మూడు సంవత్సరాల తర్వాత ఈ సంస్థ నుంచి కొత్త ట్యాబ్లెట్‌.. విడుదల తేదీ వెల్లడి.. పూర్తి వివరాలు..!

రెడ్‌మి ప్యాడ్‌ 2 ట్యాబ్లెట్‌ (Redmi Pad 2) ఇప్పటికే కొన్ని దేశాల్లో అందుబాటులోకి వచ్చింది. త్వరలో భారత్‌ మార్కెట్‌ లోనూ విడుదల కానుంది. షియోమీ తాజా ప్రకటన ఆధారంగా ఈ ప్యాడ్‌ భారత్‌ లో జూన్‌ 18 వ తేదీన అందుబాటులోకి రానుంది. రెడ్‌మి ప్యాడ్‌ 2 వైఫై, సెల్యూలర్‌ వేరియంట్స్‌ లో విడుదల చేస్తున్నట్లు సంస్థ తెలిపింది. ప్రస్తుతం ఉన్న వివరాల ఆధారంగా స్లీక్‌ మెటల్‌ బాడీని కలిగి ఉంటుంది. ఇప్పటికే ఈ ట్యా్బ్లెట్‌ కు సంబంధించిన అనేక వివరాలు లీక్ అయ్యాయి.

ఎప్పుడు విడుదల కానుంది? :
భారత్‌ మార్కెట్‌లో రెడ్‌మి ప్యాడ్ ట్యాబ్లెట్‌ 2022 సంవత్సరంలో విడుదల అయింది. సుమారు సంవత్సరాల తర్వాత జూన్‌ 18 న రెడ్‌మి ప్యాడ్‌ 2 విడుదల అవుతోంది. తాజాగా ఈ ట్యాబ్లెట్‌ కు సంబంధించిన అనేక వివరాలు వెల్లడయ్యాయి. ఈ రెడ్‌మి ట్యాబ్లెట్‌ స్టైలస్‌ ను కూడా సపోర్టు చేస్తుంది.

డ్‌మి ప్యాడ్‌ 2 డిస్‌ప్లే అంచనా వివరాలు :
ఈ రెడ్‌మి ప్యాడ్‌ 2 ట్యాబ్లెట్‌ 90Hz రీఫ్రెష్‌ రేట్‌ తో 11 అంగుళాల 2.5K డిస్‌ప్లేతో పనిచేసే అవకాశం ఉంది. దీంతోపాటు యూరప్‌ లిస్టింగ్ ఆధారంగా ఈ ట్యాబ్లెట్ డిస్‌ప్లే 600 నిట్స్‌ బ్రైట్‌నెస్‌ తో డిస్‌ప్లేను కలిగి ఉంటుంది.

చిప్‌సెట్‌, కెమెరా వివరాలు :
ఈ ట్యాబ్లెట్‌ మీడియాటెక్‌ హీలియో G100 అల్ట్రా SoC చిప్‌సెట్‌ తో పనిచేస్తుందని తెలుస్తోంది. దీంతోపాటు ఈ ట్యాబ్లెట్‌ వెనుక వైపు 8MP కెమెరాను కలిగి ఉంటుంది. సెల్ఫీ, వీడియో కాల్స్‌ కోసం 5MP కెమెరాను కలిగి ఉంటుందని తెలుస్తోంది.

భారీ బ్యాటరీ..! :
రెడ్‌మి ప్యాడ్‌ 2.. 18W ఛార్జింగ్‌ సపోర్టుతో 9000mAh బ్యాటరీతో పనిచేస్తుందని సమాచారం. USB-C ఛార్జింగ్ పోర్టుతోపాటు 3.5mm హెడ్‌ఫోన్స్‌ జాక్‌ను కూడా కలిగి ఉంటుందని తెలుస్తోంది. మెరుగైన ఆడియో కోసం క్వాడ్‌ స్పీకర్‌లను కలిగి ఉంటుంది. ఈ ట్యాబ్లెట్ 4G కనెక్టివిటీ మోడల్‌ లో లభిస్తుంది.

రెడ్‌మి ప్యాడ్‌ 2 ట్యాబ్లెట్‌ ధర వివరాలు! :
యూరోపియన్‌ లిస్టింగ్ ఆధారంగా రెడ్‌మి ప్యాడ్‌ 2 (వైఫై) 4GB ర్యామ్ + 128GB స్టోరేజీ వేరియంట్ ధర రూ.19395 గా ఉండే అవకాశం ఉంది. అదే 8GB ర్యామ్ + 256GB స్టోరేజీ 4G వేరియంట్ ధర రూ.22320 గా ఉండే అవకాశం ఉంది.

భారత్ మార్కెట్‌ లో విడుదల అనంతరం రెడ్‌మి ప్యాడ్‌ 2 ట్యాబ్లెట్‌ ను mi.com తోపాటు అమెజాన్‌, ఫ్లిప్‌కార్ట్‌, ఆఫ్‌లైన్‌ రిటైల్‌ స్టోర్‌ల ద్వారా కొనుగోలు చేసేందుకు అందుబాటులో ఉంటాయి. గ్లోబల్‌ టీజర్‌ ఆధారంగా రెడ్‌మి ప్యా్డ్‌ 2 ట్యాబ్లెట్‌ మింట్‌ గ్రీన్‌, గ్రే కలర్‌ వేరియంట్స్‌ లో విడుదల అవుతుంది. అయితే వైఫై వేరియంట్ మొత్తంగా మూడు కలర్‌ వేరియంట్స్‌ లో లభిస్తుంది. ఇందులో వైలెట్‌, గ్రే, గ్రీన్‌ ఆప్షన్‌ లో అందుబాటులో ఉంటుంది.