Airtel Coverage+ సర్వీసుతో Wi-Fi నెట్‌వర్క్‌ సమస్యలకు చెక్....

వై-ఫై నోడ్ అనేది ఈథర్నెట్ కేబుల్ ద్వారా ప్రధాన రౌటర్‌కు అనుసంధానించబడి ఉంది. ఆపై అది ఇతర నోడ్‌లతో కమ్యూనికేట్ చేస్తుంది కావున ఇది ఉన్న ప్రాంతంలో వై-ఫై కవరేజీని మరింత మెరుగుపరుస్తుంది. ఎయిర్‌టెల్ ఎంపిక చేసిన వినియోగదారులకు ఎయిర్‌టెల్ కవరేజ్ + పేరుతో రూ.3,999 అదనపు ఖర్చుతో రెండు వై-ఫై నోడ్‌లను అందిస్తోంది. దీని గురించి మరిన్ని వివరాలు తెలుసుకోవడానికి ముందుకు చదవండి.

ఎయిర్టెల్ కవరేజ్ + అనేది ప్రస్తుతానికి ఎంపిక చేసిన వినియోగదారులకు మాత్రమే అందుబాటులో ఉంది. టెల్కో దీనిని ఒక ప్రాంతం / నగర-నిర్దిష్ట ప్రాతిపదికన తన యొక్క వినియోగదారులకు అందిస్తున్నది. ప్రస్తుతం ఇది చండీగడ్ లో మాత్రమే అందుబాటులో ఉంది. ఎయిర్టెల్ కవరేజ్ + అనేది దేశంలోని ఇతర ప్రాంతాలు / నగరాల్లో కూడా త్వేరలోనే అందుబాటులోకి వచ్చే అవకాశం ఉంది. యూజర్లు తమ ప్లాన్‌కు అదనంగా రూ.2,499 చెల్లించి ఈ నోడ్‌ను కూడా జోడించవచ్చు. అయితే ఇది నెలకు రూ.999 మరియు అంతకంటే ఎక్కువ విలువైన బ్రాడ్‌బ్యాండ్ ప్లాన్‌లను ఎంచుకునే వారికి మాత్రమే అందుబాటులో ఉందని గమనించాలి.

పెద్ద పెద్ద ఆఫీసులు, బంగ్లా మరియు ఇంట్లో నివసించే వినియోగదారులకు ఇది మంచి ఎంపిక అని చెప్పవచ్చు. సాధారణ రౌటర్‌తో పెద్ద ఇంటిలోని ప్రతి చోట Wi-Fi నెట్‌వర్క్‌ను ఖచ్చితంగా పొందలేరు మరియు అనేక సమస్యలను ఎదురుకుంటూ ఉంటారు. ఇటువంటి వారు ఎయిర్టెల్ కవరేజ్ + సర్వీసును కొనుగోలు చేయవచ్చు. వీరు రెండు నోడ్స్ లేదా మెష్ రౌటర్లను కేవలం రూ.3,999 ధరకే పొందవచ్చు. పెద్ద ఇల్లు / కార్యాలయం అంతటా ఇంటర్నెట్ నెట్‌వర్క్ యొక్క కవరేజీని విస్తరించడానికి మరియు ఈ ప్రాంతంలో ఏదైనా డెడ్ నెట్‌వర్క్ జోన్‌లను తొలగించడానికి వై-ఫై నోడ్‌లు సహాయపడతాయి. భారతదేశం అంతటా వినియోగదారులకు ఈ ఆఫర్ ఎప్పుడు లభిస్తుందనే దానిపై ఇంకా అధికారిక ధృవీకరణ లేదు. రూ. 2,499 మొత్తాన్ని చెల్లించడం ద్వారా వినియోగదారుడు ఒకటి కంటే ఎక్కువ అదనపు నోడ్లను కూడా పొందవచ్చు.