ఇకపై పాస్‌వర్డ్‌లు చెబితేనే అమెరికా వీసా

పలు మార్గదర్శకాలు

ఇక నుంచి అమెరికా వచ్చే వారి వివరాలు చాలా క్షుణ్ణంగా పరిశీలించాలని ట్రంప్‌ అన్ని దేశాల రాయబార కార్యాలయానికి ఇప్పటికే ఆదేశాలు పంపించిన విషయం తెలిసిందే. దీని ప్రకారం పలు మార్గదర్శకాలు వారికి సూచించినట్లు తెలిసింది.

పాస్‌వర్డ్‌లు

ఇందులో భాగంగా ఇక నుంచి తమ దేశానికి వచ్చే వారు తాము ఉపయోగిస్తున్న సామాజిక అనుసంధాన వేదికల వివరాలు, వాటి పాస్‌వర్డ్‌లు కచ్చితంగా వీసాకు ముందు ధృవపత్రాలను తనిఖీ చేసే అధికారులకు కచ్చితంగా చెప్పాలని కోరనున్నారు.

కఠిన నిబంధనలు

ముఖ్యంగా ఇప్పటికే నిషేధం విధించిన ప్రధాన ముస్లిం దేశాల నుంచి వచ్చే వారి విషయంలో ఈ కఠిన నిబంధనలు అమలుచేయాలని భావిస్తున్నారు.

అవి ఇస్తేనే వీసాకు అనుమతి

మేం నిషేధం విధించిన దేశాల వారిని రాకుండా ఆపడం కష్టం కావొచ్చు.. ఒక వేళ వారు వస్తే కచ్చితంగా ఈ వివరాలు మాత్రం అడుగుతాం. అవి ఇస్తేనే వీసాకు అనుమతిస్తామని అమెరికా అంతర్గత రక్షణ వ్యవహారాల కార్యదర్శి జాన్‌ కెల్లీ తెలిపారు.

ఎలాంటి వెబ్‌సైట్‌లు చూస్తున్నారనే విషయం

అవిస్తే వారు ఎలాంటి వెబ్‌సైట్‌లు చూస్తున్నారనే విషయం మాకు తెలుస్తుంది. ఒక​వేళ వాళ్లు పాస్‌ వర్డ్స్‌ చెప్పకుంటే అమెరికాలోకి ఎంట్రీ లేదని ఆయన తెలిపారు.