వన్ ప్లస్ కొత్త టాబ్లెట్ ప్రీ ఆర్డర్ సేల్ తేదీ విడుదలైంది! ఆఫర్లు, స్పెసిఫికేషన్లు

వన్ ప్లస్ సంస్థ యొక్క వన్ ప్లస్ ప్యాడ్ ఆండ్రాయిడ్ టాబ్లెట్ యొక్క ప్రీ-ఆర్డర్ లు ఏప్రిల్‌ లో మొదలు కాబోతున్నాయి. అయితే అధికారిక ప్రమోషన్ పోస్టర్లు మరియు వీడియోలలో సమాచారం ప్రకారం, ఈ టాబ్లెట్ ఏప్రిల్ 10 నుండి వినియోగదారులకు ప్రీ-ఆర్డర్ లకు అందుబాటులో ఉంటుంది, అని తెలుస్తోంది.

ఇంకా, ఈ పరికరాన్ని ముందస్తు ఆర్డర్ చేసిన కస్టమర్‌లు "అద్భుతమైన" బహుమతిని కూడా పొందుతారు అని సంస్థ ప్రకటించింది. అయితే, ఈ ప్రమోషనల్ ఇమేజ్ ఎంపిక చేసిన దేశాలలోని కస్టమర్‌లను లక్ష్యంగా చేసుకున్నట్లు కనిపిస్తోంది, అయితే భారతదేశానికి సంబంధించిన వివరాలు అస్పష్టంగా ఉన్నాయి. దీనిపై అధికారికంగా వన్ ప్లస్ ఇంకా వన్ ప్లస్ ప్యాడ్ ధరను కూడా వెల్లడించలేదు.

వన్ ప్లస్ ఇండియా కూడా ఇదే విధమైన ఆఫర్‌ను ప్రకటిస్తే, కస్టమర్‌లు బహుమతులు (లేదా వన్ ప్లస్ వివరించిన విధంగా అద్భుతమైన బహుమతి) గెలుచుకోవడానికి "డిపాజిట్" చెల్లించడం ద్వారా ముందస్తు ఆర్డర్ చేయాల్సి ఉంటుంది. ఈ ప్రీ-ఆర్డర్‌లు మరియు లభ్యతపై ఎప్పటికప్పుడు తాజా సమాచారం పొందడానికి అధికారిక వెబ్ సైట్ లో "నోటిఫై" ఆప్షన్ పై క్లిక్ చేయవచ్చు.

ఇంకా, వన్ ప్లస్ ఇండియా వెబ్‌సైట్ లో ప్రారంభ వన్ ప్లస్ ప్యాడ్ కస్టమర్‌లు గూగుల్ వన్ 6 నెలల సభ్యత్వాన్ని ఉచితంగా పొందుతారని పేర్కొంది. ఈ సబ్‌స్క్రిప్షన్‌తో, వినియోగదారులు పరిమిత సమయం వరకు 100GB ఉచిత క్లౌడ్ నిల్వను కూడా ఆస్వాదించవచ్చు. వన్ ప్లస్ ప్యాడ్ ధర ఇంకా వెల్లడించలేదు. కొన్ని లీక్‌ల ప్రకారం ఈ టాబ్లెట్ ధర రూ. 30,000 లోపు ఉండవచ్చని సూచిస్తున్నాయి.

ఈ అంచనా ధర నిజమైతే, షియోమీ ప్యాడ్ 5, శాంసంగ్ గెలాక్సీ ట్యాబ్ A8 మరియు లెనోవో టాబ్లెట్‌ల వంటి కొన్ని ప్రముఖ ఆండ్రాయిడ్ టాబ్లెట్‌లతో ఇది పోటీపడుతుంది. ఇంకా ఈ వన్ ప్లస్ ప్యాడ్ యొక్క పూర్తి స్పెసిఫికేషన్‌లు కూడా ఇప్పటికే లీక్ అయ్యాయి. ఆన్లైన్ లో లీక్ అయిన పూర్తి స్పెసిఫికేషన్‌ల వివరాలను ఇప్పుడు ఇక్కడ తెలుసుకుందాం.

వన్ ప్లస్ ప్యాడ్ 144Hz రిఫ్రెష్ రేట్ మరియు 88 శాతం స్క్రీన్-టు-బాడీ రేషియోతో 11.6-అంగుళాల LCD డిస్‌ప్లేను కలిగి ఉంది. ఇది కేవలం 552 గ్రాముల బరువు మరియు 6.5mm మందం కలిగి ఉంటుంది. ఆండ్రాయిడ్ టాబ్లెట్ సింగిల్ గ్రీన్ కలర్ ఆప్షన్‌లో మాత్రమే అందుబాటులో ఉంది.

ఇంకా, ఇది రెండు స్టోరేజ్ ఆప్షన్‌ల మధ్య ఎంచుకోవడానికి కస్టమర్‌లకు అందుబాటులో ఉంటుంది. బేస్ మోడల్‌లో 8GB RAM మరియు 128GB స్టోరేజ్ ఉంది మరియు టాప్ ఆప్షన్‌లో 12GB RAM మరియు 256GB స్టోరేజ్ ఉన్నాయి. కంపెనీ వేగవంతమైన మరియు మృదువైన పనితీరును అందించడానికి LPDDR5 RAM టెక్ మరియు UFS 3.1 నిల్వను కలిగి ఉంది. ఇది ఆండ్రాయిడ్ ఆధారిత ఆక్సిజన్ OS 13.1తో మార్కెట్లోకి రాబోతోంది.

ఇది మీడియా టెక్ డైమెన్సిటీ 9000 SoC ప్రాసెసర్ ద్వారా పనిచేస్తుంది. వన్ ప్లస్ దాని ప్రీమియం పరికరాల కోసం ప్రత్యర్థి సంస్థ క్వాల్కమ్ ద్వారా SoC లపై (చిప్-ఆన్-సిస్టమ్) ఆధారపడుతుంది కాబట్టి మీడియా టెక్ చిప్‌సెట్ కూడా ఒక ఆసక్తికరమైన ఎంపిక. ఇందులో 65W సూపర్ ఊక్ ఛార్జింగ్ టెక్‌కు మద్దతుతో 9510mAh బ్యాటరీ ని కూడా కలిగి ఉంది.

ఇక వెనుక వైపు ప్యానెల్లో EIS మద్దతుతో 13-మెగాపిక్సెల్ కెమెరాను కలిగి ఉంది. ఇది 30fps వద్ద 4K వీడియోలను రికార్డ్ చేయగలదు. అలాగే, 30fps వద్ద పూర్తి HD రికార్డింగ్‌కు మద్దతుతో ముందు భాగంలో 8-మెగాపిక్సెల్ కెమెరా ఉంది. ఇందులో 3.5mm ఆడియో జాక్ లేదు. ఈ వన్ ప్లస్ ప్యాడ్ Wi Fi వేరియంట్‌ను మాత్రమే కలిగి ఉంది. ప్రస్తుతానికి LTE వేరియంట్ అందుబాటులో ఉండదు, భవిష్యత్తులో లాంచ్ అయ్యే అవకాశం ఉంది.