BSNL 4G Prepaid Plans: రోజుకు 10GB డేటా ప్రయోజనాలతో...

Published: Wednesday, February 12, 2020, 17:17 [IST]

ప్రభుత్వ యాజమాన్యంలోని టెలికాం ఆపరేటర్ బిఎస్‌ఎన్‌ఎల్ తన 4G కార్యకలాపాలను ఇండియా అంతటా త్వరలోనే ప్రారంభించనుంది. ఈ టెల్కో తన 4G సేవలను ఇండియా అంతటా అందించడానికి కొంత సమయం పడుతుంది కావున ఎంపిక చేసిన కొన్ని సర్కిళ్లలో తన కార్యకలాపాలను అందరికంటే మెరుగ్గా ప్రారంభించింది.

ప్రస్తుతం ఉన్న 3G స్పెక్ట్రం ఉపయోగించి ఆపరేటర్ 4Gని అందిస్తోంది. ఇప్పుడు ఈ ఆపరేటర్ రెండు 4G ప్లాన్‌లను ప్రారంభించింది. ఈ ప్లాన్‌లు 84 రోజుల చెల్లుబాటుతో రోజువారీ 10GB డేటాను అందిస్తాయి. రిలయన్స్ జియో అందించే ప్లాన్‌ల కంటే బిఎస్ఎన్ఎల్ నుండి వస్తున్న ఈ కొత్త ప్లాన్‌లు చాలా వరకు చాలా చౌకగా ఉన్నాయి.

BSNL 4G ప్రీపెయిడ్ ప్లాన్‌లు

బిఎస్‌ఎన్‌ఎల్ ఇప్పుడు కొత్తగా రూ.96, రూ.236 ధరలతో రెండు 4G ఓన్లీ ప్రీపెయిడ్ ప్లాన్‌లను విడుదల చేసింది. ఈ ప్లాన్‌ల యొక్క ప్రయోజనాలు బిఎస్ఎన్ఎల్ ఆపరేటర్ చందాదారులకు 4G సేవలను అందించే సర్కిల్‌లలో మాత్రమే అందుబాటులో ఉంటాయి. కంపెనీ తన 4G సేవలను ప్రస్తుతం కోల్‌కతాలోని వివిధ ప్రాంతాల్లో ప్రారంభించింది. ఈ సేవను ఉపయోగించడానికి చందాదారులు రెండు ప్లాన్లలో దేనినైనా రీఛార్జ్ చేసుకోవచ్చు. ఈ ప్లాన్‌లు ఖచ్చితంగా ఎయిర్‌టెల్ మరియు రిలయన్స్ జియో కంటే మెరుగైన ప్రయోజనాలను అందిస్తాయి.

ప్రయోజనాలు

బిఎస్‌ఎన్‌ఎల్ తన 4G ప్రీపెయిడ్ ప్లాన్‌లతో కేవలం డేటా ప్రయోజనాన్ని మాత్రమే అందిస్తోంది. ఈ ప్లాన్‌లతో వాయిస్ కాలింగ్ మరియు SMS ప్రయోజనాలు వంటివి ఉండవు. ఈ రెండు ప్లాన్‌లు తన మొత్తం చెల్లుబాటు కాలంలో రోజుకు 10GB డేటాను అందిస్తాయి కాని యాక్సిస్ విషయంలో కాస్త భిన్నంగా ఉంటాయి. రూ.96 ప్లాన్ 28 రోజుల చెల్లుబాటుతో వస్తుంది. అలాగే రూ.236 ప్రీపెయిడ్ ప్లాన్ అందించే చెల్లుబాటుపై ఇంకా స్పష్టమైన సమాచారం లేదు. కానీ ఈ ప్లాన్ 2,360GB డేటాను 236 రోజుల చెల్లుబాటుతో లభిస్తుంది అని పుకారు ఉంది కానీ దీని మీద స్పష్టమైన సమాచారం ఇంకా తెలియాలసి ఉంది.

డౌన్‌లోడ్ వేగం

డౌన్‌లోడ్ పరంగా బిఎస్‌ఎన్‌ఎల్ గొప్ప వేగాన్ని అందిస్తున్నట్లు అనిపించదు కాని గౌరవనీయమైన 10mbps వేగంతో మాత్రం లభిస్తుంది. బిఎస్ఎన్ఎల్ తన ప్రత్యర్థులను ఓడించడానికి ఈ డేటా విభాగం చాలా వరకు ఉపయోగపడుతుంది. ఇది తన ప్రత్యర్థుల కంటే ఎక్కువ డేటాను అందిస్తుంది. రిలయన్స్ జియో యొక్క రూ.251 ధర గల 4G డేటా వోచర్‌ తన వినియోగదారులకు రోజుకు 2 జీబీ డేటాను 51 రోజుల చెల్లుబాటుతో ఇస్తుంది. కస్టమర్లను 4G సేవలకు అప్‌గ్రేడ్ చేయడానికి బిఎస్‌ఎన్‌ఎల్ ప్రస్తుత డేటా ప్లాన్‌ను అందించే అవకాశం ఉంది.

BSNL యొక్క 4G సేవను ఎలా పొందాలి?

BSNL యొక్క 4G సేవను పొందడానికి మీరు ఈ రెండు BSNL 4G ప్లాన్‌లకు అర్హత పొందాలి. అలాగే ఆపరేటర్ తన 4G సేవను అందించే సర్కిల్‌లో కూడా మీరు ఉండాలి. ఈ సర్కిల్‌లలోని చందాదారులు తమ సమీప కస్టమర్ కేర్ సెంటర్ నుండి బిఎస్‌ఎన్‌ఎల్ 4G సిమ్ కార్డును పొందవచ్చు. బిఎస్ఎన్ఎల్ తన 4G సేవలను కేరళ, ఆంధ్రప్రదేశ్ & తెలంగాణ, కోల్‌కతా మరియు మహారాష్ట్రలలో అందిస్తోంది. అలాగే మధ్యప్రదేశ్, కర్ణాటక, గుజరాత్, చెన్నై మరియు తమిళనాడు ప్రాంతాలలో కూడా 4G సేవలు అందుబాటులో ఉన్నాయి.