10.1 అంగుళాల HD+ డిస్‌ప్లే, 7000mAh బ్యాటరీతో Megapad 10 ట్యాబ్లెట్‌.. పూర్తి వివరాలు

ప్రముఖ స్మార్ట్‌ఫోన్‌లు, ఎలక్ట్రానిక్‌ గ్యాడ్జెట్‌ల తయారీ సంస్థ టెక్నో ఇవాళ టెక్నో మెగాప్యాడ్‌ 10 ను (Tecno Megapad 10) ఆవిష్కరించింది. డిజైన్ పరంగా ఈ టెక్నో ప్యాడ్‌ ఆకట్టుకుంటుంది. దీంతోపాటు మెగాప్యాడ్‌ 10 ట్యాబ్లెట్‌ భారీ డిస్‌ప్లేను కలిగి ఉంది. ఈ టెక్నో ట్యాబ్లెట్‌ స్ప్లిట్‌ స్క్రీన్‌ ఫీచర్‌ను కలిగి ఉంది. ఈ టెక్నో ట్యాబ్లెట్‌ 7000mAh బ్యాటరీతో పనిచేస్తుంది. సింగిల్‌ ఛార్జింగ్‌తో 8 గంటల వీడియో ప్లేబ్యాక్‌ టైంను పొందవచ్చని టెక్నో వెల్లడించింది.

టెక్నో మెగాప్యాడ్‌ 10 స్పెసిఫికేషన్‌లు, ఫీచర్‌లు :
టెక్నో కొత్త ట్యాబ్లెట్‌ భారీ డిస్‌ప్లేను కలిగి ఉంది. ఈ మెగాప్యాడ్ 10.. 10.1 అంగుళాల HD+ డిస్‌ప్లేను కలిగి ఉంది. 80 శాతం స్క్రీన్‌ టూ బాడీ రేషియో, 450 నిట్స్‌ గరిష్ఠ డిస్‌ప్లే, 800*1280 పిక్సల్స్‌ రిజల్యూషన్‌ తో అందుబాటులోకి రానుంది.

మెగాప్యాడ్‌ 10 ఫీచర్‌లు :
ఈ ట్యాబ్లెట్‌ను వెలుతురు తక్కువగా ఉన్న సమయాల్లోనూ సౌకర్యవంతంగా వినియోగించుకొనేలా Eye కంఫర్ట్‌ మోడ్‌, డార్క్ మోడ్‌తో వస్తుంది. మరియు Split Screen మరియు ShapeFlex Snip ఫీచర్‌ను సపోర్టు చేస్తుంది. ఈ ట్యాబ్లెట్‌ డ్యూయల్‌ స్టీరియో స్పీకర్‌లను కలిగి ఉంది.

ఈ మెగాప్యా్డ్‌ 10.. మీడియాటెక్‌ హీలియో G80 చిప్‌సెట్‌తో పనిచేస్తుంది. ఈ చిప్‌సెట్‌ 4GB ర్యామ్‌తో జతచేయబడుతుంది. మరియు ఆండ్రాయిడ్‌ 14 ఆధారిత HiOS (స్కిన్‌ టూ టాప్) ను కలిగి ఉంటుంది. టెక్నో వెబ్‌సైట్‌ లిస్టింగ్‌ ఆధారంగా ఈ మెగాప్యాడ్‌ 128GB మరియు 256GB స్టోరేజీ వేరియంట్‌లో లభిస్తుంది. మైక్రో SD కార్డు ద్వారా స్టోరేజీని పెంచుకొనే అవకాశం ఉంది.

13MP + 5MP కెమెరాలు :
కెమెరా విభాగం పరంగా ఈ టెక్నో ట్యాబ్లెట్‌ వెనుకవైపు 13MP కెమెరాను అమర్చారు. మరియు LED ఫ్లాష్‌ లైట్‌ను కలిగి ఉంది. దీంతోపాటు సెల్ఫీ, వీడియో కాల్స్‌ కోసం ఈ మెగాప్యాడ్‌ 10.. 5MP కెమెరాను కలిగి ఉంది. ఈ ట్యాబ్లెట్‌ బరువు 447 గ్రాములుగా ఉంది.

8 గంటలపాటు వినియోగించుకోవచ్చు..!
ఈ టెక్నో మెగాప్యాడ్‌ 10... 18W వైర్ ఛార్జింగ్ సపోర్టుతో 7000mAh బ్యాటరీతో పనిచేస్తుంది. ఈ బ్యాటరీ పూర్తిగా ఛార్జింగ్ చేసేందుకు 2.5 గంటల సమయం పడుతుందని సంస్థ చెబుతోంది. అయితే సింగిల్‌ ఛార్జింగ్‌తో 8 గంటలపాటు (Video Playback) వినియోగించుకోవచ్చు.

కనెక్టివిటీ ఫీచర్‌లు :
కనెక్టివిటీ పరంగా ఈ టెక్నో ప్యాడ్‌ 4G LTE, డ్యూయల్‌ బ్యాండ్‌ వైఫై, బ్లూటూత్‌ 5.1, USB-C ఛార్జింగ్ పోర్టును కలిగి ఉంది. టెక్నో అధికారిక లిస్టింగ్‌ ఆధారంగా ఈ మెగాప్యాడ్‌ 10 రెండు రంగుల్లో లభిస్తుంది. Champagne Gold, Space Grey రంగుల్లో కొనుగోలు చేయవచ్చు.

ఈ టెక్నో మెగాప్యాడ్‌ 10 స్టోరేజీ వేరియంట్‌ లు, ధర సహా ఎప్పుటి నుంచి అందుబాటులోకి వస్తుంది వంటి వివరాలను సంస్థ ఇంకా వెల్లడించలేదు. దీంతోపాటు ప్రస్తుతం ఈ ట్యాబ్లెట్‌ను గ్లోబల్ మార్కెట్‌లో ఆవిష్కరించింది. అయితే కచ్చితంగా ఏయే దేశాల్లో అందుబాటులోకి వస్తుందో టెక్నో సంస్థ వెల్లడించలేదు.