రూ.12999 ధరకే 6000mAh బ్యాటరీ, 50MP కెమెరా, లెదర్‌ ఫినిష్‌తో 5G స్మార్ట్‌ఫోన్ విడుదల!

Samsung Galaxy F70e 5G Smartphone : శాంసంగ్‌ గెలాక్సీ F70e స్మార్ట్‌ఫోన్ భారత్‌ మార్కెట్‌ లో విడుదల అయింది. గెలాక్సీ F70 సిరీస్‌ లో భాగంగా ఈ హ్యాండ్‌సెట్ అందుబాటులోకి వచ్చింది. ఈ స్మార్ట్‌ఫోన్‌ మీడియాటెక్ డైమెన్సిటీ 6300 చిప్‌సెట్‌, 6000mAh బ్యాటరీ, లెదర్ ఫినిష్‌ను కలిగి ఉంది. ఈ ఫోన్‌ బడ్జెట్‌ ధరలో అందుబాటులోకి వచ్చినా ఏకంగా 6 సంవత్సరాల వరకు అప్‌డేట్స్‌ను పొందుతుంది.

శాంసంగ్‌ గెలాక్సీ F70e 5G స్మార్ట్‌ఫోన్‌ స్పెసిఫికేషన్‌లు, ఫీచర్లు :
ఈ స్మార్ట్‌ఫోన్ 6.7 అంగుళాల HD+ (720 x 1600 పిక్సల్స్) LCD డిస్‌ప్లేను కలిగి ఉంది. 120Hz రీఫ్రెష్‌ రేట్‌, 800 నిట్స్ గరిష్ఠ బ్రైట్‌నెస్‌, 260 ppi పిక్సల్స్‌ డెన్సిటి, 16 మిలియన్‌ కలర్స్‌ను సపోర్టు చేస్తుంది. డిజైన్‌ పరంగానూ ఈ ఫోన్ ఆకట్టుకొనే అవకాశం ఉంది. IP54 రేటింగ్‌తో డస్ట్‌, స్ప్లాష్‌ రెసిస్టెంట్‌గా ఉంది.

మీడియాటెక్‌ చిప్‌సెట్ :
గెలాక్సీ F70e 5G స్మార్ట్‌ఫోన్‌ మీడియాటెక్‌ డైమెన్సిటీ 6300 చిప్‌ను కలిగి ఉంది. ఈ చిప్‌ 6GB LPDDR4x ర్యామ్, 128GB స్టోరేజీని సపోర్టు చేస్తుంది. ARM Mali G57 GPU ను కూడా కలిగి ఉంది. ఈ హ్యాండ్‌సెట్‌ 6,23,000 పాయింట్ల AnTuTu స్కోర్‌ ను కలిగి ఉందని శాంసంగ్‌ చెబుతోంది.

6 సంవత్సరాల వరకు అప్‌డేట్స్‌ :
ఈ స్మార్ట్‌ఫోన్‌ ఆండ్రాయిడ్‌ 16 ఆధారిత One UI 8 OS పైన పనిచేస్తుంది. ఈ ఫోన్ 6 సంవత్సరాల ఆండ్రాయిడ్ OS అప్‌డేట్స్, 6 సంవత్సరాల వరకు సెక్యూరిటీ అప్‌డేట్స్‌ను పొందుతుందని శాంసంగ్‌ తెలిపింది. రెండు స్టోరేజీ వేరియంట్స్‌లో అందుబాటులో ఉంది.

50MP కెమెరా, 6000mAh బ్యాటరీ :
కెమెరా విభాగం పరంగా వెనుక వైపు రెండు కెమెరాలున్నాయి. 50MP ప్రైమరీ, 2MP డెప్త్ సెన్సర్‌లు ఉన్నాయి. సెల్ఫీ, వీడియో కాల్స్ కోసం 8MP కెమెరాను అమర్చారు. ఈ ఫోన్‌ 6000mAh బ్యాటరీతో పనిచేస్తుంది. 25W వైర్ ఛార్జింగ్‌ను సపోర్టు చేస్తుంది.

ఈ స్మార్ట్‌ఫోన్ 8.2mm థిక్‌నెస్‌తో 199 గ్రాముల బరువును కలిగి ఉంది. ఈ స్మార్ట్‌ఫోన్ బ్యాక్‌ ప్యానల్‌ ప్రీమియం లెదర్‌ ఫినిష్‌ను కలిగి ఉంటుంది. Knox Vault, Quick Share వంటి ఫీచర్లు కూడా ఉన్నాయి. ఈ ఫోన్‌ 5G, 4G, బ్లూటూత్‌, వైఫై, USB-C ఛార్జింగ్ పోర్టును కలిగి ఉంది.

శాంసంగ్‌ గెలాక్సీ F70e 5G స్మార్ట్‌ఫోన్‌ ధర, సేల్‌ వివరాలు :
ఈ స్మార్ట్‌ఫోన్ 4GB ర్యామ్ + 128GB స్టోరేజీ వేరియంట్‌ ధర రూ.12999 గా ఉంది. అదే 6GB ర్యామ్ + 128GB స్టోరేజీ వేరియంట్ ధర రూ.14999 గా ఉంది.

ఈ స్మార్ట్‌ఫోన్‌ (Samsung Galaxy F70e Sale) సేల్‌ ఫిబ్రవరి 17 నుంచి ప్రారంభం కానుంది. శాంసంగ్‌ ఆన్‌లైన్‌ స్టో్న్‌, ఫ్లిప్‌కార్ట్‌ లో కొనుగోలు చేయవచ్చు. ఈ ఫోన్ స్పాట్‌లైట్‌ బ్లూ, లైమ్‌లైట్‌ గ్రీన్‌ కలర్‌ వేరియంట్స్‌లో లభిస్తుంది.