భూమి కోసం ఓ రోజు, అదే ‘ఎర్త్ డే’

Published: Wednesday, April 22, 2015, 10:56 [IST]

పర్యావరణ పరిరక్షణ పట్ల సమాజాన్ని జాగృత పరిచే క్రమంలో ఏటా ఏప్రిల్ 22న ప్రపంచ ధరిత్రి దినోత్సవాన్ని నిర్వహించటం జరుగుతోంది. ప్రపంచవ్యాప్తంగా అనేక దేశాలు ఈ దినోత్సవాన్ని జరుపుకుంటున్నాయి. 1970 ఏప్రిల్ 22న మొదటి ‘ఎర్త్ డే'ను నిర్వహించటం జరిగింది. అభివృద్ధి పేరుతో భూమికి అనేక రకాలుగా విఘాతం కలిగిస్తున్నాం. పరిశ్రమల ద్వారా ఉత్పన్నమవుతోన్న కాలుష్యం.. చెట్ల నరికివేత.. సహజ నిక్షేపాల వెలికితీత వంటి అంశాలు భూమిని మరింతగా కుంగదీస్తున్నాయి. పర్యావసానంగా భూకంపాలు.. సునామీలు విరుచుకుపడుతున్నాయి. ఇక భూమికి కవచంలా ఉన్న ఓజోన్ పొరకు గ్రీన్‌హౌస్ వాయువులు తూట్లు పొడుస్తున్నాయని పరిశోధకులు హెచ్చరిస్తున్నారు.(తక్కువ బడ్జెట్‌లో.. బెస్ స్మార్ట్‌ఫోన్)

పరిశ్రమలు విడుదల చేసే వాయువుల ప్రభావంతో వాతావరణంలో అసమానతలు ఏర్పడుతున్నాయి. ఈ భూమి మనుగడకు పర్యావరణం ఎంతో ముఖ్యం. మితిమీరిని టెక్నాలజీ వినియోగం కూడా ప్రకృతికి చేటు తెస్తోంది. పర్యావరణ పరీరక్షణే ధ్యేయంగా ఆవిర్భవించిన ‘ఎర్త్ డే'ను పురస్కరించుకుని పర్యావరణానికి అనుకూలమైన 10 గ్రీన్ గ్యాడ్జెట్లను మీకు పరిచయం చేస్తున్నాం..