ఆ కంప్యూటర్ బరువు 5000 కిలోలు!

By Sivanjaneyulu

Published: Friday, August 7, 2015, 13:41 [IST]

70 సంవత్సరాల క్రితం సరిగ్గా ఇదే రోజున ఐబీఎమ్ సంస్థ హార్వర్డ్ విశ్వవిద్యాలయానికి ఓ కంప్యూటర్ ను బహుకరించింది. ఐబీఎమ్ ఆటోమెటిక్ సీక్వెన్స్ కంట్రోల్డ్ క్యాలుక్యులేటర్ (ఏఎస్ సీసీ)గా పేర్కొనబడే ఈ కంప్యూటర్ ను ముద్దుగా హార్వర్ మార్క్ 1గా పిలుస్తారు. 8 అడుగుల ఎత్తు, 51 అడుగుల పొడవు, 5 టన్నుల బరువుండే ఈ కంప్యూటర్‌ను రెండవ ప్రపంచ యుద్ధంలో నావీ వ్యవహారాల్లో విస్తృతంగా వినియోగించారు. కంప్యూటర్ హిస్టరీ మ్యూజియం తెలిపిన వివరాల మేరకు ఈ కంప్యూటర్‌ను 1944లో తయారు చేసినట్ల తెలుస్తోంది. 7,50,000 విడిభాగాలతో ఈ అతిపెద్ద కంప్యూటర్ రూపుదిద్దుకుంది.

1980 నాటి పోర్టబుల్ కంప్యూటర్లు 30 పౌండ్లు బరువును కలిగి ఉండేవి. 2010 నాటికి పోర్టబుల్ కంప్యూటింగ్ అరచేతిలో ఇమిడిపోతోంది. 1981 నుంచి 2010 వరకు విడుదలైన పోర్టబుల్ కంప్యూటర్లు తమ రూపాన్ని మార్చుకున్న తీరును ఈ ఫోటోలు ద్వారా మీరు చూడొచ్చు.

పోర్టబుల్ కంప్యూటర్స్ హిస్టరీ

ద ఒస్బోర్న్ 1 (1981)

వాణిజ్యపరంగా విజయవంతమైన తొలి పోర్టబల్ వ్యక్తిగత కంప్యూటర్ గా ద ఒస్బోర్న్ 1 చరిత్రకెక్కింది. ఈ పీసీ బరువు 23.5 పౌండ్లు.

పోర్టబుల్ కంప్యూటర్స్ హిస్టరీ

ద కాంప్యాక్ పోర్టబుల్, 1982 (The Compaq Portable, 1982):

ఒస్బోర్న్ తో పోలిస్తే కాంప్యాక్ పోర్టబుల్ పీసీ పెద్దదైన స్ర్కీన్ ను కలిగి ఉంటుంది. ఎంఎస్ డాస్ ఆధారితంగా స్పందిస్తుంది. పోర్టబుల్ కంప్యూటింగ్ విభాగంలో విప్లవాత్మక మార్పులకు ఈ పీసీ బీజం వేసింది.