BSNL బ్రాడ్‌బ్యాండ్ ప్లాన్‌లు... తక్కువ ధర వద్ద అన్ లిమిటెడ్ డేటా!!!!!

బిఎస్‌ఎన్‌ఎల్ యొక్క రూ.777 మరియు రూ.1,277ల భారత్ ఫైబర్ ప్లాన్‌లతో పాటు రూ.2,499, రూ.3,999 వంటి ఇతర ప్లాన్‌లు రోజుకు 170GB వరకు రోజువారీ డేటా పరిమితితో వస్తాయి. రోజువారీ FUP పరిమితి లేని కొన్ని బిఎస్ఎన్ఎల్ బ్రాడ్‌బ్యాండ్ ప్లాన్‌లు కూడా ఉన్నాయి. ఏదేమైనా రోజువారీ డేటా ప్రయోజనం ఉన్న వారితో పోల్చితే రోజువారేతర డేటా బ్రాడ్‌బ్యాండ్ ప్లాన్‌లు అందించే ప్రయోజనాలు తక్కువగా ఉంటాయి. BSNL యొక్క స్టాండర్డ్ బ్రాడ్‌బ్యాండ్ ప్లాన్‌లు 99 రూపాయల నుండి ప్రారంభమవుతాయి. కాని FUP పరిమితి లేని ప్లాన్‌లు వివిధ సర్కిల్‌లలో 555 రూపాయల నుండి ప్రారంభమవుతాయి. దీని గురించి మరింత తెలుసుకోవడానికి ముందుకు చదవండి.

డైలీ డేటా క్యాప్ లేని బిఎస్ఎన్ఎల్ బడ్జెట్ బ్రాడ్‌బ్యాండ్ ప్లాన్‌లు

బిఎస్‌ఎన్‌ఎల్ బ్రాడ్‌బ్యాండ్ పోర్ట్‌ఫోలియోలో తక్కువ బడ్జెట్ ధరలో వున్న ప్లాన్లు కూడా రోజువారీ డేటా క్యాప్ లేని ప్రయోజనాలను అందిస్తుంది. ఇందులో ఫైబ్రో 100 జిబి లేదా మంత్ CS106 అని పిలువబడే రూ .555 బ్రాడ్‌బ్యాండ్ ప్లాన్ ముందు వరుసలో ఉంది. రాష్ట్ర నేతృత్వంలోని టెలికాం ఆపరేటర్ రూపొందించిన ఈ బ్రాడ్‌బ్యాండ్ ప్లాన్ నెలలో 100 జీబీ డేటాను 20mbps వేగంతో అందిస్తుంది. 100GB డేటా తరువాత దీని యొక్క వేగం 1 Mbps కి తగ్గుతుంది. చందాదారులు బిఎస్ఎన్ఎల్ నెట్‌వర్క్‌కు ఉచిత అపరిమిత కాలింగ్ మరియు ఇతర నెట్‌వర్క్‌లకు రాత్రి 10:30 నుండి సాయంత్రం 6:00 వరకు మరియు ఆదివారం అపరిమిత కాలింగ్ ప్రయోజనంను పొందుతారు.

బిఎస్ఎన్ఎల్ సూపర్ స్టార్ 300 జిబి ప్లాన్

ఈ వరుసలో వున్న తదుపరి ప్లాన్ బిఎస్ఎన్ఎల్ నుండి వస్తున్న రూ.749 బ్రాడ్బ్యాండ్ ప్లాన్. దీనిని సూపర్ స్టార్ 300 జిబి ప్లాన్ అని కూడా అంటారు. ఈ ప్లాన్ పేరుకు తగ్గట్లుగా మొత్తం చెల్లుబాటు కాలంలో 300GB డేటాను 50 Mbps వేగంతో అందిస్తుంది. ఈ FUP డేటా అయిపోయిన తరువాత డేటా యొక్క వేగం 2 Mbpsకు తగ్గించబడుతుంది. ఈ ప్లాన్ ఏ నెట్‌వర్క్‌కైనా అపరిమిత ఉచిత కాలింగ్‌ను అందిస్తుంది. అలాగే బిఎస్‌ఎన్‌ఎల్ తన వినియోగదారులకు రూ.745 మరియు అంతకంటే ఎక్కువ విలువైన అన్ని ప్లాన్‌లపై అమెజాన్ ప్రైమ్ సభ్యత్వాన్ని సంవత్సరానికి అందిస్తుంది కాబట్టి ఈ ప్లాన్ యొక్క చందాదారులు అమెజాన్ ప్రైమ్ సభ్యత్వ ప్రయోజనాన్ని ఉచితంగా పొందుతారు.

అమెజాన్ ప్రైమ్ మెంబర్‌షిప్ బెనిఫిట్‌తో బిఎస్‌ఎన్‌ఎల్ బ్రాడ్‌బ్యాండ్ ప్లాన్‌లు

ఈ జాబితాలోని మొదటి ప్లాన్ రూ.777ల ఫైబ్రో 500GB ప్లాన్. ఇది ఒక నెల చెల్లుబాటు కాలంతో 50 ఎమ్‌బిపిఎస్ వేగంతో 500GB డేటాను అందిస్తుంది. దీని తరువాత డేటా యొక్క వేగం 2 ఎమ్‌బిపిఎస్ కు తగ్గించబడుతుంది. అదనపు ప్రయోజనాల విషయానికి వస్తే ఇది అన్ని నెట్‌వర్క్‌లకు అపరిమిత కాలింగ్‌ ప్రయోజనంను కూడా అందిస్తుంది. . ఈ ప్లాన్ అమెజాన్ ప్రైమ్ సభ్యత్వంను ఒక సంవత్సరం పాటు ఉచితంగా అందిస్తుంది.

రూ.849 బ్రాడ్‌బ్యాండ్ ప్లాన్‌

బిఎస్‌ఎన్‌ఎల్ యొక్క పోర్ట్‌ఫోలియోలో వున్న మరొక ప్లాన్ రూ.849 బ్రాడ్‌బ్యాండ్ ప్లాన్‌. ఇది రోజువారీ ఎఫ్‌యుపి పరిమితి లేకుండా 50 ఎమ్‌బిపిఎస్ వేగంతో మొత్తం ఒక నెల చెల్లుబాటు కాలంలో మొత్తంగా 600 జిబి డేటాను అందిస్తుంది. అలాగే ఇది అన్ని నెట్‌వర్క్‌లకు ఉచిత అపరిమిత కాలింగ్ మరియు అమెజాన్ ప్రైమ్ బెనిఫిట్‌ ప్రయోజనంను కూడా అందిస్తుంది. చందాదారులకు 100 ఎమ్‌బిపిఎస్ వేగంతో నెలకు 750 జిబి డేటాను అందించే రూ.1,277 బ్రాడ్‌బ్యాండ్ ప్లాన్ కూడా పైన తెలిపిన ప్లాన్ యొక్క అన్ని ఇతర ప్రయోజనాలను అందిస్తుంది.

హై రేంజ్ బ్రాడ్‌బ్యాండ్ ప్లాన్‌లు

బిఎస్ఎన్ఎల్ యొక్క హై రేంజ్ బ్రాడ్‌బ్యాండ్ ప్లాన్‌లు కూడా నెలవారీ ఎఫ్‌యుపితో వస్తాయి. ఇందులో 100 ఎంబిపిఎస్ వేగంతో నెలకు 2000 జిబి డేటాను రూ.2999 ప్లాన్ అందిస్తుంది. 100 ఎంబిపిఎస్ వేగంతో 2000 జిబి డేటాను రూ.4,999 బ్రాడ్బ్యాండ్ ప్లాన్ అందిస్తుంది. బిఎస్‌ఎన్‌ఎల్ నుండి ఇదే తరహాలో వస్తున్న మరొక ప్లాన్ రూ.9,999 బ్రాడ్‌బ్యాండ్ ప్లాన్. ఇది నెలకు 100 ఎమ్‌బిపిఎస్ వేగంతో 2250 జిబి డేటాను అందిస్తుంది. అయితే ఎఫ్‌యుపి తర్వాత దీని వేగం 8 ఎమ్‌బిపిఎస్ కు తగ్గించబడుతుంది. పైన తెలిపిన అన్ని ప్లాన్లు అపరిమిత కాలింగ్ మరియు అమెజాన్ ప్రైమ్ సభ్యత్వం వంటి ఇతర ప్రయోజనాలను కూడా అందిస్తుంది.