బడ్జెట్ ధరలో ఆండ్రాయిడ్‌ 16 OS, 7000mAh బ్యాటరీ, 50MP కెమెరాతో లేటెస్ట్‌ 5G ఫోన్..!

భారత్‌ మార్కెట్‌లో 2025 సంవత్సరంలో అనేక బడ్జెట్‌ స్మార్ట్‌ఫోన్‌లు అందుబాటులోకి వచ్చాయి. ఈ జనవరి నెలలోనూ అనేక మోడల్స్‌ లాంచ్‌ కానున్నాయి. ఇప్పటికే కొన్ని ఫోన్‌ల విడుదల వివరాలు వెల్లడయ్యాయి. అయితే రూ.15 వేల ధర సెగ్మెంట్లో డిసెంబర్‌ నెలలో మోటో G57 పవర్‌ 5G ఫోన్‌ను తీసుకొచ్చింది. ఈ హ్యాండ్‌సెట్‌ బడ్జెట్ ధరలో అందుబాటులోకి వచ్చినా ఆండ్రాయిడ్‌ 16 OS, 7000mAh బ్యాటరీని కలిగి ఉంది. ఈ ఫోన్‌ పూర్తి వివరాలు.

మోటో G57 పవర్‌ స్మార్ట్‌ఫోన్‌ (Moto G57 Power 5G Smartphone) ప్రస్తుతం మోటోరోలా ఇండియా వెబ్‌సైట్‌, ఫ్లిప్‌కార్ట్‌లో కొనుగోలు చేయవచ్చు. సింగిల్‌ స్టోరేజీ వేరియంట్‌లోనే అందుబాటులో ఉంది. ఈ ఫోన్‌ 8GB ర్యామ్ + 128GB స్టోరేజీ ధర రూ.14999 గా ఉంది. ఫ్లిప్‌కార్ట్‌లో ఎంపిక చేసిన బ్యాంకు కార్డులపై డిస్కౌంట్‌ను అందిస్తోంది.

డిస్కౌంట్‌ ఆఫర్లు :
అదే విధంగా మోటోరోలా వెబ్‌సైట్‌లో SBI, ICICI బ్యాంకు కార్డులపై రూ.1000 డిస్కౌంట్‌ను అందిస్తోంది. IDFC కార్డు EMI లావాదేవీలపై రూ.1500 డిస్కౌంట్‌, యాక్సెస్‌ బ్యాంకు EMI లావాదేవీలపై రూ.1250 డిస్కౌంట్‌ను అందిస్తోంది. దీంతోపాటు SBI, ICICI బ్యాంకు క్రెడిట్‌ కార్డులపై 6 నెలల వరకు నో కాస్ట్‌ EMI సదుపాయాన్ని అందిస్తోంది.

మిలిటరీ గ్రేడ్‌ సర్టిఫికేషన్‌ :
మోటో G57 పవర్‌ 5G స్మార్ట్‌ఫోన్‌ MIL STD 810H మిలిటరీ గ్రేడ్‌ సర్టిఫికేషన్‌ను కలిగి ఉంది. IP64 రేటింగ్‌తో డస్ట్‌, వాటర్‌ రెసిస్టెంట్‌గా ఉంది. ఈ హ్యాండ్‌సెట్‌ పాంటోర్‌ ప్యూడిటీ, పాంటోన్‌ రెగట్టా, పాంటోన్‌ కోర్సెయిర్‌ కలర్‌ వేరియంట్స్‌లో లభిస్తోంది.

స్మార్ట్‌వాటర్‌ టచ్‌ ఫీచర్‌ :
ఈ హ్యాండ్‌సెట్‌ 6.72 అంగుళాల FHD+ LCD డిస్‌ప్లేతో అందుబాటులో ఉంది. ఈ డిస్‌ప్లే 120Hz రీఫ్రెష్‌ రేట్‌, 1050 నిట్స్‌ పీక్‌ బ్రైట్‌నెస్‌, 120Hz టచ్‌ శాంప్లింగ్‌ రేట్‌ను కలిగి ఉంది. ఈ డిస్‌ప్లే స్మార్ట్‌వాటర్‌ టచ్‌ 2.0 ఫీచర్‌ను సపోర్టు చేస్తుంది. కార్నింగ్‌ గొరిల్లా గ్లాస్‌ 7i ప్రొటెక్షన్‌ను పొందుతోంది.

స్నా్ప్‌డ్రాగన్‌ చిప్‌సెట్ :
ఈ మోటో ఫోన్ స్నాప్‌డ్రాగన్‌ 6s జెన్‌ 4 చిప్‌సెట్‌ ను కలిగి ఉంది. ఈ చిప్ 4GB LPDDR4X ర్యామ్, 128GB స్టోరేజీని సపోర్టు చేస్తుంది. ఆండ్రాయిడ్‌ 16 ఆధారిత OS పైన పనిచేస్తోంది. ఈ ఫోన్ ఆండ్రాయిడ్ 17 OS అప్‌డేట్‌, 3 సంవత్సరాల వరకు సెక్యూరిటీ అప్‌డేట్స్‌ను పొందుతుందని సంస్థ హామీ ఇచ్చింది.

50MP కెమెరా :
కెమెరా విభాగం పరంగా వెనుక వైపు ట్రిపుల్‌ కెమెరా యూనిట్‌ ఉంది. ఇందులో 50MP సోనీ LYT 600 ప్రైమరీ కెమెరా, 8MP అల్ట్రావైడ్‌ యాంగిల్‌ లెన్స్‌, 2 ఇన్ 1 లైట్‌ సెన్సర్‌ ఉన్నాయి. సెల్ఫీ, వీడియో కాల్స్‌ కోసం 8MP కెమెరాను కలిగి ఉంది. ఈ కెమెరాలు 60fps వద్ద 2K వీడియో రికార్డింగ్ సామర్థ్యాన్ని కలిగి ఉన్నాయి.

7000mAh బ్యాటరీ :
ఈ కెమెరా విభాగం మేజిక్‌ ఎరేజర్, షాట్‌ ఆప్టిమైజేషన్‌, ఫోటో అన్‌బ్లర్‌, ఆటో ఫ్రేమ్‌, సినిమాటిక్‌ ఫోటోస్‌, పొర్ట్రెయిట్ బ్లర్‌, పొర్ట్రెయిట్‌ లైట్‌ వంటి ఫీచర్లను కలిగి ఉంది. ఈ ఫోన్‌ 33W వైర్‌ ఫాస్ట్‌ ఛార్జింగ్‌ సపోర్టుతో 7000mAh బ్యాటరీని కలిగి ఉంది.

కనెక్టివిటీ పరంగా ఈ హ్యాండ్‌సెట్ 5G, 4G LTE, బ్లూటూత్‌ 5.1, Wi-Fi, USB-C ఛార్జింగ్‌ పోర్టు, GPS ఫీచర్లు ఉన్నాయి. దీంతోపాటు యాంబియంట్‌ లైట్‌, ప్రాక్సిమిటీ సెన్సర్‌, ఇ-కంపాస్‌, గైరోస్కో్ప్‌ వంటి సెన్సర్‌లున్నాయి. సెక్యూరిటీ కోసం సైడ్‌ మౌంటెడ్‌ ఫింగర్‌ ప్రింట్‌ సెన్సర్లు ఉన్నాయి.