తక్కువ ధరలో ట్యాబ్లెట్ కోసం చూస్తున్నారా.. 11 అంగుళాల డిస్‌ప్లే, 7040mAh బ్యాటరీ, 4 స్పీకర్లు..!

ప్రముఖ సంస్థ మోటోరోలా భారత్‌ మార్కెట్‌ లో గత నెలలో బడ్జెట్ ట్యాబ్లెట్‌ను తీసుకొచ్చింది. మోటో ప్యాడ్ 60 నియో (Moto Pad 60 Neo Tablet) పేరుతో విడుదల చేసింది. ఈ ట్యాబ్లెట్‌ 11 అంగుళాల డిస్‌ప్లే, 7040mAh బ్యాటరీని కలిగి ఉంది. ఈ ప్యాడ్ స్టైలస్‌ను కూడా సపోర్టు చేస్తుంది. ఈ ట్యాబ్లెట్ విడుదల అయిన కేవలం నెల వ్యవధిలోనే డిస్కౌంట్ ధరకు అందుబాటులోకి వచ్చింది. మోటో ప్యాడ్‌ పూర్తి స్పెసిఫికేషన్‌లు, ఫీచర్లు, సేల్‌ వివరాలు.

రూ.2 వేల డిస్కౌంట్ :
మోటో ప్యాడ్‌ 60 నియో ట్యాబ్లెట్‌ విడుదల సమయంలో 8GB ర్యామ్‌ + 128GB స్టోరేజీ (Wi-Fi + 5G) వేరియంట్ ధర రూ.17999 గా ఉండేది. ప్రస్తుతం ఫ్లిప్‌కార్ట్‌ లో రూ.2 వేల డిస్కౌంట్‌తో అందుబాటులో ఉంది. అంటే రూ.15999 కే కొనుగోలు చేయవచ్చు.

10 శాతం అదనపు డిస్కౌంట్‌ :
ఈ మోటో ట్యాబ్లెట్‌ ను ఎంపిక చేసిన బ్యాంకు కార్డులపై 10 శాతం అదనపు డిస్కౌంట్‌ ను పొందవచ్చు. ఇదే ధరకు మోటోరోలా ఇండియా వెబ్‌సైట్‌ లో లభిస్తున్నాయి. అయితే ప్రస్తుతం Out Of Stock గా ఉంది. ఈ ట్యాబ్లెట్‌ ఫాంటోన్‌ గ్రీన్ కలర్‌ వేరియంట్‌ లో లభిస్తుంది.

మోటో ప్యాడ్‌ 60 నియో ట్యాబ్లెట్ స్పెసిఫికేషన్‌లు, ఫీచర్‌లు :
మోటో ప్యాడ్‌ 60 నియో ట్యాబ్లెట్ 90Hz రీఫ్రెష్‌ రేట్‌ తో 11 అంగుళాల 2.5K IPS డిస్‌ప్లేను కలిగి ఉంది. ఈ డిస్‌ప్లే 500 నిట్స్ పీక్‌ బ్రైట్‌నెస్‌, 10 పాయింట్‌ మల్టీ టచ్‌ సపోర్టుతో అందుబాటులో ఉంది. దీంతోపాటు ఈ డిస్‌ప్లే TUV Rheninland సర్టిఫికేషన్‌ను కలిగి ఉంది.

మీడియాటెక్‌ ప్రాసెసర్ :
ఈ ట్యాబ్లెట్‌ మీడియాటెక్ డైమెన్సిటీ 6300 ప్రాసెసర్‌ ను కలిగి ఉంది. ఈ ప్రాసెసర్‌ 8GB ర్యామ్ LPDDR4x ర్యామ్, 128GB UFS 2.2 స్టోరేజీతో జతచేసి ఉంది. ఈ మోటో ప్యాడ్ Arm Mali G57 MC2 GPU కూడా ఉంది. మైక్రో SD కార్డుతో 2TB వరకు స్టోరేజీని పెంచుకోవచ్చు. ఆండ్రాయిడ్ 15 ఆధారిత OS పైన పనిచేస్తోంది.

7040mAh బ్యాటరీ :
కెమెరా విభాగం పరంగా వెనుక వైపు 8MP కెమెరా, ముందు వైపు 5MP సెల్ఫీ కెమెరాను కలిగి ఉంది. ఈ ట్యాబ్లెట్‌ 20W వైర్ ఛార్జింగ్ సపోర్టుతో 7040mAh బ్యాటరీని కలిగి ఉంది. మోటో ప్యాడ్‌ 60 నియో ట్యాబ్లెట్ పెన్‌ స్టైలస్‌ ను కూడా సపోర్టు చేస్తుంది.

నాలుగు స్పీకర్లు :
ఈ మోటోరోలా ట్యా్బ్లెట్‌ మెరుగైన ఆడియో కోసం డాల్బీ అట్మాస్‌ సపోర్టుతో నాలుగు స్పీకర్‌లను అమర్చి ఉంటుంది. Wi-Fi 5, బ్లూటూత్‌ 5.2, GPS, IP52 రేటింగ్‌ తో డస్ట్, స్ల్పాష్‌ రెసిస్టెంట్‌ గా ఉంది. యాక్సెలిరోమీటర్‌, యాంబియంట్‌ లైట్‌ సెన్సర్‌, హాల్‌ సెన్సర్‌ ను కలిగి ఉంది.