బడ్జెట్‌ ధరలో ట్యాబ్లెట్‌ కోసం చూస్తున్నారా.. 11 అంగుళాల డిస్‌ప్లే, 9340mAh బ్యాటరీతో వన్‌ప్లస్‌ ప్యాడ్‌ లైట్‌

వన్‌ప్లస్‌ ఈ సంవత్సరం జులై నెలలో బడ్జెట్‌ ట్యాబ్లెట్‌ వన్‌ప్లస్‌ ప్యాడ్‌ లైట్‌ ను ( OnePlus Pad Lite Tablet price drop ) లాంచ్‌ చేసింది. బడ్జెట్ ధరలో అందుబాటులోకి వచ్చినా 11 అంగుళాల డిస్‌ప్లే. 9340mAh భారీ బ్యాటరీ సహా అనేక మెరుగైన ఫీచర్‌ లను కలిగి ఉంది. ప్రస్తుతం అమెజాన్‌ లో ఈ ట్యాబ్లెట్‌ ను డిస్కౌంట్ ధరకు అందుబాటులో ఉంది. బ్యాంకు కార్డులతోనూ అదనపు తగ్గింపును పొందవచ్చు. ఈ వన్‌ప్లస్‌ ట్యాబ్లెట్‌ స్పెసిఫికేషన్‌లు, ఫీచర్‌ లు, డిస్కౌంట్‌ పూర్తి వివరాలు.

వన్‌ప్లస్‌ ప్యాడ్‌ లైట్‌ డిస్కౌంట్‌ ఆఫర్‌ వివరాలు :
భారత్‌ మార్కెట్‌ లో విడుదల సమయంలో వన్‌ప్లస్‌ ప్యాడ్‌ లైట్‌ ట్యాబ్లెట్ 6GB ర్యామ్‌ + 128GB స్టోరేజీ ( WiFi ) వేరియంట్ ధర రూ.15999, 8GB ర్యామ్‌ + 128GB స్టోరేజీ (WiFi + 4G LTE) ధర రూ.17999 గా ఉండేది. ప్రస్తుతం అమెజాన్‌ లో డిస్కౌంట్ ధరకు కొనుగోలు చేయవచ్చు.

రూ.14999 ధరకే వన్‌ప్లస్ ట్యాబ్లెట్‌ :
అమెజాన్‌ లో ప్రస్తుతం ఈ ట్యాబ్లెట్‌ ధరలు రూ.14999. రూ.16999 గా ఉంది. ఎంపిక చేసిన బ్యాంకు కార్డులపై అదనపు డిస్కౌంట్‌ ను కూడా అందిస్తోంది. ఫలితంగా మరింత తగ్గింపు ధరకే కొనుగోలు చేయవచ్చు. బడ్జెట్‌ ధరలో లేటెస్ట్‌ ట్యాబ్లెట్స్‌ కోసం చూస్తుంటే ఈ ప్యాడ్‌ మీకు మంచి ఆప్షన్ అయ్యే అవకాశం ఉంది. ఈ ట్యాబ్లెట్‌ ఏరో బ్లూ కలర్‌ వేరియంట్‌ లో అందుబాటులో ఉంది.

వన్‌ప్లస్‌ ప్యాడ్ లైట్ ట్యాబ్లెట్‌ స్పెసిఫికేషన్‌లు, ఫీచర్‌ల వివరాలు :
వన్‌ప్లస్‌ ప్యాడ్ లైట్ ట్యాబ్లెట్‌ 11 అంగుళాల HD+ (1920 x 1200 పిక్సల్స్‌) 10 బిట్‌ LCD డిస్‌ప్లేను కలిగి ఉంది. ఈ డిస్‌ప్లే 90Hz రీఫ్రెష్‌ రేట్‌, 500 నిట్స్‌ పీక్ బ్రైట్‌నెస్‌, 180Hz టచ్‌ శాంప్లింగ్ రేట్‌ ను కలిగి ఉంది. ఈ డిస్‌ప్లే Low Blue లైట్‌, ఫ్లిక్కర్‌ ఫ్రీ తో కూడిన TUV Rheinland సర్టిఫికేషన్‌లను కలిగి ఉంది.

మీడియాటెక్‌ చిప్‌సెట్‌, భారీ బ్యాటరీ :
వన్‌ప్లస్‌ ప్యాడ్ లైట్ మీడియాటెక్ హీలియో G100 SoC ప్రాసెసర్‌ ను కలిగి ఉంది. ఆండ్రాయిడ్ 15 ఆధారిత OxygenOS 15.0.1 పైన పనిచేస్తోంది. ఈ ట్యాబ్లెట్‌ 33W SuperVOOC ఛార్జింగ్ సపోర్టుతో 9340mAh బ్యాటరీని కలిగి ఉంది. సింగిల్‌ ఛార్జింగ్‌ తో 54 రోజుల స్టాండ్‌బై టైం ఇస్తుందని వన్‌ప్లస్‌ చెబుతోంది.

కెమెరాల వివరాలు :
ఈ వన్‌ప్లస్‌ ట్యాబ్లెట్ కెమెరా విభాగం పరంగా వెనుక వైపు 5MP కెమెరా, ముందు వైపు 5MP సెల్ఫీ కెమెరాతో అందుబాటులో ఉంది. Hi-Res ఆడియోతో క్వాడ్ స్పీకర్‌ లను కలిగి ఉంది. సెక్యూరిటీ కోసం ఫేస్‌ రికగ్నైజేషన్‌ ఫీచర్‌ ను కలిగి ఉంది. వైఫై, బ్లూటూత్‌ 5.4, USB-C ఛార్జింగ్‌ పోర్టును కలిగి ఉంది.