ఈ ఫోన్ వస్తే పాత రికార్డులు చరిత్ర పుటల్లోకే !

ఐఫోన్ 1000 డాలర్లకు

ఆపిల్ తరువాతి ఐఫోన్ 1000 డాలర్లకు మార్కెట్లోకి వస్తే, ఆపిల్ మార్కెట్ క్యాపిటలైజేషన్ భారీగా ఎగియనుందట.

900 బిలియన్ డాలర్లకు

సుమారు 900 బిలియన్ డాలర్లకు అంటే 57,75,795 కోట్లకు ఈ దిగ్గజం మార్కెట్ క్యాపిటలైజేషన్ పెరుగుతుందని తాజా రిపోర్టులు వెల్లడిస్తున్నాయి. ఈ మొత్తంలో మార్కెట్ క్యాపిటలైజేషన్ కలిగి ఉండనున్న తొలి కంపెనీగా కూడా ఆపిలే అవతరించనుందని తెలుస్తోంది.

సగటు విక్రయ ధరకు

1000 డాలర్ల ఐఫోన్ ను ఆపిల్ ఈ సెప్టెంబర్ లో ఆవిష్కరించనున్నట్టు సమాచారం. ఇది సగటు విక్రయ ధరకు, గ్రాస్ మార్జిన్లకు ఉపయోగపడి, స్టాక్ విలువను మరింత పైకి ఎగిసేలా చేస్తుందని మార్కెట్ వాచ్.కామ్ రిపోర్టు చేసింది.

ఆపిల్ తర్వాత రెండో అత్యంత విలువైన కంపెనీగా గూగుల్

ఈ నెల మొదట్లో ఆపిల్ మార్కెట్ క్యాపిటలైజేషన్ 800 బిలియన్ డాలర్లు(రూ.51,34,040కోట్లు)కు చేరింది. ఆపిల్ తర్వాత రెండో అత్యంత విలువైన కంపెనీగా గూగుల్ పేరెంట్ కంపెనీ ఆల్ఫాబెట్ ఉంది. దీని మార్కెట్ క్యాపిటలైజేషన్ 653 బిలియన్ డాలర్లు.

తర్వాత మైక్రోసాప్ట్

తర్వాత మైక్రోసాప్ట్ మూడో స్థానంలో నిలిచింది. 2017 ఆర్థికసంవత్సరం మొదటి మూడు నెలల కాలంలో ఆపిల్ 50.8 మిలియన్ ఐఫోన్లను విక్రయించింది. అయితే ఇవి ఏడాది ఏడాదికి ఒక శాతం తక్కువని మే నెలలో కంపెనీ ప్రకటించిన రెండో క్వార్టర్ ఫలితాల్లో తెలిసింది.