ఈ విల్లాను మూడు గంటల్లో కట్టేసారు!

Updated: Wednesday, July 22, 2015, 17:54 [IST]

మాములుగా విల్లా కట్టాలంటే ఎన్ని రోజులు పడుతుంది. కనీసం ఆరు నెలలు, బాగా కష్టపడిదే మూడు నెలల్లో పూర్తి చేయవచ్చు. కాని చైనాలోని ఓ కంపెనీ మూడు గంటల్లోనో ఆ పని పూర్తి చేసింది. 3డీ ప్రింటింగ్ టెక్నాలజీ సాయంతో ఈ విల్లాను పూర్తి చేశారు.

కిచెన్, హాల్, బెడ్ రూంలను కేవలం ఒక గంటలోనే ఫినిష్ చేశారు.ఇందుకోసం క్రేన్ల సహాయం తీసుకున్నారు. ఈ విల్లా కట్టడానికి చదరపు మీటరకు 400 నుంచి 480 డాలర్లు ఖర్చు అవుతుందని అంచనా వేశారు. ఇకపోతే ఈ విల్లా క్వాలిటీ ఎలా ఉంటుంది.ఎన్ని సంవత్సరాలు మన్నుతుంది పెను విపత్తులను తట్టుకుంటాయా అనే విషయం తెలియాల్సి ఉంది. మొత్తానికి 3డీ టెక్నాలజీ సాయంతో 3 గంటల్లో ఇల్లు కట్టడమనేది చాలా ఆశ్చర్యకరమైన విషయమే మరి.