యజమాని ప్రాణాన్ని కాపాడిన స్మార్ట్ డాగ్, వైరల్ వీడియో ఇదే !

చైనాకు చెందిన ఓ వ్యక్తి..

చైనాకు చెందిన ఓ వ్యక్తి తన ఎలక్ట్రిక్‌ స్కూటర్‌ని చార్జింగ్‌ పెట్టి కూతురితో మాటల్లో మునిగిపోయాడు.

స్కూటర్‌ నుంచి పొగలు

కాసేపటి తర్వాత స్కూటర్‌ నుంచి పొగలు రావడంతో పక్కనే ఉన్న పెంపుడు కుక్క అరవడం మొదలు పెట్టింది.

చూద్దామని దగ్గరికి వెళ్లేలోపే

అసలేం జరిగిందో చూద్దామని దగ్గరికి వెళ్లేలోపే ఇళ్లంతా పొగలు వ్యాపించేశాయి. కొన్ని క్షణాల్లోనే స్కూటర్‌ పేలి పోయింది.

కూతురుని తీసుకుని ..

అయితే అప్పటికే అప్రమత్తమైన ఆ వ్యక్తి కూతురుని తీసుకుని దూరంగా పరిగెత్తడంతో పెద్ద ప్రమాదం తప్పింది.

స్మార్ట్‌ డాగ్‌

పొగ రావడంతో స్మార్ట్‌ డాగ్‌ ప్రమాదాన్నిముందే పసిగట్టిందని, అందుకే ఆ తండ్రీకూతుళ్లు ప్రమాదం నుంచి తప్పించుకున్నారంటూ నెటిజన్లు పెట్‌ డాగ్‌ను ప్రశంసిస్తున్నారు.

స్కూటర్ కాలి బూడిద

స్కూటర్ మంటల్లో చిక్కుకుని కాలి బూడిదైంది. వెంటనే అప్రమత్తమైన పోలీసులు, ఫైర్ సేఫ్టీ అధికారులు పరిస్థితిని చక్కదిద్దారు.

రెండు వారాల క్రితం

ఆ స్కూటర్‌ను రెండు వారాల క్రితం ఆన్ లైన్ లో కొన్నామని.. ఆరు నుంచి 12 గంటల పాటు చార్జింగ్ పెట్టాలని అమ్మిన వ్యక్తి తెలపడంతోనే తాము చార్జింగ్ పెట్టామని ఆ కుటుంబం తెలిపింది.

ప్రాణాలతో సురక్షితంగా

ఇంతలో ఇంత పెద్దప్రమాదం జరుగుతుందని ఊహించలేదని భగవంతుడి దయవల్ల ప్రాణాలతో సురక్షితంగా బయటపడ్డామని ఆ కుటుంబం తెలిపింది.

వీడియో సోషల్‌ మీడియాలో వైరల్‌

ఈ ఘటనకు సంబంధించిన వీడియో సోషల్‌ మీడియాలో వైరల్‌గా మారడంతో వెలుగులోకి వచ్చింది. అప్‌లోడ్‌ అయిన 11 గంటల్లోపే 60 వేల మంది ఈ వీడియోను వీక్షించారు.