కొత్త షాక్: ఐఫోన్ 7 ఇయర్ ఫోన్లు చాలా డేంజర్ !

#1

సంప్రదాయబద్ధమైన ఇయర్ ఫోన్లకు బదులుగా ‘ఎయిర్‌పాడ్స్'గా పిలిచే వైర్‌లెస్ ఇయర్ ఫోన్లను విప్లవాత్మకమార్పుగా తీసుకువస్తున్నామని, ఇది వైర్‌లెస్ యుగానికి నాంది పలికేందుకు తొలి ముందడుగుగా కంపెనీ సీఈవో టిమ్‌కుక్ స్వయంగా చెప్పిన విషయం తెలిసిందే.

#2

అయితే ఇప్పుడు ఈ సిరీస్ ఐఫోన్లలో ఉపయోగిస్తున్న వైర్‌లెస్ ఎయిర్‌పాడ్స్ పూర్తిగా బ్లూటూత్ టెక్నాలజీపైనే పనిచేస్తాయి. ఎయిర్‌పాడ్స్‌లో బ్లూటూత్ కారణంగా విడుదలయ్యే రేడియేషన్ వల్ల ప్రజల ఆరోగ్యంపై ఎలాంటి ప్రభావం పడుతుందన్న అంశం ఇప్పుడు చర్చనీయాంశంగా మారింది.

#3

చెవికి సమీపంలో ఉండే మెదడు రక్తప్రసరణకు ఈ రేడియేషన్ అవరోధం కలిగిస్తుందని, దీనివల్ల మెదడుపై దుష్ప్రభావం ఉంటుందని ‘యుసి బెర్‌క్లీ స్కూల్ ఆఫ్ పబ్లిక్ హెల్త్' ప్రొఫెసర్ డాక్టర్ జోయెల్ మోస్కోవిట్జ్ హెచ్చరించారు. ఆపిల్ ఎయిర్‌పాడ్స్‌ను వాడడం అంటే ఓ మైక్రోవేవ్‌ను చెవులో పెట్టుకోవడమేనని ఆయన వ్యాఖ్యానించారు.

#4

అయితే ఎయిర్‌పాడ్స్ నుంచి విడుదలయ్యే రేడియేషన్ ఫ్రీక్వెన్సీ (పౌనపుణ్యం) ఎంత అనే వివరాలు ప్రస్తుతం అందుబాటులో లేవు. కానీ ఎఫ్‌సీసీ (ఫెడరల్ కమ్యూనికేషన్ కమిషన్) నిర్దేశించిన మార్గదర్శకాలకు లోబడే రేడియేషన్ ఉంటుందని వీటిని తయారు చేసిన ఆపిల్ కంపెనీ ఇంజనీర్లు తెలియజేస్తున్నారు.

#5

మానవ ఆరోగ్యానికి హానికలిగించే రేడియేషన్, అయస్కాంత తరంగాలను నిరోధించేందుకు అనుగుణంగా ఎఫ్‌సీసీ మార్గదర్శకాలు లేవని ఇప్పటికే ప్రపంచవ్యాప్తంగా 200 మంది శాస్త్రవేత్తలు తేల్చారని డాక్టర్ జోయెల్ హెచ్చరించారు.

#6

అయితే ఆపిల్ ఇంజనీర్లు మాత్రం మైక్రోవేవ్ నుంచి వెలువడే రేడియేషన్ కన్నా తమ ఎయిర్‌పాడ్స్ నుంచి తక్కువ స్థాయిలో రేడియేషన్ విడుదలవుతుందని దాన్ని సమర్థిస్తున్నారు.

#7

బ్లూటూత్ స్పీకర్లను దూరంగా ఉండి విన్నా కొంత రేడియేషన్ ప్రభావానికి మనం గురవుతామని, అలాంటప్పుడు నేరుగా, అందులో మెదడుకు దగ్గరగా విడుదలయ్యే రేడియేషన్ ఎక్కువ ముప్పు ఉంటుందని డాక్టర్లు సైతం చెబుతున్నారు.

#8

అంతే కాకుండా కార్డుతో పనిచేసే ఇయర్‌ ఫోన్‌లే అన్నింటికన్నా ఉత్తమమన్నది తన అభిప్రాయమని జోయెల్ చెప్పారు. మరి ఈ ఐఫోన్ ఇయర్ ఫోన్స్ సంగతి ఎప్పుడు తేలుతుందనేది ఇప్పటికైతే సస్పెన్స్.