టాల్సి వచ్చింది.

మాజీ భర్తను ఉగ్రవాదిగా పోల్చినందుకు..

నైజీరియాకు చెందిన ఓ 23 ఏళ్ల యువతి తన మాజీ భర్తను నైజీరియాకు చెందిన ఉగ్రవాదిగా అభివర్ణిస్తూ ఫేస్‌బుక్‌లో ఓ ఫోటోను పోస్ట్ చేసింది. దింతో సదురు వ్యక్తి పోలీసులను ఆశ్రయించాల్సి వచ్చింది.