శాంసంగ్‌ నుంచి బడ్జెట్‌ రేంజ్‌ ధరలో రెండు 5G స్మార్ట్‌ఫోన్‌లు.. భారత్‌ మార్కెట్‌లో రేపే విడుదల..!

శాంసంగ్ నుంచి ఇటీవల ఎంట్రీ లెవల్ స్మార్ట్‌ఫోన్‌లు F06, A06 5G ఫోన్‌లు విడుదల అయ్యాయి. M సిరీస్‌ స్మార్ట్‌ఫోన్ల విడుదల తేదీ వెల్లడయింది. శాంసంగ్ గెలాక్సీ M16 5G, M06 5G స్మార్ట్‌ఫోన్‌లు (Samsung Galaxy M16 Smartphone launch) రేపు మధ్యాహ్నం 12 గంటలకు భారత్‌ మార్కెట్లో విడుదల కానున్నాయి. అమెజాన్‌ ద్వారా ఈ వివరాలు వెల్లడయ్యాయి. గత సంవత్సరం లాంచ్‌ అయిన M15, M05 మోడళ్లకు తర్వాత తరం వెర్షన్‌గా ఈ హ్యాండ్‌సెట్‌లు విడుదల కానున్నాయని సమాచారం.

గెలాక్సీ M సిరీస్‌ స్మార్ట్‌ఫోన్‌లు :
శాంసంగ్‌ గెలాక్సీ M16, M06 స్మార్ట్‌ఫోన్‌ల డిజైన్ స్కెచ్‌ కూడా అందుబాటులోకి వచ్చింది. దీని ఆధారంగా ఈ రెండు ఫోన్‌ల కెమెరా మాడ్యూల్‌ డిజైన్ సహా స్పెసిఫికేషన్ల వివరాలు వెల్లడయ్యాయి. గెలాక్సీ M16 ట్రిపుల్‌ కెమెరాను కలిగి ఉంది. అదే గెలాక్సీ M06 మోడల్‌ డ్యూయల్‌ కెమెరాను కలిగి ఉంటుందని సమాచారం. ఈ రెండు కెమెరా మాడ్యూల్‌లు పిల్‌ ఆకారంలో ఉన్నాయి. మరియు ఫ్లాష్‌ లైట్‌లను కూడా ఈ డిజైన్‌ స్కెచ్ ద్వారా గుర్తించవచ్చు.

చిప్‌సెట్‌ వివరాలు :
గెలాక్సీ M16 స్మార్ట్‌ఫోన్ ఇటీవలే బ్యూరో ఆఫ్ ఇండియల్‌ స్టాండర్డ్స్‌ (BIS), గీక్‌బెంచ్ వెబ్‌సైట్‌లో కనిపించింది. BIS లో SM-M166P/DS మోడల్ నంబర్‌ను కలిగి ఉంది. అదే గీక్‌బెంచ్‌లో SM-M166P మోడల్‌ నంబర్‌తో కనిపించింది. ఫలితంగా ఈ ఫోన్ 8GB ర్యామ్‌తో మీడియాటెక్‌ డైమెన్సిటీ 6300 చిప్‌సెట్‌ను కలిగి ఉంటుందని తెలిసింది.

మరియు ఈ ఫోన్‌ ఆండ్రాయిడ్‌ 14 ఆధారిత One UI 6 OS ను కలిగి ఉంటుందని తెలుస్తోంది. అదే గెలాక్సీ M06 5G స్మార్ట్‌ఫోన్‌ BIS వెబ్‌సైట్‌లో SM-M066B/DS మోడల్‌ నంబర్‌తో (Samsung Galaxy M06 Smartphone launch) కనిపించింది. M16 మోడల్ రూ.15000 కంటే తక్కువ ధరలో అందుబాటులోకి వచ్చే అవకాశం ఉండగా.. M06 మోడల్‌ ఎంట్రీ లెవల్‌ ధరలో లాంచ్‌ అయ్యే అవకాశం ఉంది.

* గత వారం భారత్ మార్కెట్లోకి శాంసంగ్‌ గెలాక్సీ F06 5G స్మార్ట్‌ఫోన్‌ లాంచ్ అయింది. ఈ హ్యాండ్‌సెట్ ప్రారంభ ధర రూ.10000 కంటే తక్కువ ధరకే అందుబాటులోకి వచ్చింది. 4GB ర్యామ్ + 128GB స్టోరేజీ వేరియంట్ ధర రూ.9,999 గా ఉంది. 6GB ర్యామ్ + 128GB స్టోరేజీ వేరియంట్ ధర రూ.11,499 గా ఉంది.

గెలాక్సీ F06 5G స్మార్ట్‌ఫోన్‌ 6.7 అంగుళాల HD+ రిజల్యూషన్‌ను కలిగి ఉంది. ఆండ్రాయిడ్‌ 15 ఆధారిత One UI 7.0 OS ను కలిగి ఉంది. మరియు మీడియాటెక్‌ డైమెన్సిటీ 6300 SoC ప్రాసెసర్‌ తో పనిచేస్తోంది. ఈ ఫోన్‌ 4 ఆండ్రాయిడ్ OS అప్‌డేట్‌లు, 4 సంవత్సరాల వరకు సెక్యూరిటీ అప్‌డేట్‌లను కలిగి ఉంది.

ఈ ఫోన్‌ 50MP ప్రైమరీ కెమెరా, 2MP డెప్త్‌ సెన్సార్‌లను కలిగి ఉంది. మరియు 8MP సెల్ఫీ కెమెరాను అమర్చారు. 25W ఫాస్ట్‌ ఛార్జింగ్ సపోర్టుతో 5000mAh బ్యాటరీతో పనిచేస్తుంది. బహమా బ్లూ, లిట్‌ వైలెట్‌ వంటి రెండు రంగుల్లో లభిస్తుంది.