హానర్ 7 ఎక్స్ పై భారీ ఆఫర్లు! మార్చి 1వరకే!

ఈ- కామర్స్ దిగ్గజం అమెజాన్ హానర్ 7ఎక్స్ పై భారీ ఆఫర్లను ప్రకటించింది. 64జిబి వేరియంట్ అయిన 7ఎక్స్ పై ఈ నెల 22నుంచి మార్చి1 వరకు అమెజాన్. ఇన్ లో ఈ ఆఫర్ అందుబాటులో ఉంటుందని కంపెనీ తెలిపింది. యూజర్లు పాత మొబైల్స్ ఎక్స్ ఛేంజ్ చేసుకోవడం ద్వారా 2వేల రూపాయల వరకు ఆదా చేసుకోవచ్చు. అయితే ఈ ఆఫర్లకు ఎలాంటి ఈఎంఐ సదుపాయం లేదని కంపెనీ స్పష్టం చేసింది.

హానర్ 7ఎక్స్ స్మార్ట్ ఫోన్ స్పెసిఫికేషన్స్ చూస్తే...1080,2160పిక్సెల్స్ రిజల్యూషన్ తో వస్తుంది. 18:9 యాస్పెక్ట్ రేషియో కలిగిన ఈ స్మార్ట్ ఫోన్....5.93అంగుళాల ఫుల్ స్క్రీన్ డిస్ల్పేతో యూజర్లకు అట్రాక్ట్ చేస్తుంది. 4జిబి ర్యామ్, 1.7గిగా ఆక్టా కోర్ హైసిలికన్ కిరిన్ 659ప్రొసెసర్ తో వస్తుంది. 32జిబి ఇంటర్నల్ స్టోరేజ్ తోపాటు మైక్రో ఎస్డి కార్డును ఉపయోగించి 256జిబి వరకు విస్తరించుకోవచ్చు.

ఈ డివైసు 165.00 గ్రాముల బరువు ఉంటుంది. 3340ఎంఏహెచ్ బ్యాటరీ పవర్ అందిస్తుంది. ఈమధ్యే హానర్ 8 ప్రో, హానర్9 స్మార్ట్ ఫోన్ల కోసం ఆండ్రాయిడ్ 8.0 ఓరెయోతో అప్ డేట్ కూడా చేసింది.

ఈ రెండు స్మార్ట్ ఫోన్లు ప్రస్తుతం లండన్ తోపాటు ఇండియాలో అప్ డేట్ ను అందుకున్నాయి. హానర్ 8 ప్రో యూజర్లు కూడా ఈ అప్ డేట్ ను అందుకున్నట్లు కంపెనీ తెలిపింది.