10.9 అంగుళాల డిస్‌ప్లే, 8000mAh డిస్‌ప్లేతో శాంసంగ్‌ ట్యాబ్లెట్‌.. సేల్ ప్రారంభం..!

శాంసంగ్‌ ఇటీవల గ్లోబల్‌ మార్కెట్‌ లో లాంచ్‌ చేసిన శాంసంగ్‌ గెలాక్సీ ట్యాబ్‌ S10 లైట్‌ ట్యాబ్లెట్‌ తాజాగా భారత్‌ మార్కెట్లో అందుబాటులోకి వచ్చింది. మిడ్‌ రేంజ్‌ లో ఈ ట్యాబ్లెట్ అందుబాటులోకి వచ్చింది. 10.9 అంగుళాల డిస్‌ప్లేను కలిగి ఉంది. 8000mAh భారీ బ్యాటరీతో అందుబాటులోకి వచ్చింది. ఈ శాంసంగ్ ట్యాబ్లెట్ ఫీచర్లు, ధర, సేల్‌ పూర్తి వివరాలు.

గెలాక్సీ ట్యాబ్‌ S10 లైట్ పూర్తి వివరాలు :
ఈ ట్యాబ్లెట్‌ (Samsung Galaxy Tab S10 Lite) 10.9 అంగుళాల WUXGA TFT డిస్‌ప్లేను కలిగి ఉంది. ఈ డిస్‌ప్లే 600 నిట్స్‌ పీక్‌ బ్రైట్‌నెస్‌ ను కలిగి ఉంది. ఈ డిస్‌ప్లే విజన్‌ బూస్టర్‌ టెక్నాలజీని సపోర్టు చేస్తుంది.

2TB వరకు స్టోరేజీ సపోర్టు :
శాంసంగ్ గెలాక్సీ ట్యాబ్‌ S10 లైట్ Exynos 1380 SoC చిప్‌సెట్‌ తో పనిచేస్తుంది. ఈ చిప్‌సెట్ గరిష్ఠంగా 8GB ర్యామ్, 256GB స్టోరేజీ వేరియంట్‌ తో జతచేసి ఉంది. మైక్రో SD కార్డుతో గరిష్ఠంగా స్టోరేజీని 2TB వరకు పొడిగించుకొనే అవకాశం ఉంది.

8000mAh బ్యాటరీ సపోర్టు :
కెమెరా విభాగం పరంగా ఈ ట్యాబ్లెట్ వెనుక వైపు 8MP కెమెరా, ముందువైపు సెల్ఫీ, వీడియో కాల్స్ కోసం 5MP కెమెరాను అమర్చారు. గెలాక్సీ ట్యాబ్ S10 లైట్‌ స్మార్ట్‌ఫోన్ 8000mAh బ్యాటరీతో పనిచేస్తుంది. అయితే ఛార్జింగ్‌ సపోర్టును వివరాలు తెలియాల్సి ఉంది.

స్టైలస్‌ సపోర్టు :
ఈ ట్యాబ్లెట్‌ S పెన్‌ స్టైలస్‌ ను సపోర్టు చేస్తుంది. స్టైలస్‌ ను ఉచితంగానే అందిస్తోంది. దీంతోపాటు గెలాక్సీ AI కీ తో కూడిన శాంసంగ్ బుక్‌ కవర్ కీబోర్డును కూడా సపోర్టు చేస్తుంది. అయితే ఈ కీబోర్డును ప్రత్యేకంగా కొనుగోలు చేయాల్సి ఉంటుంది.

థర్డ్‌ పార్టీ యాప్‌ సపోర్టు :
ఈ ట్యాబ్లెట్ గుడ్‌ నోట్స్, క్లిప్‌ స్టూడియో పెయింట్‌, లూమాఫ్యాషన్‌, నోషన్, స్కెచ్‌బుక్‌ సహా అనేక థర్డ్‌పార్టీ యాప్స్‌ ను సపోర్టు చేస్తుంది. కనెక్టివిటీ పరంగా 5G, వైఫై 6, బ్లూటూత్ 5.3 వంటి ఫీచర్లను కలిగి ఉంది. ఈ ట్యాబ్లెట్‌ ను సిల్వర్, గ్రే, కొరాల్డ్ కలర్ వేరియంట్స్‌ కొనుగోలు చేయవచ్చు.

శాంసంగ్‌ గెలాక్సీ ట్యాబ్ S10 లైట్‌ ధర, సేల్‌ వివరాలు :
గెలాక్సీ ట్యాబ్లెట్‌ S10 లైట్‌ 6GB ర్యామ్ + 128GB స్టోరేజీ ( వైఫై ) ధర రూ.30,999 గా ఉంది. అదే 8GB ర్యామ్ + 256GB స్టోరేజీ వేరియంట్ ( వైఫై ) ధర రూ.40,999 గా ఉంది.

అదే గెలాక్సీ ట్యాబ్‌ 6GB ర్యామ్ + 128GB స్టోరేజీ 5G వేరియంట్ ధర రూ.35999, 8GB ర్యామ్ + 256GB స్టోరేజీ వేరియంట్ 5G వేరియంట్ ధర రూ.45999 గా ఉంది. శాంసంగ్ ఇండియా వెబ్‌సైట్‌, ఇతర ఇ-కామర్స్‌ వెబ్‌సైట్‌ లు ద్వారా కూడా కొనుగోలు చేయవచ్చు.