Xiaomi కొత్త వైర్‌లెస్ ఛార్జర్ టెక్నాలజీ గురించి కొన్ని ఆసక్తికరమైన విషయాలు!!

ఎటువంటి కేబుల్ అవసరం లేకుండా ఛార్జ్ చేయడానికి నిజమైన వైర్‌లెస్ ఛార్జర్ ఉందా? అంటే అవును అనే సమాధానం చెప్పాలి. ఈ కొత్త రకం చార్జర్ ను షియోమి సంస్థ విడుదల చేయనున్నది. పూర్తిగా వైర్లెస్ పద్ధతిలో స్మార్ట్ఫోన్లను ఛార్జ్ చేయడానికి Mi ఎయిర్ ఛార్జ్ కోసం పనిచేస్తున్నట్లు కంపెనీ ప్రకటించింది. దీని అర్థం ఎటువంటి కేబుల్ జతచేయకుండానే మీ యొక్క ఫోన్‌లను ఛార్జ్ చేయవచ్చు.

mi ఎయిర్ ఛార్జర్ ఎలా పనిచేస్తుంది?

షియోమి సంస్థ తన యొక్క బ్లాగ్ పోస్ట్‌లో దీని గురించి ప్రకటించింది. ఈ టెక్నాలజీ 5W శక్తిని ఉత్పత్తి చేస్తూ ఏదైనా ఒక పరికరాన్ని ఒక నిర్దిష్ట దూరం వరకు వైర్లెస్ పద్దతిలో ఛార్జింగ్ పైల్ ద్వారా ఛార్జ్ అందించగలదని తెలిపింది. ఈ పైల్ 5 యాంటెన్నాలను కలిగి ఉంది. ఇది మీ స్మార్ట్‌ఫోన్ యొక్క స్థానాన్ని ఖచ్చితంగా నిర్ణయించడానికి ఉపయోగపడుతుంది. స్థానం నిర్ణయించిన తర్వాత నియంత్రణ శ్రేణి బీమ్ఫార్మింగ్ ద్వారా తరంగాలను ప్రసారం చేస్తుంది. ఫోన్ లోని అంతర్నిర్మిత "బెకన్ యాంటెన్నా" మరియు "స్వీకరించే యాంటెన్నా శ్రేణి" ద్వారా ఛార్జ్ చేయబడుతుంది. బెకన్ యాంటెన్నా స్థాన సమాచారాన్ని ప్రసారం చేస్తుంది. రెండోది 14 యాంటెన్నా సిరీస్ రెక్టిఫైయర్ సర్క్యూట్ ద్వారా మిల్లీమీటర్-వేవ్ సిగ్నల్‌ను విద్యుత్ శక్తిగా మారుస్తుంది.

mi ఎయిర్ ఛార్జర్ త్వరలో అందుబాటులో ఉంటుందా?

షియోమి సంస్థ ప్రకటించిన వైర్లెస్ చార్జర్ కేవలం డెమో మాత్రమేనని గమనించండి. ఇది వినియోగదారులకు ఎప్పుడు లభిస్తుందో అన్న విషయం స్పష్టంగా తెలియదు. ఈ టెక్నాలజీ మానవుల ఆరోగ్యం మీద ప్రభావం చూపే అవకాశాలు ఉన్నాయి అని ఆందోళనలు ఉన్నాయి. ఇవి నియంత్రణ అధికారుల పరిశీలనకు లోబడి ఉండవచ్చు. షియోమి ఇప్పటికే వైర్‌లెస్ ఛార్జింగ్ టెక్నాలజీలో భాగంగా కొద్ది రోజుల క్రితం 67W వైర్‌లెస్ ఛార్జింగ్ సపోర్ట్‌తో రెండు ఫోన్‌లలో పనిచేస్తుందని పుకార్లు వచ్చాయి. ఈ సంస్థ ఇప్పటికే 50W వైర్‌లెస్ ఛార్జింగ్ తో Mi 10 అల్ట్రా ఫోన్‌ను వేగవంతమైన వైర్‌లెస్ ఛార్జింగ్ గా కలిగి ఉంది.