స్నాప్‌డ్రాగన్‌ ప్రాసెసర్, 7000mAh బ్యాటరీ, 50MP సోనీ కెమెరా, 1.5K డిస్‌ప్లేతో మోటోరోలా ఫోన్‌!

Motorola Edge 70 Fusion Smartphone : మోటోరోలా నుంచి భారత్‌ మార్కెట్లో త్వరలో మరో స్మార్ట్‌ఫోన్‌ విడుదల కానుంది. ఈ సంవత్సరం జనవరిలో సిగ్నేచర్‌ వేరియంట్‌ అందుబాటులోకి వచ్చింది. సన్నని డిజైన్‌ని కలిగి ఉంది. దీంతోపాటు మెరుగైన కెమెరాలను కలిగి ఉంది. అయితే త్వరలో మోటోరోలా ఎడ్జ్ 70 ఫ్యూజన్‌ విడుదల కానుందని తెలుస్తోంది.

ఎప్పుడు విడుదల కానుంది :
ఈ మోటోరోలా స్మార్ట్‌ఫోన్‌ మార్చి రెండో వారంలో విడుదలయ్యే అవకాశం ఉందని కొన్ని లీక్స్‌ ద్వారా తెలుస్తోంది. తాజాగా ఈ హ్యాండ్‌సెట్‌ ముఖ్యమైన స్పెసిఫికేషన్ల వివరాలు వెల్లడయ్యాయి. ఈ ఫోన్‌ పాంటోన్‌ కంట్రీ ఎయిర్‌, పాంటోన్‌ బ్లూ సర్ఫ్, పాంటోన్‌ సిల్హౌట్ కలర్‌ వేరియంట్స్‌లో లభిస్తుంది.

1.5k కర్వడ్‌ డిస్‌ప్లే :
మోటోరోలా ఎడ్జ్‌ 70 ఫ్యూజన్ స్మార్ట్‌ఫోన్ 6.78 అంగుళాల 1.5K క్వాడ్‌ కర్వడ్‌ OLED డిస్‌ప్లేను కలిగి ఉంటుంది. ఈ ఫోన్ 144Hz రీఫ్రెష్‌ రేట్‌, 5200 నిట్స్‌ పీక్‌ బ్రైట్‌నెస్‌ను కలిగి ఉంటుంది. HDR10+ కంటెంట్‌ను సపోర్టు చేస్తుంది. దీంతోపాటు SGS ఐ ప్రొటెక్షన్‌, స్మార్ట్ వాటర్‌ టచ్ 3.0 ఫీచర్‌లు ఉంటాయి.

స్నాప్‌డ్రాగన్ చిప్‌, 5 సంవత్సరాల అప్‌డేట్స్ :
మోటోరోలా ఎడ్జ్‌ 70 ఫ్యూజన్ స్మార్ట్‌ఫోన్ స్నాప్‌డ్రాగన్ 7s జెన్‌ 4 చిప్‌సెట్‌ ను కలిగి ఉంటుంది. 12GB ర్యామ్‌, 256GB స్టోరేజీ వరకు సపోర్టు చేస్తుందని తెలుస్తోంది. ఆండ్రాయిడ్ 16 ఆధారిత OS పైన పనిచేసే అవకాశం ఉంది. ఈ ఫోన్ 3 ఆండ్రాయిడ్‌ అప్‌డేట్స్‌, 5 సంవత్సరాల సెక్యూరిటీ అప్‌డేట్స్‌ను పొందుతుంది.

ఈ ఫోన్ మోటో ఏఐ, జెమిని, సర్కిల్‌ టు సెర్చ్‌ వంటి ఆర్టిఫిషియల్ ఇంటెలిజెన్స్‌ ఫీచర్లను కలిగి ఉంటుంది. ఈ స్మార్ట్‌ఫోన్‌ 8GB ర్యామ్ + 128GB స్టోరేజీ, 8GB ర్యామ్ + 256GB స్టోరేజీ, 12GB ర్యామ్ + 256GB స్టోరేజీ వేరియంట్స్‌లో అందుబాటులోకి వస్తుంది.

50MP సోనీ కెమెరా :
మోటోరోలా వెబ్‌సైట్‌ ఆధారంగా ఈ హ్యాండ్‌సెట్‌ మోటో AI ఇంటిగ్రేషన్‌ తో కూడిన 50MP సోనీ LYT 710 కెమెరాను కలిగి ఉంటుంది. దీంతోపాటు 13MP అల్ట్రావైడ్‌ లెన్స్‌ కూడా ఉంటుంది. ఈ కెమెరానే మ్యాక్రో, డెప్త్‌ సెన్సర్‌గా పనిచేస్తుందని తెలుస్తోంది.

7000mAh బ్యాటరీ :
సెల్ఫీ, వీడియో కాల్స్‌ కోసం ముందు వైపు 32MP కెమెరాతో లాంచ్‌ కానుంది. ఈ కెమెరాలను 4K వీడియో రికార్డింగ్‌ ను సపోర్టు చేస్తాయి. ఈ మోటోరోలా ఫోన్‌ 68W వైర్‌ టర్బో పవర్‌ ఛార్జింగ్‌ సపోర్టుతో 7000mAh సిలికాన్‌ కార్బన్ బ్యాటరీని కలిగి ఉంటుంది.

మోటోరోలా ఎడ్జ్‌ 70 ఫ్యూజన్‌ స్మార్ట్‌ఫోన్ భారత్‌ మార్కెట్‌లో రూ.25 వేల ప్రారంభ ధరకు అందుబాటులోకి వస్తుందని తెలుస్తోంది. విడుదల అనంతరం ఈ హ్యాండ్‌సెట్‌ మోటో ఇండియా వెబ్‌సైట్‌తోపాటు ఫ్లిప్‌కార్ట్‌ ద్వారా కొనుగోలు చేయవచ్చు. త్వరలో ఈ ఫోన్‌ విడుదల తేదీ వివరాలు వెల్లడయ్యే అవకాశం ఉంది.