మార్కెట్‌లోకి రిలయన్స్ 4జీ ఫోన్లు

By Hazarath

Published: Friday, January 29, 2016, 16:25 [IST]

రిలయన్స్ నుంచి 4 జీ ఫోన్లు మార్కెట్ లోకి వచ్చేశాయి. ఇప్పటిదాకా కంపెనీ ఉద్యోగులకు ఫోన్లను అందిస్తామని చెప్పిన రిలయన్స్ ఇప్పుడు కష్టమర్లకు కూడా 4జీ ఫోన్లను అందుబాటులోకి తెచ్చింది. లైఫ్ (ఎల్‌వైఎఫ్) బ్రాండ్ పేరిట రిలయన్స్ రిటైల్ 4జీ ఫోన్ల విక్రయాలను ప్రారంభించింది. ఈ ఏడాది మార్చి-ఏప్రిల్‌లో మొదలయ్యే గ్రూప్ కంపెనీ రిలయన్స్ జియో టెలికం సర్వీసులకు అనువైనవిగా ఈ 3 హ్యాండ్‌సెట్స్‌ను రూపొందించారు. వీటి ధరలు రూ. 15,499 నుంచి రూ. 25,800 దాకా ఉన్నాయి.

రిలయన్స్ డిజిటల్ వెబ్‌సైట్‌లో

రిలయన్స్ డిజిటల్ వెబ్‌సైట్‌లో పొందుపర్చిన వివరాల ప్రకారం హై ఎండ్ 4జీ మోడల్ అయిన లైఫ్ ఎర్త్ 1 ధర రూ. 25,800.

13 ఎంపీ, 2 ఎంపీ డ్యుయల్ రియర్ కెమెరాలు,

ఇందులో 13 ఎంపీ, 2 ఎంపీ డ్యుయల్ రియల్ కెమెరాలు, 5 ఎంపీ ఫ్రంట్ కెమెరాతో పాటు 32 జీబీ ఇంటర్నల్ మెమరీ ఉంటుంది.

లైఫ్ వాటర్ 1 ధర రూ. 17,399 కాగా

ఇక లైఫ్ వాటర్ 1 ధర రూ. 17,399 కాగా వాటర్ 2 రేటు రూ. 15,499. ఈ రెండు మోడల్స్‌లోనూ 16 జీబీ ఇంటర్నల్ మెమరీ ఉంటుంది.

దేశవ్యాప్తంగా ఉన్న 1,000 పైగా సెంటర్ల ద్వారా

రిలయన్స్ డిజిటల్ స్టోర్స్‌లో కూడా లభించే ఈ హ్యాండ్‌సెట్స్‌కి.. దేశవ్యాప్తంగా ఉన్న 1,000 పైగా సెంటర్ల ద్వారా సర్వీసులు అందించనున్నట్లు సంస్థ వర్గాలు తెలిపాయి.