Samsung కొత్త టాబ్లెట్ లాంచ్ తేదీ,సేల్ వివరాలు! ధర కూడా విడుదలైంది

ఫ్లిప్‌కార్ట్ బిగ్ బిలియన్ డేస్ సేల్ 2023 అక్టోబర్‌లో ప్రారంభమవుతుంది. ఈ సేల్ లో స్మార్ట్‌ఫోన్‌లు, ఉపకరణాలు, గృహోపకరణాలు, ల్యాప్‌టాప్‌లు మరియు టాబ్లెట్‌లు వంటి అనేక ఎలక్ట్రానిక్ వస్తువులపై వివిధ డీల్‌లు మరియు ఆఫర్‌లను అందిస్తోంది. ఇంకా ఈ సేల్ కొత్త గాడ్జెట్లు మరియు స్మార్ట్ ఫోన్లు,టాబ్లెట్ లు కూడా లాంచ్ అయ్యే అవకాశం ఉంది.

రాబోయే ఈ ఫ్లిప్కార్ట్ సేల్ లో విక్రయానికి ముందు, ఇ-కామర్స్ ప్లాట్‌ఫారమ్ అనేక స్మార్ట్‌ఫోన్‌లు మరియు టాబ్లెట్‌ల ధర వివరాలను టీజ్ చేసింది. Samsung Galaxy Tab S9 FE+, త్వరలో లాంచ్ కానుందని, దాని సేల్ ధరతో పాటు ఫ్లిప్‌కార్ట్‌లో లిస్ట్ చేసినట్లు గుర్తించబడింది.

నివేదిక ప్రకారం, గెలాక్సీ ట్యాబ్ S9 FE+ రాబోయే రోజుల్లో ఫ్లిప్కార్ట్ ద్వారా అమ్మకానికి అందుబాటులో ఉంటుంది. ఈ-కామర్స్ సైట్‌లో ఈ టాబ్లెట్ ధర పరిధిని బహిర్గతం చేసే టీజర్‌ను చూడవచ్చు. దీనితో, భారతదేశంలో గెలాక్సీ ట్యాబ్ S9 FE+ లాంచ్‌ను కంపెనీ ధృవీకరించినట్లు గా కూడా భావించవచ్చు.

నివేదిక ప్రకారం, ఫ్లిప్కార్ట్ సేల్ లో గెలాక్సీ ట్యాబ్ S9 యొక్క ఫ్యాన్ ఎడిషన్ ప్లస్ వేరియంట్‌ను రూ. 3X,XX9. లిస్ట్ చేసారు, అంటే దీని అర్థం ఈ స్మార్ట్‌ఫోన్ ధర రూ. 30,009 మరియు రూ. 39,999 మధ్య ఉండవచ్చు. ఈ టాబ్లెట్ ధర రూ. 40,000 లోపు ఉండవచ్చని అంచనా. ఇంతలో, యూరోపియన్ మార్కెట్‌లలో, గెలాక్సీ ట్యాబ్ S9 FE+ 8GB RAM మరియు 128GB స్టోరేజ్ మోడల్‌కు EUR 749 (దాదాపు రూ. 66,000) ఖర్చవుతుందని మునుపటి నివేదిక సూచించింది.

ఈ టాబ్లెట్‌ల యొక్క రెండు ఫ్యాన్ ఎడిషన్‌లు, గెలాక్సీ ట్యాబ్ S9 FE+ మరియు గెలాక్సీ ట్యాబ్ S9 FE తో గెలాక్సీ ట్యాబ్ S9 సిరీస్‌కి కొత్త చేర్పులు వచ్చాయి. ఈ ఏడాది జూలైలో కంపెనీ గెలాక్సీ ఆన్ ప్యాకెడ్ ఈవెంట్‌లో ప్రారంభించబడింది. ఈ లైనప్‌లో ప్రస్తుతం గెలాక్సీ ట్యాబ్ S9, గెలాక్సీ ట్యాబ్ S9+ మరియు గెలాక్సీ ట్యాబ్ S9 అల్ట్రా ఉన్నాయి.

మునుపటి నివేదికలు ఫ్యాన్ ఎడిషన్ టాబ్లెట్‌ల స్పెసిఫికేషన్‌లలో కొన్నింటిని సూచించాయి. గెలాక్సీ ట్యాబ్ S9 FE+ Exynos 1380 చిప్‌సెట్ ద్వారా శక్తిని పొందుతుందని భావిస్తున్నారు. ఇది బయోమెట్రిక్ ప్రమాణీకరణ కోసం డ్యూయల్ రియర్ కెమెరా యూనిట్ మరియు ఫింగర్‌ప్రింట్ సెన్సార్‌ను కలిగి ఉంటుంది. ఈ టాబ్లెట్ 12.4-అంగుళాల డిస్‌ప్లేను కలిగి ఉంటుందని చెప్పారు.

శాంసంగ్ ఒక సరికొత్త ఫోల్డబుల్ పరికరం పై కూడా పని చేస్తోంది. నివేదికల ప్రకారం శాంసంగ్ కొత్త ఫోల్డబుల్ టాబ్లెట్‌ లను అభివృద్ధి చేస్తోందని కంపెనీ ఎగ్జిక్యూటివ్ ధృవీకరించారు మరియు దాని గురించిన కొన్ని డిజైన్ అంశాలను కూడా వెల్లడించారు. కాబట్టి పూర్తి వివరాలు చూద్దాం.

సామ్‌సంగ్ ఫోల్డబుల్ టాబ్లెట్‌ లపై భారీగా పెట్టుబడి పెడుతోంది ఈ వార్త శాంసంగ్ సంస్థ మొబైల్ హెడ్ T.M రోహ్ నుండి వచ్చింది. గత నెలలో ది ఇండిపెండెంట్‌కి ఇచ్చిన ఇంటర్వ్యూలో, సీనియర్ అధికారి ఫోల్డబుల్ టాబ్లెట్‌లతో పాటు ఫోల్డబుల్ ల్యాప్‌టాప్‌ల అభివృద్ధిని ధృవీకరించారు.