Samsung నుంచి తక్కువ ధరలో రెండు టాబ్లెట్ లు లాంచ్! వివరాలు

శాంసంగ్ నుంచి కొత్తగా రెండు టాబ్లెట్ లు Samsung Galaxy Tab A9 మరియు Galaxy Tab A9+ లు భారతదేశంలో ఎటువంటి ఆర్భాటం లేకుండా విడుదల చేయబడ్డాయి. తాజా గెలాక్సీ A సిరీస్ టాబ్లెట్‌లు ఆండ్రాయిడ్ 13 OS తో OneUI 5.1.1తో పనిచేస్తాయి. మరియు Wi-Fi మాత్రమే మరియు Wi-Fi + 5G వేరియంట్‌లలో ఈ టాబ్లెట్ లు లాంచ్ చేశారు.

గెలాక్సీ ట్యాబ్ A9, మీడియా టెక్ హీలియో G99 SoCతో అందించబడుతుంది. అయితే గెలాక్సీ ట్యాబ్ A9+ స్నాప్‌డ్రాగన్ 695 SoC ప్రాసెసర్ ని కలిగి ఉంది. వనిల్లా మోడల్ 8.7-అంగుళాల డిస్‌ప్లేను కలిగి ఉంది, అయితే గెలాక్సీ ట్యాబ్ A9+ దీనికి విరుద్ధంగా, 11-అంగుళాల డిస్‌ప్లేను కలిగి ఉంది. ఈ రెండు మోడల్స్ కూడా 5,100mAh బ్యాటరీని కలిగి ఉన్నాయి.

భారతదేశంలో శాంసంగ్ గెలాక్సీ ట్యాబ్ A9, గెలాక్సీ ట్యాబ్ A9+ ధర, లభ్యత వివరాలు
శాంసంగ్ యొక్క అధికారిక భారతదేశ వెబ్‌సైట్ లో గెలాక్సీ ట్యాబ్ A9 సిరీస్ ధర మరియు లభ్యత వివరాలను పేర్కొనలేదు. అయితే, అవి ప్రస్తుతం ఈ-కామర్స్ వెబ్‌సైట్ అమెజాన్‌లో జాబితా చేయబడ్డాయి. ఆ వివరాల ప్రకారం, గెలాక్సీ ట్యాబ్ A9 4GB RAM + 64GB స్టోరేజ్ Wi-Fi మాత్రమే వేరియంట్ ధర రూ.12,999. అలాగే. దాని Wi-Fi + 5G వేరియంట్ ధర రూ. 15,999 గా ఉంది.

ఇదిలా ఉండగా, గెలాక్సీ ట్యాబ్ A9+ 8GB RAM + 128GB స్టోరేజీ Wi-Fi-మాత్రమే వేరియంట్ ధర రూ. 20,999. ఇంకా, Wi-Fi + 5G వేరియంట్ ధర వివరాలు ప్రస్తుతం అందుబాటులో లేవు. ఈ రెండు మోడల్ కూడా డార్క్ బ్లూ, గ్రే మరియు సిల్వర్ కలర్ ఆప్షన్‌లలో అందించబడతాయి.

ఈ రెండు శాంసంగ్ టాబ్లెట్‌లు ప్రస్తుతం అమెజాన్ యొక్క గ్రేట్ ఇండియన్ ఫెస్టివల్ 2023 సందర్భంగా కొనుగోలు చేయడానికి అందుబాటులో ఉన్నాయి. SBI క్రెడిట్ కార్డ్‌ల ద్వారా Galaxy A9 సిరీస్ టాబ్లెట్‌లను కొనుగోలు చేసేటప్పుడు, కస్టమర్‌లు రూ.5,000 వరకు తక్షణ తగ్గింపు ఆఫర్ ను కూడా పొందవచ్చు.

Samsung Galaxy Tab A9+ స్పెసిఫికేషన్ల వివరాలు
ఈ టాబ్లెట్ డ్యూయల్ సిమ్ (eSIM + ఫిజికల్ సిమ్) OneUI 5.1.1తో ఆండ్రాయిడ్ 13 తో విడుదలైంది. మరియు ఇది 90Hz రిఫ్రెష్ రేట్‌తో 11-అంగుళాల (1,200 x 1,920 పిక్సెల్‌లు) WQXGA LCD డిస్‌ప్లేను కలిగి ఉంది. ఈ టాబ్లెట్‌లో 8GB వరకు RAM మరియు 128GB ఆన్‌బోర్డ్ స్టోరేజీ తో జత చేయబడిన ఆక్టా-కోర్ స్నాప్‌డ్రాగన్ 695 SoC ప్రాసెసర్ ఉంది. మైక్రో SD కార్డ్ స్లాట్ ద్వారా స్టోరేజీ పెంచుకోవచ్చు.

కెమెరా ఆప్టిక్స్ వివరాలు గమనిస్తే, గెలాక్సీ ట్యాబ్ A9+ ట్యాబ్ 8-మెగాపిక్సెల్ సింగిల్ రియర్ కెమెరా యూనిట్‌తో పాటు 5-మెగాపిక్సెల్ సెల్ఫీ కెమెరాను కలిగి ఉంది. ఇది సరౌండ్ సౌండ్‌కు మద్దతుతో క్వాడ్-స్పీకర్ సెటప్‌ను కలిగి ఉంది. కనెక్టివిటీ ఎంపికలలో 5G, Wi-Fi, బ్లూటూత్ మరియు USB టైప్-సి పోర్ట్ ఉన్నాయి.ఇంకా, 5,100mAh బ్యాటరీ తో ఈ టాబ్లెట్ 305x204x37mm కొలతలు మరియు 510 గ్రాముల బరువు కలిగి ఉంటుంది.

Samsung Galaxy Tab A9 స్పెసిఫికేషన్ల వివరాలు
Samsung Galaxy Tab A9, గెలాక్సీ ట్యాబ్ A9+ మాదిరిగానే SIM మరియు సాఫ్ట్‌వేర్ స్పెసిఫికేషన్‌లను కలిగి ఉంది. ఇది 60Hz రిఫ్రెష్ రేట్‌తో 8.7-అంగుళాల (800x1,340 పిక్సెల్‌లు) LCD WQXGA డిస్‌ప్లేను కలిగి ఉంది. ఇది మీడియా టెక్ హీలియో G99 SoCతో పాటు 4GB RAM మరియు 64GB విస్తరించదగిన స్టోరేజ్‌తో అందించబడింది.

కెమెరా ఆప్టిక్స్ వివరాలు గమిస్తే, గెలాక్సీ ట్యాబ్ A9 ఆటో ఫోకస్‌తో కూడిన 8-మెగాపిక్సెల్ వెనుక కెమెరా మరియు ఫ్రంట్ ఫ్లాష్‌తో కూడిన 2-మెగాపిక్సెల్ ఫ్రంట్ కెమెరాను కలిగి ఉంది. ఈ టాబ్లెట్‌లో డాల్బీ అట్మోస్ సపోర్ట్‌తో AKG ద్వారా డ్యూయల్ స్పీకర్‌లు కలిగి ఉన్నాయి. దీనికి 5,100mAh బ్యాటరీ కూడా ఉంది. దీని కొలతలు 219x29x131.6mm మరియు బరువు 366 గ్రాములు బరువు ఉంది.