గొప్ప గేమింగ్ ఫీచర్లతో ఆసుస్ ROG ఫోన్ 2

ధరల వివరాలు

ఆసుస్ నుండి వచ్చిన రెండవ గేమింగ్ స్మార్ట్‌ఫోన్ రెండు వేరియంట్ లలో లభిస్తుంది. ఇందులో 128 జీబీ స్టోరేజ్‌ మరియు 8 జీబీ ర్యామ్‌ యొక్క వేరియంట్ ధర 37,999 రూపాయలు. ఇందులో 12 జీబీ ర్యామ్ మరియు 512 జీబీ స్టోరేజ్ గల వేరియంట్‌ ధర 59,999 రూపాయలు.

వీటి యొక్క అమ్మకాలు సెప్టెంబర్ 30 నుండి 12:00 గంటలకు ఫ్లిప్‌కార్ట్ ద్వారా ప్రారంభమవుతుంది. ఆఫర్లలో బాగంగా ఐసిఐసిఐ, యాక్సిస్ బ్యాంక్ కార్డులపై 10 శాతం తగ్గింపు ఉంటుంది. ROG ఫోన్ 2 నుబియా రెడ్ మ్యాజిక్ 3 మరియు బ్లాక్ షార్క్ 2 స్మార్ట్‌ఫోన్‌లతో పోటీ పడనుంది.

స్పెసిఫికేషన్స్

ఆసుస్ ROG ఫోన్ 2 దాని డిజైన్ పరంగా చాలా భిన్నంగా ఉంది. ఇది ఇప్పటికీ ఫ్రంట్ కార్నింగ్ గొరిల్లా గ్లాస్ 6 ప్రొటెక్షన్ గల 6.59-అంగుళాల AMOLED డిస్ప్లేతో పాటు అల్యూమినియం ఫ్రేమ్‌ను కలిగి ఉంది. ఇది 120Hz డిస్ప్లేని కలిగి ఉంది. ఇది ఇప్పటివరకు ఏ స్మార్ట్‌ఫోన్‌లోను లేని వేగవంతమైన రిఫ్రెష్ రేట్ ను కలిగి ఉంది. దీని యొక్క డిస్ప్లే 2340 x 1080 పిక్సెల్స్ మరియు 19.5: 9 కారక నిష్పత్తితో గల ఫుల్ HD + రిజల్యూషన్‌ మద్దతుతో వస్తుంది.

ఈ స్మార్ట్‌ఫోన్‌ క్వాల్కమ్ స్నాప్డ్రాగన్ 855+ SoC నుండి శక్తిని తీసుకుంటుంది. ఇది 12GB RAM మరియు 128GB / 256GB / 512GB స్టోరేజ్ ఆప్షన్లతో వస్తుంది. ఫోటోగ్రఫీ విభాగంలో దీని యొక్క వెనుక భాగంలో 48 మెగాపిక్సెల్ మెయిన్ కెమెరా మరియు 13 మెగాపిక్సెల్ అల్ట్రావైడ్ కెమెరా ఉంటుంది. అలాగే ముందు భాగంలో f / 2.2 ఎపర్చర్‌తో 24 మెగాపిక్సెల్ సెల్ఫీ షూటర్‌ కూడా ఉంటుంది. ఈ స్మార్ట్‌ఫోన్‌ Wi Fi 802.11ac, బ్లూటూత్, GPS, NFC మరియు 4G VoLTE మరియు డ్యూయల్ సిమ్ కార్డ్ స్లాట్లకు మద్దతు ఇస్తుంది. ఫోన్‌లో రెండు యుఎస్‌బి టైప్-సి పోర్ట్‌లు కూడా ఉన్నాయి.

ఈ ఫోన్‌లో ప్రతేకత ఏమిటంటే కంపెనీ 6,000 ఎంఏహెచ్ బ్యాటరీని అందించడం. ఈ బ్యాటరీ ఏడు గంటల వరకు గేమింగ్‌కు ఎటువంటి అంతరాయం లేకుండా నిరంతరంగా బ్యాటరీ లైఫ్ ను అందిస్తున్నట్లు కంపెనీ పేర్కొంది. ఇది క్విక్ ఛార్జ్ 4.0 తో పాటు 30W ROG హైపర్‌ఛార్జ్‌కి కూడా మద్దతు ఇస్తుంది.