3జీబి ర్యామ్, 15 నెలల వారంటీతో ‘Honor 7’

Updated: Thursday, October 8, 2015, 12:00 [IST]

ప్రముఖ చైనా ఫోన్‌ల కంపెనీ Huawei శక్తివంతమైన స్పెక్స్ తో కూడిన Honor 7 స్మార్ట్‌ఫోన్‌ను ఇండియన్ మార్కెట్లో విడుదల చేసింది. 16జీబి వర్షన్ ధర రూ.22,999. ఆక్టోబర్ 15 నుంచి ఫ్లిప్‌కార్ట్‌లో ఈ ఫోన్ లభ్యమవుతుంది.

ఫోన్ స్పెక్స్..

5.2 అంగుళాల 1080 పిక్సల్ పూర్తి హైడెఫినిషన్ ఐపీఎస్ ఎల్‌సీడీ డిస్‌ప్లే, ఆండ్రాయిడ్ 5.0.2 ఆపరేటింగ్ సిస్టం, Huawei's EMUI 3.0 కస్టమ్ యూజర్ ఇంటర్‌ఫేస్, 64 బిట్ ఆక్టా కోర్ 2.2గిగాహెర్ట్జ్ HiSilicon Kirin 935 సీపీయూ, 3జీబి ర్యామ్, శక్తివంతమైన 360 డిగ్రీ ఫింగర్ ప్రింట్ సెన్సార్, ఇంటర్నల్ మెమరీ వేరియంట్స్ (16జీబి, 32జీబి, 64జీబి), ప్రస్తుతానికి భారత్ లో 16జీబి వర్షన్ మాత్రమే అందుబాటులో ఉంటుంది. మైక్రోఎస్డీ కార్డ్‌స్లాట్ ద్వారా ఫోన్ మెమరీని 128జీబి వరకు విస్తరించుకునే అవకాశం.

20 మెగా పిక్సల్ ప్రైమరీ కెమెరా, 8 మెగా పిక్సల్ 26ఎమ్ఎమ్ వైడ్ యాంగిల్ ఫ్రంట్ ఫేసింగ్ కెమెరా, సింగిల్ సిమ్, 4జీ ఇంకా 3జీ కనెక్టువిటీ, ఐఆర్ రిమోట్ సెన్సార్, 3100 ఎమ్ఏహెచ్ బ్యాటరీ. ఫోన్ పై 15 నెలలు, ఎల్ సీడీ పై నెల వారంటీని కంపెనీ ఆఫర్ చేస్తోంది.